Daniel 2:4 - Ti Biblia (1973)

⁴ Idin dagiti Caldeos nagsaoda iti ari iti pagsasao ti Siria, O ari, agbiagca coma iti agnanayon, ipacaammom ti tagtagainep cadagiti adipenmo, ket iparangminto ti catarusanna.

Ti Baro a Naimbag a Damag Biblia

⁴ Simmungbatda ket kinunada iti pagsasao nga Arameo, “Sapay koma ta agbiag ti Natan-ok nga Ari iti agnanayon! Ibagam ti tagtagainepmo ket ipalawagmi ti kaipapananna.”

Daniel 2:4 Iomraidhean Croise

Genesis 31:47

Ket ni Laban pinanagananna iti Jegar-Sahadutha: ngem ni Jacob ninaganna iti Galaad.

Genesis 41:8

Ket naaramid iti cabigatanna, a naculcolan ti cararuana; ket nagbaon ket pinaayabanna amin dagiti managsalamangca sadi Egipto, ken amin dagiti mamasirib ti daga: ket ni Faraon sinaritana cadacuda ti tagtagainepna; ngem awan cadacuada ti nacaipalawag ken Faraon.

1 Ar-ari 1:25

Ta isu simmalog ita nga aldaw, ket nagparti cadagiti vacvaca ken dagiti pinalucmeg ken carcarnero iti nawadwad, ket inawisna amin dagiti anac ti ari, ken dagiti cacapitan ti buyot, ken ni Abiatar a padi; ket, adtoy, isuda mangmangan ken agiinumda iti sangona, ket cunada, Agbiag coma a manayon ni ari Adonia.

1 Ar-ari 1:31

Idin ni Bat-seba inrucnoyna ti rupana iti baba, ket nagrucbab iti ari, ket kinunana, Agbiag coma ni ari David nga apoc iti agnanayon.

2 Ar-ari 18:26

Idin da Eliacim nga anac ni Hilcias, ken ni Sobna, ken ni Joah, kinunada ken ni Rabsaces, Agsaoca, agdawatac kenca, cadagiti ad-adipenmo iti sao ti Siria; ta isu ti maawatanmi, ket dica coma makisao cadacami iti sao dagiti Judio, cadagiti laplapayag dagiti tattao nga adda iti rabaw ti bacud.

ESDRAS 4:7

Ket cadagiti al-aldaw ni Artaxerxes nagsurat da Bislam, Mitridates, Tabeel, ken dagiti matda cadagiti caduana, ken Artaxerxes nga ari ti Persia; ket ti pannacaaramid ti surat nasuratan iti letra ti Siria, ket naipalawag iti pagsasao ti Siria.

Nehemias 2:3

Ket kinunac iti ari, Agbiag coma a manayon ti ari: apayapay a di agliday coma ti rupac, idinto a ti ili, a disso dagiti tantanem dagiti ammac, aglangalang, ken dagiti ruanganna napuuranda iti apuy.

Isaias 36:11

Idin da Eliakim ken Sebna ken Joah kinunada ken ni Rabsaces, Agdawatac kenca, agsaoca cadagiti ad-adipenmo iti pagsasao ti Siria; ta isu ti maawatanmi: ket dica coma makisao cadacami iti pagsasao dagiti Judio, cadagiti lapayag dagiti tattao nga addada iti rabaw ti bacud.

Isaias 44:25

A mangdadael cadagiti pagilasinan dagiti managulbod, ken mamagpungtot cadagiti mammadles; ken mangbalictad cadagiti mamasirib a tattao, ken mangaramid iti pannacaammoda a kinamaag;

Daniel 1:4

Babbaro nga cadacuada awan ti pacapilawan, no di ket nataraki, ket naisuroda iti amin a kita ti sirib, nga adda cadacuada ti pannacaammo ken kinalaing iti ciencia, ken naaddaan pannacabalinda a pimmarang iti palacio ti ari; ket isurona coma cadacuada ti sursuro ken ti pagsasao dagiti Caldeos.

Daniel 2:7

Simmungbatda iti maicadua a daras, ket kinunada, Ibaga coma ti ari ti tagtagainep cadagiti adipenna ket iparangminto ti catarusanna.

Daniel 3:9

Simmungbatda ket kinunada ken ari Nabucodonosor, O ari, agbiagca coma iti agnanayon.

Daniel 4:19

Iti casta ni Daniel, nga iti naganna idi Baltasar, napaulimec iti bassit a canito, ket dagiti panpanunotna nariribucda. Ti ari simmungbat ket kinunana, Baltasar, ti parparmata ken ti catarusanna saannaca coma a riribuken. Simmungbat ni Baltasar ket kinunana, Apoc, ti parparmata agpaay coma cadagiti gumura kenca, ket ti catarusanna agpaay cadagiti cabusormo.

Daniel 4:7

Idin immay dagiti magos, baglan, Caldeos, ken dagiti mammagbaglan, Caldeos, ken dagiti mammadles; ket sinaritac ti tagtagainep iti sangoananda; ngem dida naipacaammo caniac ti catarusanna.

Daniel 4:9

O Baltasar, apo dagiti magos, gapu ta ammoc nga adda kenca ti espiritu dagiti nasantoan a didios, ket awan ti palimed a mangriribuc kenca, ibagam coma dagiti parparmatac iti tagtagainepco a nakitac, ken ti catarusanna.

Daniel 5:10

Iti casta ti reina gapu cadagiti sasao ti ari ken dagiti pangoloenna simrec iti balay a pagpadayaan: ti reina nagsao ket kinunana, O ari, agbiagca coma iti agnanayon; didaca coma riribuken dagiti panunotmo, ket dimet coma agbaliw dayta langam.

Daniel 5:8

Iti casta simrec amin dagiti mamasirib ti ari; ngem dida nabalin a binasa daydi surat, ket dida met naipacaammo iti ari ti catarusanna.

Daniel 6:21

Iti casta kinuna ni Daniel iti ari, O ari, agbiagca coma iti agnanayon.

Daniel 6:6

Idin dagitoy a presidente ken pangpanguloen, naguurnongda iti saclang ti ari, ket castoy ti sinaoda kencuana, Ari Dario, agbiagca coma iti agnanayon.

Daniel 6:7

Amin dagiti presidente iti pagarian, diputados, ken pangpanguloen, dagiti consejeros ken gobernadores nagbibinnalacadanda ti mamangon iti maysa a naarian a linteg, ken mangaramid ti maysa a napigsa a bilin, a siasinoman nga agdawat iti uray siasino a dios wenno tao iti bayat ti tallopulo nga aldaw, no di laeng kenca, O ari, isu maibellengto iti rukib dagiti leon,

San Mateo 21:9

Ket dagiti adu a tattao a magmagna iti masangoananna, ken dagiti simmurot impuccawda a cuncunada: Hosanna iti Anac ni David! Bendito ti umay iti nagan ti Apo! Hosanna idiay cangatoan!

1 Samuel 10:24

Ket ni Samuel kinunana iti amin nga umili, Kitaenyo daydiay a ni Jehova pinilina, nga awan ti maysa a cas kencuana iti amin nga umili? Ket amin nga umili nagpuccaw, ket kinunana, Agbiag coma a manayon ti ari.