Daniel 11:2 - Ti Biblia (1973)

² Ket ita iparangconto kenca ti pudno. Adtoy, bumangonto pay laeng dagiti tallo nga ar-ari iti Persia, ket ti maicapat nabacbacnangto nga adayu ngem isuda amin: ket intono nagbalinen a napigsa a gapu iti kinabacnangna gargariennanto amin a maibusor iti pagarian ti Grecia.

Ti Baro a Naimbag a Damag Biblia

² Ita, pudno ti ibagak kenka.” Kinuna ti anghel: “Addanto pay tallo nga ari a mangituray iti Persia. Sumarunonto ti maikapat a nabakbaknang ngem isuda amin. Ngem iti kapigsa ti bileg ken kinabaknangna, karitennanto ti pagarian ti Grecia.

Daniel 11:2 Iomraidhean Croise

ESDRAS 4:24

Idi a casta nagsardeng ti pannacaaramid ti balay ti Dios, nga adda idiay Jerusalem; ket nagsardeng agingga iti maicadua a tawen ti panagari ni Dario nga ari ti Persia.

ESDRAS 4:7

Ket cadagiti al-aldaw ni Artaxerxes nagsurat da Bislam, Mitridates, Tabeel, ken dagiti matda cadagiti caduana, ken Artaxerxes nga ari ti Persia; ket ti pannacaaramid ti surat nasuratan iti letra ti Siria, ket naipalawag iti pagsasao ti Siria.

Ester 1:1

Naaramid cadagiti al-aldaw ni Asuero (daytoy isu ti Asero a nagari manipud India agingga met laeng iti Etiopia, cadagiti sangagasut duapulo ket pito a provincia),

Dagiti Proverbio 22:21

Tapno maipacaammoc kenca ti kinaagpayso dagiti sasao ti pudno, tapno maisublim coma dagiti sasao ti pudno cadagiti mangibaon kenca?

Daniel 10:1

Iti maicatlo a tawen ni Ciro nga ari ti Persia maysa a banag ti naipaltiing ken Daniel, a ti naganna nanaganan idi iti Baltasar; ket daydi a banag pudno, a maysa met laeng a dackel a gubat; ket isu naawatanna ti panggep, ket adda idi pannacaawatna iti sirmata.

Daniel 11:25

Ket tignayennanto ti pannacabalin ken kinaturedna a maibusor iti ari ti abagatan agraman maysa a dackel a buyot; ket ti ari iti abagatan makigubatto iti paggugubatan agraman maysa a dackel unay ken nabileg a buyot; ngem isu dinto agtacder; ta pakinacmendanto dagiti sicsicat a maibusor kencuana.

Daniel 7:5

Ket adtoy ti maicadua a sabali nga animal, nga umasping iti maysa nga oso; isu a naipangato iti maysa a sikigan, ket adda tallo a paragpag iti ngiwatna iti nagbaetan dagiti ngipenna: ket castoy ti kinunada kencuana, Bumangonca, manganca iti adu a lasag.

Daniel 8:21

Ket ti burangen a calding a lalaki isu ti ari ti Grecia: ket ti dackel a sara nga adda kencuana iti baet dagiti matana isu ti umuna nga ari.

Daniel 8:26

Ket ti sirmata maipapan cadagiti rabii ken bigat a naibaga isu ti napudno; ngem idulinmo ti sirmata; ta agpaay cadagiti adu nga al-aldaw iti casacbayan.

Daniel 8:4

Nakitac ti carnero a lalaki nga agdiros nga agpalaud, ken agpaamianan, ken agpaabagatan; ket awan ti uray ania nga animal a macabalin nga agtacder iti sangoananna, ket awan met ti aniaman a macalapsut iti imana; ngem inaramidna ti mayannurot iti pagayatanna, ket intan-ocna ti bagina met laeng.

Amos 3:7

Kinapudnona awanto ti aramiden ni Apo Jehova a dinto maipalgac ti palimedna cadagiti adipenna, dagiti mammadto.

San Juan 10:35

No ninaganna ida ti didios dagiti nacaisaoan ti sao ti Dios, (ket ti Surat saan a mabalin a paglibacan):

Paltiing 21:5

Ket daydi situtugaw idi trono kinunana: Adtoy pagbalinec a babbaro dagiti isu-amin a banbanag. Ket kinunana: Isuratmo: ta dagitoy a sasao papatien ken napudnoda.