1 Samuel 7:4 - Ti Biblia (1973)

⁴ Idin dagiti annac ti Israel inwacsida dagiti Baales ken ni Astarot, ket nagservida laeng ken Jehova.

Ti Baro a Naimbag a Damag Biblia

⁴ Imbelleng ngarud dagiti Israelita dagiti estatua da Baal ken Astarot a didiosenda, ket ni laeng Yahweh ti nagdaydayawanda.

1 Samuel 7:4 Iomraidhean Croise

1 Ar-ari 11:33

Agsipud ta isuda binaybay-andac, ket nagrucbabda ken ni Astarot a babai a diosen dagiti Sidonios, ken ni Cemos a diosen ti Moab, ken ni Milcom a diosen dagiti annac ni Ammon: ket isuda saanda a nagna cadagiti daldalanco, tapno aramidenda ti nalinteg cadagiti matmatac, ken tapno salimetmetanda dagiti ipapaalagadco ken dagiti linlintegco, a cas inaramid ni David nga amana.

1 Ar-ari 11:5

Ta ni Salomon simmurot ken Astarot a babai a diosen dagiti Sidonios, ken simmurot ken Milcom ti kinarimon dagiti Ammonitas.

1 Ar-ari 8:48

No isuda agsublida kenca iti amin a pusoda ken iti amin a cararuada idiay daga dagiti cabcabusorda, a nangala cadacuada a nangayaw, ket cumararagda kenca a sumangoda iti dagada, isu nga intedmo cadagiti ammada, ti ili a sica pinilim, ken ti balay a pinutarco a maipaay iti naganmo:

2 Ar-ari 23:15

Casta met di altar nga adda idi idiay Bet-el, ken di nangato a disso a ni Jeroboam nga anac ni Nabat inaramidna idi, a pinamagbasolna iti Israel, daydi nga altar met laeng ken di nangato a disso dinupracna; ket pinuuranna di nangato a disso ket pinatapocna, ket pinuuranna di Asherah.

Oseas 14:3

Ti Asiria saannacaminto a maispal; dicamto sumacay cadagiti cabayo; ket dicamto met agsaon iti inaramid dagiti im-imami, Dacayo dagiti didiosmi; ta kenca ti ulila macasarac iti caasi.

Oseas 14:8

Ti Efraim cunananto, Ania pay laeng aya ti bibiangco cadagiti didiosen? Simmungbatac, ket isunto ti imatangac: siac caslaac la nalangto a cayo ti parwa; caniac masaracanto ti bungam.

Uk-ukom 2:11

Ket dagiti annac ti Israel inaramidda dagidiay a dakes iti imatang ni Jehova, ket nagservida cadagiti Baales.

Uk-ukom 2:13

Ket isuda indianda ni Jehova, ket nagservida ken Baal ken ni Astarot.

1 Samuel 7:3

Ket ni Samuel nagsao iti amin a balay ti Israel, a cunana, No dacayo agsublicayo ken Jehova iti isu-amin a pusoyo, iwacsiyo ngarud dagiti sabsabali a didios, ken ni Astarot manipud iti tengngayo, ket iturongyo dagiti puspusoyo ken Jehova, ket agservicayo kencuana laeng; ket isu isalacancayto iti ima dagiti Filisteos.

1 Samuel 7:5

Ket ni Samuel kinunana, Urnongenyo amin nga Israel idiay Mizpa, ket siac agcararagacto ken Jehova ti maipaay cadacayo.