Daniel 1:2 - Ti Biblia (1973)

² Ket ti Apo inyawatna cadagiti im-imana ni Joakim, ari ti Juda, agraman dadduma nga al-alicamen ti balay ti Dios; ket impanna ida, iti daga a Sinar iti balay ti diosna, ket inserrecna dagiti alicamen iti balay a paggamengan ti diosna.

Ti Baro a Naimbag a Damag Biblia

² Binay-an ti Apo a matnag ni Ari Jehoyakim iti pannakabalin ni Nebucadnesar; ket pinalubosanna nga agsamsam kadagiti gameng iti Templo. Impan ni Nebucadnesar iti templo dagiti didiosenna idiay Babilonia dagiti innalana a balud. Inkabilna met dagiti gameng iti pagiduldulinan ti templo.

Daniel 1:2 Iomraidhean Croise

Genesis 10:10

Ket ti nangrugian ti pagarianna idi ti Babel, ken Erac, ken Acad, ken Calne, iti daga a Sinnaar.

Genesis 11:2

Ket naaramid nga, idi nagpagpagnada iti daya, nasaracanda iti maysa a tanap iti daga a Senar; ket nagtaengda sadiay.

2 Ar-ari 24:1

Cadagidi al-aldawna ni Nabucodonozor nga ari sadi Babilonia simmang-at, ket ni Joacim nagbalin nga adipenna bayat iti tallo a tawen: sa nagsubli ket immalsa a maibusor kencuana.

2 Cronicas 36:5

Agtawen idi iti duapulo ket lima ni Joakim idi nangrugi a nagari: ket nagari bayat iti sangapulo ket maysa a tawen idiay Jerusalem: ket inaramidna daydi dakes iti imatang ni Jehova a Diosna.

2 Cronicas 36:7

Ni Nabucodonosor impanna met dagiti al-alicamen ti balay ni Jehova idiay Babilonia, ket incabilna ida iti templona idiay Babilonia.

ESDRAS 1:7

Casta met a ni ari Ciro inruarna dagiti al-alicamen ti balay ni Jehova, nga innala idi ni Nabucodonosor idiay Jerusalem, ket incabilna idi iti balay dagiti didiosna;

Isaias 11:11

Ket maaramidto iti dayta nga aldaw, a ti Apo isaadnanto manen ti imana iti maicadua a daras a mangsubbot iti matda iti ilina, dagiti maitiddanto nga aggapu iti Asiria, ken aggapu iti Egipto, ken aggapu iti Patros, ken aggapu iti Cus, ken aggapu iti Elam, ken aggapu iti Sinar, ken aggapu iti Amat, ken cadagiti purpuro ti baybay.

Isaias 42:24

Asino ti nangyawat ken ni Jacob a maysa a samsam, ken ti Israel cadagiti tulisan? saan aya a ni Jehova? isu a maibusor kencuana nagbasoltayo, ken dagiti dalanna dida kinayat a nagnaan, ken dida met nagtulnog iti lintegna.

Jeremias 25:1

Ti sao a dimteng ken Jeremias maipapan iti amin nga umili ti Juda, idi maicapat a tawen ni Joakim nga anac a lalaki ni Josias, ari ti Juda, (isu met laeng idi ti damo a tawen ni Nabucodonosor nga ari ti Babilonia.)

Jeremias 27:16

Casta met a nagsaoac cadagiti papadi ken iti amin daytoy nga umili, a kinunac, Castoy ti cuna ni Jehova: Dicayo ipangag dagiti sasao dagiti mammadto nga agipadto cadacayo a cunada, Adtoy, dagiti al-alicamen ti balay ni Jehova iti mabiit maiyegto manen manipud Babilonia; ta isuda agipadtoda iti ulbod cadacayo.

Jeremias 28:3

Iti uneg ti dua nga awan curangna a tawen iyegconto manen ditoy a disso amin dagiti al-alicamen ti balay ni Jehova nga innala ni Nabucodonosor nga ari ti Babilonia nanipud ditoy a disso, ket impanna idiay Babilonia:

Jeremias 35:11

Ngem naaramid idi a ni Nabucodonosor nga ari ti Babilonia simmang-at iti daga, kinunami, Umaycayo, ket intayo sadi Jerusalem, a maipuon iti buteng iti buyot dagiti Caldeos ken maipuon iti buteng iti buyot dagiti Sirios; iti casta agnaedcami ditoy Jerusalem.

Jeremias 50:2

Ipalawagyo cadagiti nasnacion ket iwarragawagyo, ket ipatacderyo ti wagayway, iwarasyo ket dicayo ilimed: cunayo, Ti Babilonia naalan, ni Bel mabainan, ni Merodac agcullayaw; dagiti ladawanna a kinitikitan mabainanda, dagiti diosenna agcullayawda.

Jeremias 51:44

Ket ocomecto ni Bel idiay Babilonia, ket iruarconto iti ngiwatna ti naalimunna; ket dagiti nasnacion didanto mapanen kencuana: wen, ti bacud ti Babilonia matuangto.

Daniel 5:13

Iti casta ni Daniel naisangpet iti saclang ti ari. Ti ari nagsao ket kinunana ken Daniel, Sica daydi Daniel, a nagtaud cadagiti annac ti pannacacayaw ti Juda, nga inruar ti ari nga amac idiay Juda?

Daniel 5:18

O sica nga ari, ti Cangatoan a Dios intedna ken Nabucodonosor nga amam ti pagarian, ken ti kinatan-oc, ken kinadayaw, ken kinadaeg.

Habakuk 1:16

Gapuna nga agdaton iti iketna, ken mangpuur iti incienso iti lasana: agsipud ta gapu cadacuada ti apagna nalucmeg, ken ti taraonna nawadwad.

Zacarias 5:11

Ket isu kinunana caniac, Idiay daga ti Sinar, tapno ibangonanda ti maysa a balay: ket intono maisagana, maisimpanto iti dissona met laeng.

Deuteronomio 32:30

Casano ti panangpataray ti maymaysa iti sangaribu, ket ti dua patarayenna ti sangapulo ribu, malacsid no ti Batoda inlacona ida, ken ni Jehova inyawatna ida?

Uk-ukom 2:14

Ket ti pungtot ni Jehova simged a maibusor iti Israel, ket inyawatna ida cadagiti im-ima dagiti agag-agaw, a nangagaw cadacuada; ket inlacona ida cadagiti ima dagiti cabusorda nga aglicmut, ket uray caano dida mabalin ti agtacderen iti sango dagiti cabusorda.

Uk-ukom 3:8

Gapuna a ti pungtot ni Jehova simged a maibusor iti Israel, ket inlacona ida iti ima ni Cusan-risataim nga ari ti Mesopotamia: ket dagiti annac ti Israel nagservida ken Cusan-risataim cadagiti walo a tawen.

Uk-ukom 4:2

Ket ni Jehova inlacona ida iti ima ni Jabin nga ari ti Canaan, a nagari idiay Asor; ti capitan ti buyotna isu idi ni Sisara, a nagnaed idiay Haroset dagiti Gentil.

1 Samuel 5:2

Ket dagiti Filisteos innalada ti lacasa ti Dios, ket isu inyegda iti uneg ti balay ni Dagon, ket, isu insaadda iti denna ni Dagon.