1 Samuel 7:9 - Ti Biblia (1973)

⁹ Ket ni Samuel nangala iti maysa a cordero nga agsuso, ket isu indatagna a maysa a sibubukel a daton a mapuuran ken Jehova: ket ni Samuel immaoag ken Jehova gapu iti Israel; ket ni Jehova simmungbat kencuana.

Ti Baro a Naimbag a Damag Biblia

⁹ Nangpatay ni Samuel iti kalakian nga urbon ti karnero ket sibubukel a pinuoranna a kas daton ken ni Yahweh. Nagkararag kenkuana a tulonganna koma ti Israel, ket impangag ni Yahweh ti kararagna.

1 Samuel 7:9 Iomraidhean Croise

Dagiti Salmo 50:15

Ket awagannac iti aldaw ti pacadanagan: ispalencanto, ket sica idaydayawnacto.

Dagiti Salmo 99:6

Da Moises ken Aaron iti gimong dagiti papadina, ken ni Samuel iti nagtengngaan dagiti umawawag iti naganna; immawagda ken Jehova, ket isu sinungbatanna ida.

Jeremias 15:1

Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Levitico 22:27

No maysa a lalaki a vaca, wenno carnero wenno calding ti mayanac, pito nga al-aldaw nga addanto iti babaen ti inana; ket manipud iti maicawalo nga aldaw, ken iti sumaruno maawatto a sacrificio ti daton a maaramid iti apuy ken Jehova.

Deuteronomio 9:26

Ket nagdawatac ken Jehova, ket kinunac, O Apo Jehova, dica dadaelen ti ilim ken ti tawidmo nga inispalmo iti kinadackelmo, nga inaonmo sadi Egipto iti mannacabalin nga ima.

Santiago 5:16

Ipudnoyo ngarud dagiti basbasolyo iti maysa ken maysa, ket icararagyo maysa ken maysa, tapno mapasalun-atcayo. Adu ti mabalin ti nasged a cararag ti nalinteg.

Uk-ukom 6:26

Ket mangaramidca iti altar ken Jehova a Diosmo iti tapaw daytoy a sarikedked, iti nasayaat nga ornos, ket alaemto ti maicadua a vaca, ket isu idatonmo iti mapuuran a daton iti cayo ti Asera a pucanemto.

Uk-ukom 6:28

Ket iti bigat idinto a bimmangon dagiti lallaki ti ili, adtoy a ti altar ni Baal adda idi a naduprac, ket ti Asera nga adda iti dennana, napucan, ket ti maicadua a vaca naidaton iti rabaw ti altar a nabangon.

1 Samuel 10:8

Ket sica sumalogcanto iti sangoanac agingga iti Gilgal; ket adtoy, siac sumalogacto agingga kenca, a mangidaton cadagiti daton a mapuuran, ken agidatag cadagiti sacrificio dagiti datdaton ti cappia: aguraycanto bayat iti pito nga aldaw, agingga iti yaayco kenca, ket iparangarangco kenca no ania ti aramidemto.

1 Samuel 12:17

Saan aya a panagaani iti trigo ita nga aldaw? Umawagacto ken Jehova, tapno ibaonna coma ti gurrood ken tudo; ket ammaoenyonto ken kitaenyonto a ti kinadangkesyo dackel, isu nga inaramidyo iti imatang ni Jehova, iti panagdawatyo iti maysa nga ari.

1 Samuel 16:2

Ket ni Samuel kinunana, Casano ti ipapanconto? No ni Saul matimudna, papatayennacto. Ket ni Jehova kinunana, Mangicuyogca kenca iti maysa a bumalasang a vaca, ket cunam, Umayac nga agdaton ken Jehova.

1 Samuel 2:35

Ket patacderecto caniac ti maysa a matalec a padi, nga aramidennanto ti mayabuloy iti daydiay nga adda iti pusoc ken iti nakemco; ket isu ipatacderacto iti maysa a natalged a balay; ket isu agpagnanto iti saclang ti sinapsapoac iti agnanayon.

1 Samuel 7:17

Ket isu nagsubli idiay Rama, ta idiay ti yan idi ti balayna ket idiay isu ti nagocomanna iti Israel: ket isu nangibangon idiay iti maysa nga altar ken Jehova.

1 Samuel 9:12

Ket isuda sinungbatanda ida, ket kinunada, Adda; adtoy, adda iti sangom: agdarasca ita, ta isu umay ita nga aldaw iti ili; ta dagiti tattao addaanda iti maysa a sacrificio ita nga aldaw iti nangato a disso.