Daniel 1:8 - Ti Biblia (1973)

⁸ Ngem ni Daniel pinanggepna iti pusona ti saanna a pannacatulaw cadagiti taraon ti ari ken ti arac nga in-inumenna; iti casta dinawatna iti pangulo dagiti eunuco iti saanna coma a pannacatulaw.

Ti Baro a Naimbag a Damag Biblia

⁸ Inkeddeng ni Daniel a saan a mangan iti taraon ken uminum iti arak nga aggapu iti palasio tapno saan a matulawan. Nagpatulong ken ni Aspenaz.

Daniel 1:8 Iomraidhean Croise

1 Ar-ari 5:5

Ket, adtoy, siac panggepec ti mangbangon iti maysa a balay a maipaay iti nagan ni Jehova a Diosco, a cas ni Jehova insaona ken David nga amac, a kinunana, Ti anacmo, isu a pagtugawecto ti tronom iti saadmo, isu bangonennanto ti balay a maipaay iti naganco.

Dagiti Salmo 106:28

Ket nakitiponda met ken Baalpeor, ket kinnanda dagiti datdaton cadagiti natnatay.

Dagiti Salmo 119:106

Insapatac, ket pinasingkedac, nga annurotecto dagiti sililinteg a pagbilinam.

Dagiti Salmo 119:115

Umadayocayo caniac, dacayo a managdacdakes, tapno masalimetmetac dagiti bilbilin ti Diosco.

Dagiti Salmo 141:4

Dica pagallingagen toy pusoc iti dakes a banag, a makiaramid cadagiti ar-aramid ti kinadangkes cadagiti tattao nga agaramid iti kinadakes; ket diac coma makipangan cadagiti cancanenda.

Dagiti Proverbio 23:3

Dica aggartem cadagiti naimas a canenna; ta taraon ida a mangallilaw.

Daniel 1:5

Ket ti ari inkeddengna a maipaay cadacuada iti inaldaw a paset ti taraon ti ari ken ti arac nga ininumenna, ken isuda mataraonanda coma bayat ti tallo a tawen; ta tapno iti calpasan dagitoy, agtaengda coma iti sangoanan ti ari.

Daniel 5:4

Nagiinumda iti arac, ket dinaydayawda dagiti didios a balitoc, ken pirac, ken suer, ken landoc, ken cayo, ken bato.

Dagiti Aramid 11:23

Isu, nga idi nacagteng ken nakitana ti parabur ti Dios, nagrag-o, ket binagbagaanna ida amin, nga agtalinaedda coma a sitatalged ti pusoda iti Apo,

Dagiti Aramid 15:20

No di ket isurattay cadacuada nga umadayuda cadagiti daton a naanitoan cadagiti saan a pudno a diosen, ken iti pannakicamalala, ken iti animal a nalmes, ken iti dara.

1 Taga-Corinto 7:37

Ngem ti adda a sititibker iti pusona, nga awan pacasapulanna, ket matngelanna iti nakemna met laeng, ket impatona iti pusona a taginayonennanto ti balasangna, naimbagto ti aramidenna.

2 Taga-Corinto 9:7

Tunggal maysa itdenna coma ti pinanggepna iti pusona; saan nga iti dakes a nakem wenno mapilpilit; ta ti Dios ayatenna ti mangted a siaayat.

Deuteronomio 32:38

A nangnangan ti taba dagiti datdatonda, ken immininum iti arac nga inumen a datonda? Tumacderda coma, ket tumulongda cadacayo, isuda coma ti mangsalacnib cadacayo.