1 Samuel 9:3 - Ti Biblia (1973)

³ Ket dagiti asno ni amana a Cis napucawda idi. Ket ni Cis kinunana ken Saul nga anacna a lalaki, Mangalaca itatta iti maysa cadagiti adipen ti cacuyogmo, ket tumacderca, ket inca biruken dagiti asno.

Ti Baro a Naimbag a Damag Biblia

³ Napukaw ti sumagmamano nga asno ni Kis, isu a kinunana ken ni Saul, “Mangalaka iti maysa kadagiti adipen, ket inkay sapulen dagiti asno.”

1 Samuel 9:3 Iomraidhean Croise

Uk-ukom 10:4

Ket isu addaan idi cadagiti tallopulo nga annac a lallaki nga agsacayda cadagiti tallopulo nga as-asno nga urbon, ket addaanda cadagiti tallopulo nga il-ili, isuda a nanaganda idi cadagiti Havvot-jair agingga iti daytoy nga aldaw, nga addada idiay daga ti Galaad.

Uk-ukom 5:10

Agsaocayo iti maipapan iti daytoy, dacayo nga agsacsacay cadagiti as-asno a pupuraw, dacayo nga agtugtugaw iti nabacnang nga alfombra, ken dacayo a magna iti dalan.

1 Samuel 10:14

Ket ti uliteg ni Saul kinunana kencuana ken iti adipenna, Sadino aya ti napananyo? Ket isu kinunana, Napancami nagsapul cadagiti asno; ket idi a nakitami a saan ida a mabirucan, dimtengcami ken Samuel.

1 Samuel 10:2

Intono macapanawca caniac ita nga aldaw, isu ti pannacasaracmonto cadagiti dua a tao iti denna ti tanem ni Raquel, iti beddeng ti Benjamin idiay Selsa; ket isuda saoendanto kenca, Dagiti asno a napanmo biniruc nasaracandan; ket, adtoy, ni amam binaybay-anna ti panagaywan cadagiti asno, ket adda a sidadanag gapu cadacayo, a cunana, ania ti aramidecto a gapu iti anacco a lalaki?

1 Samuel 9:2

Ket isu addaan idi iti maysa nga anac a lalaki, a ti naganna Saul, maysa a lalaki nga agtutubo ken nataer: ket awan idi ti lalaki nga agtutubo a natataer ngem isu ti tengnga dagiti annac ti Israel: manipud iti abagana ken agpangato nataytayag idi ngem iti uray asinoman iti umili.

1 Samuel 9:20

Ket iti maipapan cadagiti asnom a napucaw idi maicatlo nga aldaw a napalabas, dica panunuten ida; ta nasaracandan. Ket iti siasino ti pacaipaayan ti amin a macalicaguman iti Israel? Saan aya a maipaay kenca, ken iti amin a balay ni amam?

1 Samuel 9:4

Ket isu linasatna ti caturodan ti Efraim, ket linasatna ti daga ti Salisa, ngem dida ida nabirucan: idin linasatda ti daga ti Saalim, ket idiay awanda met idi: ket isu limmasat iti daga dagiti Benjamitas, ngem dida ida nabirucan.