Daniel 1:5 - Ti Biblia (1973)

⁵ Ket ti ari inkeddengna a maipaay cadacuada iti inaldaw a paset ti taraon ti ari ken ti arac nga ininumenna, ken isuda mataraonanda coma bayat ti tallo a tawen; ta tapno iti calpasan dagitoy, agtaengda coma iti sangoanan ti ari.

Ti Baro a Naimbag a Damag Biblia

⁵ Imbilin pay ti ari a maikkanda iti inaldaw a taraon ken arak, kas kadagiti kamkameng iti palasio. Tallo a tawen nga agsanayda sakbay a maidatagda iti ari.

Daniel 1:5 Iomraidhean Croise

Genesis 41:46

Ket ni Jose nagtawen iti tallopulo idi naidatag ken Faraon nga ari sadi Egipto. Ket ni Jose rimmuar iti saclang ni Faraon, ket napan nangsursur iti amin ti daga ti Egipto.

1 Ar-ari 10:8

Nagasat dagiti lallakim, nagasat dagitoy ad-adipenmo, a tumacder a cancanayon iti sangom, ken macangcangngeg iti kinasiribmo.

2 Ar-ari 25:30

Ket agpaay iti taraonna, adda idi cancanayon a taraon a maited kencuana nga aggapu iti ari, iti tumunggal aldaw maysa nga apag, cadagiti amin nga al-aldaw ti panagbiagna.

2 Cronicas 9:7

Nagasat dagiti lallakim, ken nagasat dagitoy ad-adipenmo, nga agtacder a cancanayon iti sangom, ken macangcangngeg iti kinasiribmo.

Dagiti Proverbio 23:3

Dica aggartem cadagiti naimas a canenna; ta taraon ida a mangallilaw.

Jeremias 15:19

Gapuna castoy ti cuna ni Jehova, No agsublica, iyegcanto ngarud manen, tapno mabalinmo ti agtacder iti sangoanac; ket no isinam ti napateg iti awan pategna, sicanto ti cas ngiwatco: agsublidanto kenca, ngem saancanto nga agsubli cadacuada.

Daniel 1:19

Ket ti ari nagsao cadacuada, ket cadacuada amin awan nasarac a sabali a cas ken Daniel, Ananias, Misael, ken Azarias; iti casta nagtaengda iti saclang ti ari.

Daniel 1:8

Ngem ni Daniel pinanggepna iti pusona ti saanna a pannacatulaw cadagiti taraon ti ari ken ti arac nga in-inumenna; iti casta dinawatna iti pangulo dagiti eunuco iti saanna coma a pannacatulaw.

San Mateo 6:11

Itedmo cadacam ita ti taraonmi iti inaldaw.

San Lucas 1:19

Ket simmungbat di angel a kinunana kencuana: Siac ni Gabriel nga agserservi iti sangoanan ti Dios; ket nabaonac a makisao ken mangyeg kenca itoy naimbag a damag.

San Lucas 11:3

Itdem coma cadacami ti taraonmi nga inaldaw.

San Lucas 21:36

Agsalucagcayo ngarud ken agcarcararagcayo nga agnanayon, tapno macalisicayo cadagitoy amin a maaramid nga umayto, ken macapagtacdercayo iti sangoanan ti Anac ti tao.

1 Samuel 16:22

Ket ni Saul nagbaon ken Isai, a kinunana, Agdawatac kenca, palubosam coma ni David nga agtacter iti sangoanac; ta nacasarac iti parabur iti imatangco.