2 Samuel 9:3 - Ti Biblia (1973)

³ Ket ti ari kinunana, Awan la ti uray siasino iti balay ni Saul, tapno siac iparangco coma ti caasi ti Dios kencuana? Ket ni Siba kinunana iti ari, Adda pay la maysa a pilay dagiti sacsacana nga anac a lalaki ni Jonatan.

Ti Baro a Naimbag a Damag Biblia

³ Sinaludsod ti ari kenkuana, “Adda kadi pay sibibiag iti familia ni Saul? Kayatko a maipakitak kenkuana ti kinapudno ken kinaimbagko kas inkarik iti Dios.” Simmungbat ni Siba, “Adda pay la maysa kadagiti annak ni Jonatan, ngem pilay.”

2 Samuel 9:3 Iomraidhean Croise

2 Samuel 19:26

Ket isu simmungbat, Apoc, O ari, ti adipenco inallilawnac: ta ti adipenmo kinunana idi, Sillaacto ti maysa nga asno, tapno sumacayacto kencuana, ket innac cumuyog iti ari; agsipud ta ti adipenmo isu ti pilay.

2 Samuel 19:27

Ngem isu binallaibuna ti adipenmo iti saclang ti apoc nga ari; ngem ti ari nga apoc isu ti cas maysa nga angel ti Dios: gapuna nga aramidem ti aniaman a naimbag cadagita matam.

2 Samuel 4:4

Ket ni Jonatan nga anac ni Saul, addaan idi iti maysa nga anac a lalaki a pilay cadagiti sacsacana. Agtawen idi iti lima a tawen idi a dagiti damag immayda a maipapan ken Saul ken ni Jonatan a naggapu sadi Jezrael: ket daydi nangsisiwa kencuana isu innalana, ket nagtalaw: ket naaramid, nga idi a nagdaras a nagtalaw, a di ubing natnag, ket nagbalin a pilay. Ket ti naganna Mifiboset.

2 Samuel 9:13

Casta ti panagnaed ni Mifiboset idiay Jerusalem, ta nangan a cancanayon iti lamesaan ti ari. Ket isu napilay nga agpada dagiti sacsacana.

2 Samuel 9:7

Ket ni David kinunana kencuana, Saanca coma nga agbuteng; ta siac pudno nga iparangarangconto kenca ti caasi a gapu ken ni Jonatan nga amam, ket isublicto kenca dagiti amin a dagdaga ni Saul nga amam; ket mangancanto a canayon iti taraon iti lamesaanco.

San Lucas 6:36

Agbalincayo coma a manangngaasi a cas ken ni Amayo a manangngaasi.

Deuteronomio 10:15

Ni laeng Jehova ti naay-ayo cadagiti ammam a nagayat cadacuada, ket pinilina dagiti putotda a sonoda, a dacayo a naipangrona ngem amin a tattao, cas ita nga aldaw.

Deuteronomio 4:37

Ket gapu ta inay-ayatna dagiti ammam, a pinilina dagiti putotda a simmono cadacuada, ket iti caaddana, ken iti dackel a pannacabalinna, inaonnaca iti Egipto;