1 Samuel 4:3 - Ti Biblia (1973)

³ Ket idi a dagiti tattao immayda iti pacarso, dagiti lallacay ti Israel kinunada, Apayapay a ni Jehova kinabilnatayo ita nga aldaw iti sango dagiti Filisteos? Alaentayo coma ti lacasa ti tulag ni Jehova manipud Silo agingga cadatayo, tapno umay coma cadatayo, ket isalacannatayo iti ima dagiti cabcabusortayo.

Ti Baro a Naimbag a Damag Biblia

³ Idi nagsubli dagiti nakalasat iti kampo, kinuna dagiti pangulo ti Israel, “Apay nga impalubos ti Apo a parmekendatayo dagiti Filisteo ita nga aldaw? Intay alaen ti Lakasa ti Tulag ni Yahweh idiay Silo tapno kumuyog kadatayo iti paggugubatan ket ispalennatayo kadagiti kabusortayo.”

1 Samuel 4:3 Iomraidhean Croise

2 Samuel 15:25

Ket ti ari kinunana ken Sadoc, Isublim ti lacasa ti Dios idiay ili: no siac macasaracacto iti parabur iti imatang ni Jehova, isu yegnacto manen, ken iparangnanto caniac dayta, ken ti pagnaedanna:

1 Cronicas 17:1

Ket naaramid, idi a ni David nagnaed idiay balayna, ni David kinunana ken mammadto a Natan, Adtoy, agnaedac iti maysa a balay a kinantingenan, ngem ti lacasa ti tulag ni Jehova agnaed iti siroc dagiti bengbeng.

Dagiti Salmo 74:1

O Dios, apay a pagtalawennacami nga agnanayon? Apay a dayta pungtotmo umasoc a bumosor cadagiti carcarnero iti pagpaarabam?

Dagiti Salmo 74:11

Apay a medmedam ta imam, dayta met laeng canawanmo? Ucsutemon ita barucongmo, ket runutem ida.

Isaias 50:1

Castoy ti cuna ni Jehova, Sadino ti yan ti surat ti pannakisina ni inam, nga isu ti namagtalawac kencuana? wenno asino cadagiti nacautangac ti nangilacoac cadacayo? Adtoy nailacocayo gapu cadagiti kaindangkesyo, ken gapu cadagiti panaglabsingyo napagtalaw ni inayo.

Isaias 58:3

Apay aya a nagayunarcami, cunada, ket dica cumita? apay aya a pinaladingitmi ti cararuami, ket dica incascaso? Adtoy, iti aldaw ti panagayunaryo sarakenyo ti ragsacyo met laeng, ken kiddawenyo amin a pagtrabajoanyo.

Isaias 59:1

Adtoy, ti ima ni Jehova saan a napaababa, tapno dina mabalin ti mangisalacan; ti lapayagna saan met a nabannog, tapno dina mabalin ti dumngeg:

Isaias 59:2

Ngem dagiti kinadangkesyo namagsinada cadacayo ken iti Diosyo, ket dagiti basbasolyo inlemmengda ti rupana cadacayo, iti casta dinto mangipangag.

Jeremias 3:16

Ket maaramidto, intono umaducayo ken manayonancayo iti daga, cadagita nga al-aldaw, cuna ni Apo Jehova, saandanton a cunaen, Ti lacasa ti tulag ni Jehova; ket dinto met mapanunot; ket isu didanto met malagip; ket isu didanto ricnaen ti caawanna; ket isu sannto metten a maaramid.

Jeremias 7:4

Dicayo agcammatalec cadagiti natiri a sasao, a cunayo, Ti templo ni Jehova, ti templo ni Jehova, ti templo ni Jehova, isuda dagitoy.

Numero 10:33

Ket nagluasda nanipud iti bantay ni Jehova a nagnada iti tallo nga aldaw ket ti lacasa ti tulag ni Jehova immununa ngem isuda iti pagnaen ti tallo nga aldaw, nga agsapulda iti disso a paginanaanda.

Numero 10:35

Ket naaramid nga idi a nagluas di lacasa, ni Moises kinunana, Tumacderca, O Jehova, ket dagiti cabusormo mawarada coma; ket agtalaw coma iti sangoanam dagiti gumura kenca.

Numero 31:6

Ket ni Moises imbaonna ida a makigubat, ti sangaribu iti tunggal caputotan, isuda ken ni Finees nga anac a lalaki ni Eleazar a padi, ti mapan iti gubat, nga incuyogda dagiti vasvaso ti santuario, ken dagiti tangguyob cadagiti im-imada nga agservi a pamagariwawa.

Deuteronomio 29:24

Amin met laeng dagiti nasnacion cunadanto, Ania ti gapuna nga inaramid ni Jehova ti casta iti daytoy a daga? ania ti caipapanan ti bara daytoy naindaclan nga unget?

Deuteronomio 31:26

Alaenyo daytoy a libro ti linteg, ket icabilyo iti abay ti lacasa ti tulag ni Jehova a Diosyo, tapno isu ti sacsi sadiay a maicaniwas kenca.

2 Timoteo 3:5

Nga adda langada a kinasanto, ngem libakenda ti pannacabalin daytoy a kinasanto: umadayuca met cadagiti cacastoy.

Hebreo 9:4

A naggianan daydi incensario a balitoc ken ti lacasa ti tulag, a nacalupcupan amin nga aglicmut iti balitoc, a naggianan daydi banga a balitoc a nacaickan daydi mana, ken daydi nagsabong a sarucod ni Aaron, ken dagidi taptapi ti tulag;

Josue 4:7

Iti casta cunayonto cadacuada, Agsipud ta dagiti dandanum ti Jordan nagbisngayda iti sangoanan ti lacasa ti tulag ni Jehova; idi naiballasiw idiay Jordan, dagiti dandanum ti Jordan nagbisngayda: ket dagitoy a batbato isudanto ti pacalaglagipan cadagiti annac ti Israel iti agnanayon.

Josue 6:6

Ket ni Josue nga anac ni Nun inayabanna dagiti papadi, ket kinunana cadacuada, Alaenyo ti lacasa ti tulag, ket pito a papadi mangicuyogda coma cadagiti pito a tangtangguyob a sara ti carcarnero a lallaki iti sangoanan ti lacasa ni Jehova.

Josue 7:7

Ket ni Josue kinunana, Ay, O Apo Jehova, ania ti gapuna a inyegmo dagiti isu-amin a tattao iti ballasiw ti Jordan, tapno yawatnacami iti ima dagiti Amorreo, tapno papatayendacami? napneccami ken nagbaticami la coman iti ballasiw ti Jordan!

Josue 7:8

O, Apo, ania ti saoecto, iti calpasan a ti Israel timmallicud iti sangoanan dagiti cabusorna!

1 Pedro 3:21

Isu a napaypayso a caasping ti pammautizar, a mangisalacan ita cadatayo met a saanna nga iccaten cadatayo ti rugit ti lasag, no di cas la dawat ti maysa a nasayaat a nakem iti Dios, gapu iti panagungar ni Jesu-Cristo;

San Judas 1:5

Tarigagayac ngarud nga ipalagip cadacayo, idinto nga ammoyon amin a ti Apo, idinto nga inaonna ti maysa nga Ili idiay daga ti Egipto, calpasanna pinucawna dagiti saan a namati.

1 Samuel 1:24

Ket calpasan nga isu napusotna, isu incuyogna kencuana, agraman tallo a vaca, ken maysa nga efa a macan ken sangasupot a lalat nga arac, ken isu inyegna iti balay ni Jehova idiay Silo, ket ti ubing a lalaki bassit pay laeng idi.

1 Samuel 14:18

Ket ni Saul kinunana ken Ahias, Yegmo ditoy ti lacasa ti Dios. Ta ti lacasa ti Dios adda idi idiay iti daydi a tiempo cadagiti annac ti Israel.

1 Samuel 4:2

Ket dagiti Filisteos inornosda dagiti bagbagida a maibusor iti Israel: ket idi nga isuda nagraranepda iti gubat, ti Israel nacabil idi iti sango dagiti Filisteo; ket isuda nangpatayda iti buyot idiay away cadagiti aguppat a ribu a tattao.