Daniel 11:3 - Ti Biblia (1973)

³ Ket maysa a napigsa nga ari bumangonto, nga agarinto iti dackel a panagturay, ket aramidennanto ti cas pagayatanna.

Ti Baro a Naimbag a Damag Biblia

³ “Kalpasanna, tumaudto ti maysa a maingel nga ari. Nalawanto ti pagarian nga iturayanna, ket aramidennanto ti kaykayatna.

Daniel 11:3 Iomraidhean Croise

Daniel 11:16

Ngem daydiay umay a bumusor kencuana aramidennanto ti mayanatup iti pagayatanna met laeng, ket awanto ti agtacder iti saclangna; ket isu agtacderto iti nadayag a daga, ket iti imana addanto pannacadadael.

Daniel 11:36

Ket ti ari agaramidto iti cas mainugot iti pagayatanna; ket itan-ocnanto ti bagina met laeng, ken padackelenna ti bagina met laeng iti ngato ti amin a didios, ket agsaonto cadagiti nacascasdaaw a banbanag a maibusor iti Dios dagiti didios; ket rumang-ayto agingga iti matungpal ti pungtot; ta daydiay nakedngan maaramidto.

Daniel 4:35

Ket amin dagiti agnaed iti lubong maibilangda a cas awan; ken aramidenna cas pagayatanna iti buyot ti langit ken cadagiti agnaed iti daga; ket awan ti manglapped iti imana, wenno agcuna kencuana, Ania ti aramidem?

Daniel 5:19

Ket gapu iti kinatan-oc nga intedna kencuana, amin dagiti il-ili, nasnacion, ken pagsasao nagpigerger ken nagbutengda iti saclangna: dagiti kinayatna pinatayna, ket dagiti kinayatna binayanna nga agbiag; dagiti kinayatna intan-ocna, ket dagiti kinayatna impababana.

Daniel 7:6

Iti calpasan daytoy siac kinitac, ket adtoy, ti maysa a sabali nga umasping iti maysa a leopardo, nga adda uppat a payac ti tumatayab iti bucotna; ket ti animal adda met uppat nga olona; ket ti panagturay naited kencuana.

Daniel 8:21

Ket ti burangen a calding a lalaki isu ti ari ti Grecia: ket ti dackel a sara nga adda kencuana iti baet dagiti matana isu ti umuna nga ari.

Taga-Efeso 1:11

Isu met a nacaaramidantayo a sanicuana, idinto a natudingantay idi, cas ti panggep daydiay agararamid cadagiti isu-amin a banag cas mayalubog iti nakemna met laeng:

Hebreo 2:4

Ket bimmuyog met cadacuada ti Dios a sinacsianna cadagiti pagilasinan ken nacascasdaaw ken nadumaduma a kita dagiti pannacabalin, ken sagsagut ti Espiritu Santo, cas iti pagayatanna.

Santiago 1:18

Iti nacnakemna met laeng isu pinataudnatayo gapu iti sao ti kinapudno, tapno datay coma ti maysa a kita dagiti umuna a bungbunga cadagiti parsuana.