1 Samuel 7:3 - Ti Biblia (1973)

³ Ket ni Samuel nagsao iti amin a balay ti Israel, a cunana, No dacayo agsublicayo ken Jehova iti isu-amin a pusoyo, iwacsiyo ngarud dagiti sabsabali a didios, ken ni Astarot manipud iti tengngayo, ket iturongyo dagiti puspusoyo ken Jehova, ket agservicayo kencuana laeng; ket isu isalacancayto iti ima dagiti Filisteos.

Ti Baro a Naimbag a Damag Biblia

³ Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”

1 Samuel 7:3 Iomraidhean Croise

Genesis 35:2

Idin ni Jacob kinunana cadagiti cabbalayna, ken cadagiti amin a nakipagyan kencuana, Iwagsacyo dagiti didiosen a sabsabali cadacayo, ket agdaluscayo, ket sucatanyo dagiti pagananayyo:

1 Ar-ari 11:33

Agsipud ta isuda binaybay-andac, ket nagrucbabda ken ni Astarot a babai a diosen dagiti Sidonios, ken ni Cemos a diosen ti Moab, ken ni Milcom a diosen dagiti annac ni Ammon: ket isuda saanda a nagna cadagiti daldalanco, tapno aramidenda ti nalinteg cadagiti matmatac, ken tapno salimetmetanda dagiti ipapaalagadco ken dagiti linlintegco, a cas inaramid ni David nga amana.

1 Ar-ari 8:48

No isuda agsublida kenca iti amin a pusoda ken iti amin a cararuada idiay daga dagiti cabcabusorda, a nangala cadacuada a nangayaw, ket cumararagda kenca a sumangoda iti dagada, isu nga intedmo cadagiti ammada, ti ili a sica pinilim, ken ti balay a pinutarco a maipaay iti naganmo:

2 Ar-ari 17:39

No di ket ken ni Jehova a Diosyo ti pagbutnganyo: ket ispalennacayto iti ima dagiti isu-amin a cabcabusoryo.

2 Ar-ari 23:15

Casta met di altar nga adda idi idiay Bet-el, ken di nangato a disso a ni Jeroboam nga anac ni Nabat inaramidna idi, a pinamagbasolna iti Israel, daydi nga altar met laeng ken di nangato a disso dinupracna; ket pinuuranna di nangato a disso ket pinatapocna, ket pinuuranna di Asherah.

1 Cronicas 22:19

Ita ipapusoyo ken ipacararuayo ti panagsapulyo a siaannurot ken Jehova a Diosyo; gapuna a tumacdercayo, ket bangonenyo ti santuario ni Jehova a Dios, tapno iyegyo ti lacasa ti tulag ni Jehova, ken dagiti nasantoan nga al-alicamen ti Dios, iti balay a mabangonto iti nagan ni Jehova.

1 Cronicas 28:9

Ket sica, Salomon nga anacco, ammoem ni Dios ti amam, ken agservica kencuana a buyogen ti maysa a puso a sipapalungdo ken iti maysa a nakem a natulnog; ta ni Jehova sukimatenna dagiti amin a puspuso, ken maawatanna amain dagiti ar-arapaap dagiti panpanunot. No isu ti sapulem, isu masaracmonto; ngem no isu idiam, iwacsinacanto iti agnanayon.

2 Cronicas 19:3

Nupay casta dagiti naimbag a banbanag masaracanda kenca, iti dayta a panangiccatmo cadagiti Asherot iti daga, ket impapusom ti agsapul iti Dios.

2 Cronicas 20:33

Nupay casta dagiti nangato a disdisso saanda a naiccat; ket di pay met insinggalut dagiti tattao dagiti puspusoda iti Dios dagiti ammada.

2 Cronicas 30:19

Nga ipapusona ti panagsapulna iti Dios, ni Jehova a Dios dagiti ammami, nupay no saan a nadalusan a mayannurot iti pannacadalus ti santuario.

Dagiti Proverbio 16:1

Dagiti pakinakem ti puso biang ti tao; ngem ti sungbat ti dila biang ni Jehova.

Isaias 55:7

Ti managdacdakes bay-anna coma ti dalanna, ken ti tao a saan a nalinteg dagiti pampanunotna; ket agsubli coma ken ni Jehova, ket isu caasiannanto; ken iti Diostayo, ta isu pacawanennanto iti nawadwad.

Jeremias 24:7

Ket iccacto ida iti puso a mangbigbig caniac, a siac ni Jehova: ket isudanto ti ilic, ket siacto ti Diosda; ta agsublidanto caniac iti amin a pusoda.

Jeremias 36:3

Bareng no ti balay ni Juda denggennanto ti amin a dakes a panggepco nga aramiden cadacuada; tapno agsublida coma tunggal tao manipud iti dakes a dalanna tapno pacawanec coma ti kinadangcocda ken ti basolda.

Jeremias 4:1

No agsublicanto, O Israel, cuna ni Jehova, no agsublicanto caniac, ken iccatem dagiti kinarimonmo iti imatangco; saancanto a mapaalis.

Ezekiel 14:6

Gapuna ibagam iti balay ti Israel, Castoy ti cuna ni Apo Jehova: Agsublicayo, ket panawanyo dagiti didiosenyo; ket iliclicyo dagiti rupayo cadagiti amin a kinarimonyo.

Ezekiel 18:31

Iyadayuyo cadacayo dagiti amin a salungasingyo, isuda a sinalungasingyo; ket mangaramidcayo iti maysa a puso a baro ken maysa nga espiritu a baro: ta apay a mataycayto, O balay ti Israel?

Oseas 14:1

O Israel, agsublica ken ni Jehova a Diosmo; ta natnagca gapu iti kinadakesmo.

San Mateo 15:8

Daytoy nga umili dayawennac cadagiti bibigda; Ngem ti pusoda adda iti adayu caniac.

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

San Mateo 6:24

Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti Dios ken iti kinabacnang.

San Lucas 4:8

Ket simmungbat ni Jesus ket kinunana kencuana: Adda a naisurat; Agdayawcanto iti Apo a Diosmo ket isisunto laeng ti pagserviam.

San Juan 4:24

Ti Dios maysa nga Espiritu; ket dagiti agdaydayaw kencuana, masapul nga agdaydayawda iti espiritu ken kinapudno.

Deuteronomio 10:20

Agbutencanto ken Jehova a Diosmo; agservicanto kencuana ket cumpetcanto kencuana, ket iti naganna agsapatacanto.

Deuteronomio 13:4

Dacayo sumurotcayto ken Jehova a Diosyo, ket agamangacayo kencuana, ket salimetmetanyo dagiti bilbilinna, ket agtulnogcayo iti timecna, ket agservicayo kencuana, ket cumpetcayo kencuana.

Deuteronomio 4:29

Ngem no manipud idiay ta sapulenyonto ni Jehova a Diosmo, ket masaracamto, no sapulem nga ipasnec iti isu-amin a pusom ken amin a cararuam.

Deuteronomio 6:13

Agamangaca ken Jehova a Diosmo; ket agservicanto kencuana, ket agsapatacanto iti naganna.

Josue 13:31

Ken ti caguddua ti Galaad, ken Astarot, ken Adrei, dagiti il-ili ti pagarian ni Og idiay Basan, agpaayda cadagiti annac ni Maquir nga anac a lalaki ni Manases, agpaay met laeng iti caguddua dagiti annac ni Maquir a cas mayalubog cadagiti famfamiliada.

Josue 24:14

Ita ngarud agbutengcayo ken Jehova, ket agservicayo kencuana iti kinadalus ken kinapudno; ket iccatenyo dagiti didios isuda a dagidi ammayo nagservianda iti ballasiw ti Carayan, ken sadi Egipto; ket agservicayo ken Jehova.

Josue 24:23

Iccatenyo ngarud ita, isu kinunana, dagiti sabsabali a didios nga addada iti tengngayo ket irucnoyyo ta pusoyo ken Jehova a Dios ti Israel.

Uk-ukom 10:16

Ket iniccatda dagiti sabsabali a didios manipud iti tengngada, ket nagservida ken Jehova; ket ti cararuana napaliday gapu iti kina-ay-ay-ay ti Israel.

Uk-ukom 10:6

Ket dagiti annac ti Israel inaramidda manen daydi a dakes iti imatang ni Jehova, ket nagservida cadagiti Baales, ken ni Astarot, ken cadagiti didios ti Siria, ken cadagiti didios ti Sidon, ken cadagiti didios ti Moab, ken cadagiti didios dagiti annac ni Ammon, ken cadagiti didios dagiti Filisteos; ket indianda ni Jehova; ket dida nagservi idi kencuana.

Uk-ukom 2:11

Ket dagiti annac ti Israel inaramidda dagidiay a dakes iti imatang ni Jehova, ket nagservida cadagiti Baales.

Uk-ukom 2:13

Ket isuda indianda ni Jehova, ket nagservida ken Baal ken ni Astarot.

1 Samuel 31:10

Ket incabilda ti cabalna iti balay ni Astarot; ket imbitinda ti bangcayna iti bacud ti Bet-san.