2 Samuel 4:4 - Ti Biblia (1973)

⁴ Ket ni Jonatan nga anac ni Saul, addaan idi iti maysa nga anac a lalaki a pilay cadagiti sacsacana. Agtawen idi iti lima a tawen idi a dagiti damag immayda a maipapan ken Saul ken ni Jonatan a naggapu sadi Jezrael: ket daydi nangsisiwa kencuana isu innalana, ket nagtalaw: ket naaramid, nga idi a nagdaras a nagtalaw, a di ubing natnag, ket nagbalin a pilay. Ket ti naganna Mifiboset.

Ti Baro a Naimbag a Damag Biblia

⁴ Adda pay apoko ni Saul; isu ni Mefiboset nga anak ni Jonatan. Lima idi ti tawen ni Mefiboset idi matay da Saul ken Jonatan. Idi dumteng ti damag a naggapu idiay Jezreel maipapan iti ipapatayda, binagkat ti mangaw-awir kenkuana ket intarayna nga impanaw. Ngem gapu iti panagdardarasna, naibbatanna ni Mefiboset ket napilay ti ubing.

2 Samuel 4:4 Iomraidhean Croise

2 Samuel 21:7

Ngem ti ari inliclicna ni Mifiboset, nga anac ni Jonatan, nga anac ni Saul, a gapu iti sapata ni Jehova, nga adda idi cadacuada, cada David ken Jonatan, nga anac ni Saul.

2 Samuel 9:13

Casta ti panagnaed ni Mifiboset idiay Jerusalem, ta nangan a cancanayon iti lamesaan ti ari. Ket isu napilay nga agpada dagiti sacsacana.

2 Samuel 9:3

Ket ti ari kinunana, Awan la ti uray siasino iti balay ni Saul, tapno siac iparangco coma ti caasi ti Dios kencuana? Ket ni Siba kinunana iti ari, Adda pay la maysa a pilay dagiti sacsacana nga anac a lalaki ni Jonatan.

2 Samuel 9:6

Ket ni Mifiboset, nga anac a lalaki ni Jonatan, nga anac ni Saul, immay ken David, ket impaclebna iti rupana, ket nagrucbab. Ket ni David kinunana, Mifiboset. Ket isu simmungbat, Adtoy, ti adipenmo!

1 Ar-ari 11:17

Ni Adad nagtaray, isu ken dadduma nga Edomitas cadagiti ad-adipen ni amana, a napan sadi Egipto, idinto a ni Adad ubing pay laeng.

1 Cronicas 8:34

Ket ti anac a lalaki ni Jonatan isu ni Merib-baal; ket ni Merib-baal pinutotna ni Mica.

1 Cronicas 9:40

Ket ti anac a lalaki ni Jonatan isu ni Merib-baal; ket ni Merib-baal pinutotna ni Mica.

1 Samuel 29:1

Iti dayta dagiti Filisteos inurnongda dagiti buyotda idiay Afec: ket dagiti Israelitas nagpacarsoda iti sidiran ti ubbog nga adda idiay Jezreel.

1 Samuel 29:11

Iti casta ni David bimmangon a nasapa isu ken dagiti lallakina tapno pumanawda iti bigat nga agsublida iti daga dagiti Filisteos. Ket dagiti Filisteos simmang-atda iti Jezreel.