1 Samuel 8:3 - Ti Biblia (1973)

³ Ket dagiti annacna saanda idi a nagna cadagiti daldalanna, no di ket simmiasida a siaannurot iti kinaagum, ket nagalada cadagiti pannocsoc, ket kinilloda ti kinajusticia.

Ti Baro a Naimbag a Damag Biblia

³ Ngem dida sinurot ti tugot ni amada. Ti laeng panguartaanda ti pampanunotenda, isu a nagawatda iti pasuksok ket saan a nalinteg ti panangrisutda kadagiti darum.

1 Samuel 8:3 Iomraidhean Croise

2 Samuel 15:4

Casta met a ni Absalom kinunana, O no siac naaramidac coma nga ocom iti daga, tapno tunggal tao nga addaan iti aniaman a dawat wenno ringgor, umay coma caniac, ken aramidec coma kencuana iti kinajusticia!

Dagiti Salmo 15:5

Dayta a saan nga agpaanac iti piracna, ket saanna nga awaten ti panucsoc a maibusor cadagiti nanengneng. Daydiay nga agaramid cadagitoy a banbanag saanto a maanano.

Dagiti Salmo 26:10

A cadagiti im-imada adda ti kinadangkes, ket ti canawan nga imada napno cadagiti pangsucsuc.

Exodo 18:21

Maysa pay mangtudingcanto iti aggapu cadagiti umili cadagiti tumutop a lallaki, a dagiti managbutbuteng iti Dios, lallaki a napudno, a guraenda ti nakil-lo a pananggun-ud; ket dagita ti isaadmo cadacuada, nga agtuturay cadagiti rinibu, agtuturay cadagiti ginasut, agtuturay cadagiti saglilimapulo, ken agtuturay cadagiti pinullo:

Exodo 23:6

Dica caniwasen ti calintegan ti napanglawmo iti ringgorna.

Exodo 23:8

Ket dica umawat iti sucsuc: ta ti sucsuc bulsekenna dagiti macakita, ket ballicugenna dagiti sasao ti nalinteg.

Eclesiastes 2:19

Ket asino ti macaammo no isunto ti maysa a masirib a tao wenno maag? nupay agturayto iti amin nga aramidco a nagbannogac idi, ket isu ti nangiparangac idi ti kinasiribco iti baba ti init. Daytoy kinaubbaw met.

Isaias 1:23

Dagiti pangpanguloem managalsada, ken cadcadua ida dagiti mannanacaw; tunggal maysa cadacuada ayatenna ti panocsoc, ken surotsurotenna ti gunguna; dida icalintegan ti ul-ulila, ket di met dumanon cadacuada ti darum ti balo a babai.

Isaias 33:15

Daydiay magna a sililinteg, ken ti agsao a sipupudno; ti mangumsi iti sapul dagiti managparigat, ti mangiwagteng cadagiti im-imana ta dina cayat nga awaten ti pannocsoc, ti mangapput cadagiti lapayagna tapno di macangngeg iti dara, ken mangikidem cadagiti matana tapno saan a macakita iti dakes:

Mikias 3:11

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

Deuteronomio 16:19

Dicanto kilkilloen ti justicia: dicanto pagdudumaen dagiti tattao: dicanto met awaten ti panocsoc; ta ti pangsocsoc bulsekenna dagiti mata ti masirib, ket ballicugenna dagiti sasao dagiti nalinteg.

1 Timoteo 3:3

Saan a managinum ti arac, saan a mannakicabil, no di ket naimbag ti awidna; saan a mannakiringgor, saan a naagum ti pirac;

1 Timoteo 6:10

Ta ti ayat ti pirac isu ti maysa a ramut ti isu-amin a kita ti dakes: isu, nga idi inaguman dagiti dadduma, nayawawanda iti pammati ket nasalputda cadagiti adu a ladladingit.

1 Samuel 12:2

Ket ita, adtoy, magna ti ari iti sangoyo; ket siac lacayacon ken ubananacon; ket, adtoy, dagiti annacco a lallaki addada cadacayo: ket siac nagnaac iti sangoyo nanipud kinaubingco agingga ita nga aldaw.

1 Samuel 2:35

Ket patacderecto caniac ti maysa a matalec a padi, nga aramidennanto ti mayabuloy iti daydiay nga adda iti pusoc ken iti nakemco; ket isu ipatacderacto iti maysa a natalged a balay; ket isu agpagnanto iti saclang ti sinapsapoac iti agnanayon.