2 Samuel 4:5 - Ti Biblia (1973)

⁵ Ket dagiti annac ni Remmon a Berotita, da Recab ken Baana napanda, ket immayda iti capudot ti aldaw iti balay ni Isboset, idi nga isu agininana iti matoon.

Ti Baro a Naimbag a Damag Biblia

⁵ Simrek da Recab ken Baana iti balay ni Isboset iti tumengnga ti aldaw. Agin-inana idi ni Isboset a kas iti ar-aramidenna iti agmatuon.

2 Samuel 4:5 Iomraidhean Croise

2 Samuel 11:2

Ket naaramid iti malem, nga idi a ni David bimmangon iti iddana, ket nagnagna iti pangatepan ti balay ti ari: ket nanipud iti pangatepan nakitana ti maysa a babai nga agdigdigus; ket ti babai naimnas unay ti langana.

2 Samuel 2:8

Ket ni Abner, nga anac ni Ner, a capitan ti buyot ni Saul, innalana ni Isboset nga anac a lalaki ni Saul, ket isu inyegna iti Mahanaim;

2 Samuel 4:2

Ket ni Isboset, nga anac ni Saul addaan idi iti dua a lallaki nga cap-capitan dagiti buyot, ti nagan ti maysa Baana, ket ti nagan ti sabali Recab, nga annac ni Remmon a Berotita, cadagiti annac ni Benjamin (ta ti Berot naibilang idi iti Benjamin:

1 Ar-ari 16:9

Ket ni adipenna a Zimri, a capitan ti cagudua dagiti lugluganna, immalsa a bumusor kencuana. Ket isu adda sadi Tirsa, nga agin-inum nga agbartec idiay balay ni Arsa, isu a mayordomo idi ti balayna sadi Tirsa:

2 Cronicas 24:25

Ket idi pimmanawda kencuana (ta imbatida a masakit unay), dagiti ad-adipenna met laeng bimmusorda kencuana gapu iti dara dagiti annac a lallaki ni Joiada a padi, ket pinatayda iti iddana, ket isu natay; ket intabonda idiay ili ni David, ngem isu saanda nga intabon cadagiti tantanem dagiti ar-ari.

2 Cronicas 25:27

Manipud iti tiempo a ni Amasias simmina iti isusurotna ken Jehova nagaramidda iti yaalsa a maibusor kencuana idiay Jerusalem; ket isu nagtalaw agingga iti Lakis: ngem nagbaonda iti nagsurot kencuana idiay Lakis, ket isu ti pinatayda sadiay.

2 Cronicas 33:24

Ket dagiti ad-adipenna immalsada a maibusor kencuana, ket isu pinatayda iti balayna met laeng.