2 Juan 1:12 - Ti Biblia (1973)

¹² Idinto nga adu a banbanag nga isuratco coma cadacayo, diac cayat nga aramaten ti papel ken tinta; ngem namnamaec ti umay cadacayo, ken agsaoac ti rupanrupa, tapno naananay coma ti rag-otayo.

Ti Baro a Naimbag a Damag Biblia

¹² Adu pay koma ti ibagak kadakayo, ngem diak kayat nga isurat iti papel ken tinta. Uray ta panggepko ti sumarungkar kadakayo ket kasaokayto laengen a personal tapno naan-anay ti ragsaktayo.

2 Juan 1:12 Iomraidhean Croise

Numero 12:8

Kencuana makisaoacto iti ngiwanngiwat a nabatad met laeng, ket saan a iti nalimed a palpalawag; ket makitananto ti langa ni Jehova: ania ti gapuna ngarud a dicay la nagbuteng a nagsao iti maicaniwas ken adipenco, iti maicaniwas ken Moises?

San Juan 15:11

Dagitoy sinaoc cadacayo, tapno ti rag-oc agtaeng coma cadacayo, ket ti rag-oyo agdanunan coma.

San Juan 16:12

Adda pay adu nga ibagac cadacayo, ngem dicay mabalin nga awiten ita.

San Juan 16:24

Agingga ita awan pay ti dinawatyo iti naganco: dumawatcayo ket umawatcayo, tapno maananay ti ragsacyo.

San Juan 17:13

Ngem ita umayac kenca: ket saoec dagitoy ditoy lubong tapno adda cadacuada met laeng ti rag-oc a naananay.

San Juan 3:29

Ti makinasawa iti novia, isu ti novio; ngem ti gayyem ti novio nga umimimatang ket mangngegna, agragrag-o unay gapu ti timec ti novio: Ngarud daytoy rag-oc nagdanunan.

Taga-Roma 15:24

Ket inton mapanac idiay España, (namnamaec nga iti ilalabasco makitacayo, ket cuyugendacto iti dalanco manipud dita, intono calpasan ti pannacapnecco a makicadcadua cadacayo)—

2 Timoteo 1:4

Idinto a laglagipec dagiti luluam tartarigagayac unay a makitaca, tapno mapnoac iti rag-o;

Filemon 1:22

Ket casta met nga isaganaannac ti pagdagusac; ta inanamaec a gapu cadagiti cararagyo maipaayacto cadacayo.

Hebreo 13:19

Ngem agdawatac a nangnangrona nga aramidenyo daytoy, tapno maisubliac cadacayo iti mabibiit.

Hebreo 13:23

Ammoenyo a ni cabsattay a Timoteo naluc-atan; ket no umay iti mabiit, agraman kencuana kitaencayto.

1 Juan 1:4

Ket dagitoy a banbanag isuratmi cadacayo tapno maananay ti ragotayo.

3 Juan 1:10

Gapuna, no umayac, ipalagipconto dagiti banbanag nga aramidenna, nga agsalsalawasaw iti maibusor cadacami cadagiti sasao a dakes; ket saan pay a mapnec itoy, dinapay awaten dagiti cacabsat, ket dina met palubosan dagiti mayat nga umawat, ket pagtalawenna ida iti Iglesia.