Daniel 12:3 - Ti Biblia (1973)

³ Ket dagiti mamasirib aglawagdanto a cas iti raniag ti tangatang; ket dagiti mangiragpat cadagiti adu iti kinalinteg casdanto cadagiti bitbitwen iti agnanayon nga awan ti inggana.

Ti Baro a Naimbag a Damag Biblia

³ Agraniagto dagiti mamasirib a kas iti lawag ti langit. Aglawagto nga agnanayon a kas kadagiti bituen dagiti nangisuro kadagiti adu a tattao nga agaramid iti naimbag.”

Daniel 12:3 Iomraidhean Croise

Exodo 34:35

Ket dagiti annac ti Israel nakitada ti rupa ni Moises, a ti cudil ti rupa ni Moises rimmaniag; ket incabil ni Moises ti abbong iti rupana manen, agingga iti iseserrecna a pannakisao ken Jehova.

Dagiti Proverbio 11:30

Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

Dagiti Proverbio 3:35

Ti masirib tawidennanto ti dayaw; ngem ti bain isunto ti magunguna dagiti maag.

Dagiti Proverbio 4:18

Ngem ti dana ti nalinteg cas iti annaraar ti agsapa, a rumaniag a rumaniag agingga iti napaypayso nga aldaw.

Eclesiastes 12:9

Ket maysa pay, agsipud ta ti Mangascasaba nasirib, insurona met laeng ti pannacaammo iti umili; wen, isu nagpakinakem, ket inornosna dagiti adu a proverbios.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Jeremias 23:22

Ngem no nagtacderda coma iti pammagbagac, iti casta pinagdengngegda coma ti ilic cadagiti sasaoc, ket insublida ida manipud iti dakes a dalanda, ken manipud iti kinadakes dagiti gapuananda.

Daniel 11:33

Ket dagiti mamasirib cadagiti tattao sursuroandanto ti adu; nupay casta mapasagdanto a gapu iti campilan ken iti darang, gapu iti pannacacayaw ken pannacacayaw iti adu nga al-aldaw.

Daniel 11:35

Ket dadduma cadagidiay a mamasirib mapasagdanto tapno mangpalinis cadacuada, ken manggugor, ken mangpapudaw cadacuada agingga met laeng iti pannawen a pannacatungpal, ta maipaay pay laeng iti nakedngan a pannawen.

Daniel 12:10

Adu dagiti aggugorto cadagiti bagbagida met laeng, ken papudawenda dagiti bagbagida met laeng, ket madalusanda; ngem dagiti managdacdakes agaramiddanto a sidadangkes; ket awan cadagiti managdacdakes ti macaawat; ngem dagidiay mamasirib maawatandanto.

San Mateo 13:43

Ket maigiddato a dagiti nalinteg agraniagdanton a cas la ti init iti pagarian ni Amada: ti addaan laplapayagna a pagdengngeg, dumngeg coma.

San Mateo 19:28

Ket ni Jesus kinunana cadacuada: Pudno cunac cadacayo, dacayo a simmurot caniac, intono baro a pannacaparsua, intono ti Anac ti tao agtugawto iti trono ti gloriana, agtugawcayto met cadagiti sangapulo ket dua a trono a mangocom cadagiti sangapulo ket dua a tribu ti Israel.

San Mateo 24:45

Siasino ngarud ti adipen a mapagtalcan ken naannad, nga incabil ni apona nga agaywan iti sangacabbalayanna tapno iccanna ida ti taraon no pannacaipaayna?

San Juan 4:36

Ti agani umawat ti tangdan, ket agurnong ti bunga a maipaay iti biag nga agnanayon; tapno ti agmula ken ti agani aggiddanda nga agrag-o.

San Juan 5:35

Isu idi ti silaw a sumged ken manglawag: ket kinayatyo ti nagrag-o iti apagbiit iti lawagna.

Dagiti Aramid 13:1

Ket adda idi iti Iglesia sadi Antioquia, dagiti mammadto ken dagiti mannursuro: da Bernabe ken Simon a managan Niger; ken ni Lucio a taga Cirine, ken ni Manahen, (a kinatagibian ni Herodes a tetrarca), ken ni Saulo.

1 Taga-Corinto 3:10

Cas iti parabur ti Dios a naited caniac, cas masirib nga agar-aramid ti balay, incabilco ti cimiento, ket sabali ti agbalay iti rabawna: ngem kitaen ti tunggal maysa no casano ti panagbalayna iti rabawna.

Taga-Efeso 4:11

Ket dagiti dadduma incabilna nga apostol; ket dagiti dadduma mammadto; ket dagiti dadduma evangelistas; ket dagiti sabsabali, paspastor ken mannursuro;

Hebreo 5:12

Ta idinto a dacay coma ti manursuron, gapu iti cabayagyon, masapulyo manen ti mangisuro cadacayo, no ania dagiti pamunganayan a sursuroen cadagiti sasao ti Dios; ket nagbalincayo a cas la cadagiti macasapul ti gatas, a saan a ti taraon a nakired.

2 Pedro 3:15

Ket ibilangyo a ti atiddug a panangitured ni Apotayo isu ti pacaisalacanan; a cas met insurat cadacayo ni ay-ayatentayo a cabsat a Pablo, cas mayannurot iti sirib a naited kencuana:

Paltiing 1:20

Ti palimed dagiti pito a bituen a nakitam iti macanawanco, ken dagiti pito a pagsilawan a nabalitocan. Dagiti pito a bituen isuda dagiti angel cadagiti pito nga Iglesia; ket dagiti pito a pagsilawan isuda dagiti pito nga Iglesia.

Uk-ukom 5:31

Iti casta matayda coma amin dagiti cabusormo, O Jehova: ngem dagiti agayat kencuana isuda coma iti cacas la iti init no lumgac a sirarangrang. Ket ti daga nagtalna cadagiti uppat a pulo a tawen.