1 Samuel 22:3 - Ti Biblia (1973)

³ Ket ni David napan nanipud idiay agingga iti Mizpa ti Moab: ket kinunana iti ari ti Moab, Agdawatac kenca ipalubosmo coma, nga umayda da amac ken inac, ken makipagyanda coma cadacayo, agingga ti maammoac no ania ti aramidento ti Dios caniac.

Ti Baro a Naimbag a Damag Biblia

³ Manipud sadiay, napan ni David idiay Mizpa nga ili iti Moab, ket kinunana iti ari ti Moab, “Pangngaasim ta ipalubosmo nga agdagus pay la kenka ni tatangko ken ni nanangko agingga a maammoak no ania ti aramiden ti Dios kaniak.”

1 Samuel 22:3 Iomraidhean Croise

Genesis 47:11

Ket ni Jose pinagyanna ni amana ken dagiti cacabsatna, ket pinagtagicuana ida iti daga ti Egipto, iti casaysayaatan ti daga, iti daga ti Rameses, a cas ni Faraon imbilinna.

2 Samuel 8:2

Ket isu kinabilna met ti Moab, ket rinucodna ida iti maysa a pagrucod a tali, pinagiddana ida iti daga; ket isu nangrucod iti namindua carucod a mapapatay, ken ti apag-isu a sangcarucod nga agbiag. Ket dagiti Moabitas nagbalinda nga ad-adipen ni David, ken nangyegda iti buis.

Exodo 20:12

Dayawem ni amam ken ni inam, tapno umatiddug dagiti aldawmo iti daga nga ni Jehova a Diosmo itedna kenca.

1 Timoteo 5:4

Ngem no adda balo nga adda annacna wenno appona, ammoen coma dagitoy nga umuna nga ipakitada ti kinasingpetda cadagiti cabbalayda met laeng, ken panangliwliwada cadagiti naganac cadacuada; ta daytoy macaay-ayo iti imatang ti Dios.

Uk-ukom 11:29

Idin ti Espiritu ni Jehova immay ken Jefte, ket naglasat idiay Galaad ken idiay Manases, ken naglasat idiay Mizpa ti Galaad, ken manipud iti Mizpa ti Galaad naglasat agingga cadagiti annac ni Ammon.

Ruth 4:10

Casta met ni Ruth a Moabita, nga asawa ni Mahalon, ginatangco tapno isu asawac, tapno bangonec ti nagan daydi natay iti rabaw ti tawidna, tapno ti nagan daydi natay saan coma a maiccat iti tengnga dagiti cacabsatna, ken iti ruangan ti lugarna: dacayo dagiti macasacsi iti daytoy nga aldaw.

Ruth 4:17

Ket dagiti caarrubana a babbai intedda kencuana ti maysa a nagan, a kinunada, Adda maysa nga anac a lalaki a nayanac ken Noemi; ket isuda impanaganda ti nagan nga Obed: Isu ti ama ni Jesse, nga ama ni David.

1 Samuel 14:47

Idi a ni Saul naalana ti pagarian iti Israel, nakigubat a maicaniwas cadagiti amin a cabcabusorna iti tunggal sikigan, maibusor iti Moab, ken maibusor cadagiti annac ni Ammon, ken maibusor iti Edom, ken maibusor cadagiti ar-ari ti Soba, ken maibusor cadagiti Filisteos: ket uray sadino a papananna, pinarigatna ida.

1 Samuel 22:2

Ket tunggal maysa a nariribuc, ken tunggal maysa a nacautang, ken tunggal maysa a masicsicuran, naguurnongda kencuana; ket isu nagbalin a capitan cadacuada: ket adda idi kencuana ti aguppat a gasut a lallaki.

1 Samuel 22:4

Ket isu inyegna ida iti sango ti ari ti Moab: ket nakipagnaedda kencuana iti bayat ti panagyan ni David idi sarikedked.

1 Samuel 3:18

Ket ni Samuel imbagana kencuana a sinaggaysa, ket awan a pulos ti inlimedna kencuana. Ket isu kinunana, Isu ni Jehova: aramidenna coma ti inanamaenna a naimbag.