Daniel 3:12 - Ti Biblia (1973)

¹² Adda dadduma a Judios isuda a dinutocmo nga agpangulo cadagiti ar-aramid ti provincia ti Babilonia: da Sidrac, Misac ken Abdenago; dagitoy a lallaki, O ari, saandaca nga incancano: dida pagservian dagiti didiosmo, ket dida met agdaydayaw iti ladawan a balitoc a binangonmo.

Ti Baro a Naimbag a Damag Biblia

¹² Adda sumagmamano a Judio a dinutokam a mangimaton iti probinsia ti Babilonia—da Sedrac, Mesac ken Abednego—a di nangtungpal iti bilinmo, O Ari. Saanda nga agdaydayaw iti diosmo ket saanda met nga agrukbab iti estatua nga impasdekmo.”

Daniel 3:12 Iomraidhean Croise

Ester 3:8

Ket kinuna ni Aman ken ari Asuero, Adda maysa nga ili a naiwara ken naiwaras iti tengnga dagiti il-ili cadagiti amin a provincia ti panapagariam; ket dagiti linlintegda maisupadi cadagidiay iti tunggal umili; uray dagiti linlinteg ti ari dida salimetmetan: gapuna a saan a maipaay a paggungunaan ti ari ti panagibtur cadacuada.

Dagiti Proverbio 27:4

Ti rungsot nadawel, ket ti pungtot mangiremrem; ngem siasino ti macabalin nga agtacder iti saclang ti kinaimon?

Eclesiastes 4:4

Idin nakitac amin nga aramid ken tunggal napnoan-laing nga aramid, a gapu itoy ti tao inaguman ti caarrubana. Daytoy met isu ti kinaubbaw ken maysa a panagagawa iti angin.

Daniel 1:7

Ket ti pangulo dagiti eunuco pinanagananna ida; ni Daniel pinanagananna ti Baltasar; ni Ananias, Sidrac; ni Misael, Misac; ket ni Azarias, Abdenago.

Daniel 2:48

Idin ti ari intan-ocna ni Daniel, ket iniccanna cadagiti adu a dadackel a sagsagut, ket isu insaadna nga agturay iti amin a provincia ti Babilonia, ken cangronaan a gobernador ti amin a mamasirib idiay Babilonia.

Daniel 2:49

Ket ni Daniel nagdawat iti ari, ket isu dinutocanna da Sidrac, Misac ken Abdenago nga agpangulo cadagiti aramid ti provincia ti Babilonia: ngem ni Daniel nagtaeng iti ruangan ti ari.

Daniel 3:11

Ket ti saan nga agpacleb ken agdayaw, maitappuacto iti tengnga ti sumsumged ken dumardarang nga horno.

Daniel 3:16

Ni Sidrac, Misac ken Abdenago simmungbatda ket kinunada iti ari. O Nabucodnosor, saan a masapul a sumungbatcami kenca itoy a banag.

Daniel 3:29

Gapuna ibilinco, nga tunggal ili, nacion, ken pagsasao, nga agsao iti aniaman a maibusor iti Dios da Sidrac, Misac ken Abdenago mapisangpisangdanto, ket dagiti balbalayda maaramiddanto a gabsuon ti rugit; gapu ta awan ti sabali a dios a macabalin a mangispal iti castoy.

Daniel 3:30

Iti casta ti ari intan-ocna da Sidrac, Misac ken Abdenago iti provincia ti Babilonia.

Daniel 6:13

Iti casta simmungbatda ket kinunada iti saclang ti ari, Dayta a Daniel a nagtaud cadagiti annac ti pannacacayaw ti Juda, dinaca icancano, O ari, uray iti bilin a finirmaam, no di ket aramidenna ti panagdawatna iti mamitlo iti tunggal aldaw.

Daniel 6:14

Ti ari ngarud idi a nangngegna dagitoy a sasao, napalucsaw unay, ket impamaysana ti pusona ken Daniel tapno isu ispalennanto; ket nagtrabajo agingga iti ilelennec ti init iti panangispalna kencuana.

Dagiti Aramid 17:7

Isuda a pinagdagus ni Jason: ket amin dagitoy agaramidda iti maisalungasing cadagiti bilbilin ni Cesar, a cuncunada nga adda sabali nga ari, nga isu ni Jesus.

Dagiti Aramid 5:28

A kinuna: Saanmi nga imbilin iti nairut cadacayo a dicay mangisuro iti daytoy a nagan? ket adtoy, a pinunnoyo ti Jerusalem iti sursuroyo, ket cayatyo nga ipabasol cadacami ti dara daytoy a tao.