3 Juan 1:10 - Ti Biblia (1973)

¹⁰ Gapuna, no umayac, ipalagipconto dagiti banbanag nga aramidenna, nga agsalsalawasaw iti maibusor cadacami cadagiti sasao a dakes; ket saan pay a mapnec itoy, dinapay awaten dagiti cacabsat, ket dina met palubosan dagiti mayat nga umawat, ket pagtalawenna ida iti Iglesia.

Ti Baro a Naimbag a Damag Biblia

¹⁰ Ngarud, inton umayak, iruarkonto amin nga ar-aramidenna, agraman dagiti iwarwarasna a pammadpadakesna kaniak. Ngem di pay la mapnek iti dayta. Saanna a sangailien dagiti kakabsat, ket saanna la a paritan dagiti mayat nga umawat kadakuada, no di pay ket kayatna a pagtalawen ida iti iglesia!

3 Juan 1:10 Iomraidhean Croise

Dagiti Proverbio 10:10

Ti agkidkidday cadagiti matana mamataud iti ladingit; ngem ti natanattat a maag mapasagto.

Dagiti Proverbio 10:8

Ti masirib iti pusona awatennanto dagiti bilbilin; ngem ti natanattat a maag mapasagto.

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

San Lucas 6:22

Nagasatcayo inton guraendacayto dagiti tattao, ken inton pagtalawendacayto cadacuada, ket pagsasaoandacayo ket umsienda ti naganyo a cas la dakes gapu itoy Anak ti tao.

San Juan 9:22

Dagitoy kinuna dagiti dadackelna, ta cabutengda idi dagiti Judio: ta dagiti Judio nagnunumoandan a no adda mangipudno nga isu ti Cristo, maparuar iti sinagoga.

Dagiti Aramid 1:15

Ket cadagidi nga aldaw, timmacder ni Pedro iti nagtengngaan dagiti cacabsat (agsangagasut ket duapulo dagidi tao a naurnong) ket kinunana:

2 Taga-Corinto 13:2

Imbagac idin, ket ipacpacaunac, cas idi addaac a sisasango iti maicaddua, casta ita nga awanac, isuratco cadagiti nagbasol ken cadagiti isu-amin pay a sabali, a no umayac manen, awanto ti labsac.

Taga-Galacia 6:10

Iti casta ngarud, no maaddaantayo ti gundaway, aramidentayo ti naimbag cadagiti amin a tattao, ket nangnangrona cadagiti cabbalay iti pammati.

1 Timoteo 5:13

Ken castamet, iruamda ti di agaramid, a mapanda cadagiti balbalay; ket saan laeng nga awan ti maararamidda, no di ket mannanaoda ken mannakibiangda, a sao-enda dagiti banag a dida rebbeng.

2 Juan 1:10

No adda umay cadacayo, ket saanna nga itugot daytoy a sursuro, dicay awaten iti balayyo, ket dicay met cablaawan:

2 Juan 1:12

Idinto nga adu a banbanag nga isuratco coma cadacayo, diac cayat nga aramaten ti papel ken tinta; ngem namnamaec ti umay cadacayo, ken agsaoac ti rupanrupa, tapno naananay coma ti rag-otayo.

3 Juan 1:3

Ta nagrag-oac iti nalaus idi immay dagiti cacabsat ket pinanecnecanda iti kinapudnom cas met iti pannagnam iti kinapudno.

3 Juan 1:5

Ay-ayatec, sica aramidem a matalec ti amin nga aramidem cadagiti cacabsat uray pay gangannaetda;