3 Juan 1:2 - Ti Biblia (1973)

² Ay-ayatec, siac dawatec iti Dios a rumang-ayca cadagiti isu-amin a banbanag, ket adda coma salun-atmo a cas met ti irarang-ay ti cararuam.

Ti Baro a Naimbag a Damag Biblia

² Patgek a gayyem, ikarkararagko a nasayaat latta koma ti kasasaadmo. Sapay koma ta nasalun-atka a kas iti ammok a naespirituan a panagbiagmo.

3 Juan 1:2 Iomraidhean Croise

San Mateo 9:12

Ngem idi nangngegna daytoy, kinunana: Dagiti nacaradcad awan ti pacasapulanda iti mangngagas, no di dagiti masakit.

Taga-Filipos 2:27

Kinapudnona a nagsakit, nganngani natay; ngem kinaasian ti Dios, ket saan la nga is-isu, no di siac pay, tapno awan ladingitco nga agsusucot.

Taga-Filipos 2:4

A saan a kitaen ti tunggal maysa cadacayo ti cucuana laeng, no di ket tunggal maysa kitaenna met coma ti cucua dagiti sabsabali.

2 Taga-Tesalonica 1:3

Rebbengmi ti agyaman a cancanayon gapu cadacayo cacabsat, cas maicari, agsipud ta rumang-ay unay ti pammatiyo ket dumacdackel ti panagayat ti maysa ken maysa cadacayo amin;

2 Taga-Tesalonica 2:13

Ngem rebbengmi ti agyaman a cancanayon iti Dios, gapu cadacayo, cacabsat nga dongdongoen ti Apo, agsipud ta pinilinacayo ti Dios, nanipud idi punganay, a maipaay iti pannacaisalacan babaen iti pannacasantificar ti Espiritu ken ti pammati iti pudno:

Santiago 5:12

Ket nangnangrona ngem iti isu-amin, cacabsatco, saancayo nga agsapata uray gapu iti langit, uray gapu iti daga, wenno aniaman a sabali a sapata; no di ket ti panagwenyo isu coma ti wen; ket ti panagsaanyo isu coma ti saan; tapno dicay matnag iti pannacaocom.

1 Pedro 4:8

Ket nangnangrona ngem amin adda coma cadacayo met laeng ti nasged nga ayat ta ti ayat abbunganna dagiti adu unay a basbasol:

2 Pedro 3:18

No saan ket a rumang-aycayo coma iti gracia ken iti panangammo ken Apotayo ken Manangisalacan a Jesu-Cristo. Kencuana maited coma ti panagdaydayaw ita ken iti agnanayon. Amen.

3 Juan 1:1

Ti panglacayen isuratna ken ay-ayaten a Gayo, isu a dungdungngoec a pudno,

Paltiing 2:9

Siac ammoc ti rigatmo ken ti kinapanglawmo (ngem nabacnangca), ket ammoc ti kinasalawasaw dagiti agcuna nga Judioda, ngem saan met, no di ket isuda ti maysa a sinagoga ni Satanas.