1 Samuel 22:2 - Ti Biblia (1973)

² Ket tunggal maysa a nariribuc, ken tunggal maysa a nacautang, ken tunggal maysa a masicsicuran, naguurnongda kencuana; ket isu nagbalin a capitan cadacuada: ket adda idi kencuana ti aguppat a gasut a lallaki.

Ti Baro a Naimbag a Damag Biblia

² Timmipon kenkuana ti amin a maidaddadanes wenno nakautang wenno dagiti adda saksakiten ti nakemda, ket isu ti nagbalin a panguloda. Agarup a 400 a lallaki ti kimmappon kenkuana.

1 Samuel 22:2 Iomraidhean Croise

2 Samuel 17:8

Ket ni Cusai kinunana pay, Sica ammom a ni amam ken dagiti lallaki na, nga isuda dagiti lallaki a mamaingel, ket isuda silulucsaw dagiti panunotda, a cas ti oso a caba-ian a natacaw kencuana dagiti urbonna idiay away; ket ni amam maysa a lalaki ti gubat, ket dinto makipagturog cadagiti tattao.

2 Samuel 5:2

Cadagiti nalabes a tiempo, idi a ni Saul nagari cadacami, sica idi ti nangidalan ti Israel a rummuar ken nangisubli: ket ni Jehova kinunana kenca, Sicanto ti pastor ti ilic nga Israel, ken sicanto ti pangolo ti Israel.

2 Ar-ari 20:5

Agsublica, ket cunaem ken ni Ezekias a pangulo ti ilic, Castoy ti cuna ni Jehova, a Dios ni David nga amam, Nangngegco ta cararagmo, nakitac dagita luluam: adtoy, a siac paimbagencanto; iti maicatlo nga aldaw umulicanto iti balay ni Jehova.

2 Ar-ari 4:1

Ket maysa a babai cadagiti asawa dagiti annac dagiti mammadto immasug idi ken ni Eliseo, a kinunana, Ni adipenmo nga asawac natay: ket sica pagaammom a di adipenmo managbutbuteng idi ken ni Jehova: ket immay ti nacapautang tapno alaenna a maipaay kencuana dagiti dua nga annacco tapno isuda dagiti tagabu.

Dagiti Proverbio 31:6

Iccam iti naingel nga inumen daydiay nganngani mapucawen, ken arac iti daydiay sipapait ti cararuana:

San Mateo 11:12

Nanipud cadagiti aldaw ni Juan a Bautista agingga ita, ti pagarian ti langit magunodan babaen iti nainget a pigsa, ket dagiti napinget ti macagunod kencuana.

San Mateo 11:28

Umaycayo caniac dacayo amin nga agrigrigat ken madagdagsenan, ta paginanaencayto.

Hebreo 2:10

Ta maiparbeng a daydiay pacaipaayan dagiti isu-amin a banag ken pacaigapuan dagiti isu-amin a banag, agsipud ta mangipanto idiay gloria cadagiti adu nga annac, maaramid nga awan pagcurcuranganna daydiay makin-aramid ti pannacaisalacan gapu cadagiti panagsagaba.

Uk-ukom 11:3

Idin ni Jefte nagtalaw a maipuon cadagiti cacabsatna, ket isu nagtaeng iti daga ti Tob: ket timmiponda ken Jefte dagiti tattao a naubbaw, a nakipagruarda kencuana.

Uk-ukom 18:25

Ket dagiti annac ni Dan kinunada kencuana, Dica ipangngeg ta timecmo iti tengngami, di la ket ta dagiti lallaki a naglucsaw cabilendacayo, ket madadaelmo dayta biagmo, agraman dagiti bibiag dagiti cabbalaymo.

1 Samuel 1:10

Ket ni Anna adda idi iti kinapait ti cararua, ket nagcararag ken Jehova, ket nagsangit iti nacaro unay.

1 Samuel 22:3

Ket ni David napan nanipud idiay agingga iti Mizpa ti Moab: ket kinunana iti ari ti Moab, Agdawatac kenca ipalubosmo coma, nga umayda da amac ken inac, ken makipagyanda coma cadacayo, agingga ti maammoac no ania ti aramidento ti Dios caniac.

1 Samuel 23:13

Idin ni David ken dagiti lallakina, nga aginnem a gasutda idi, timmacderda ket pimmanawda idiay Keila, ket napanda iti nabalinda a napanan. Ket naibaga idi ken Saul a ni David nagtalaw idiay Keila; ket isu nagmadin a rimmuar.

1 Samuel 25:13

Ket ni David kinunana cadagiti lallakina, Ibarikesyo tunggal maysa a lalaki ti campilanna. Ket imbarikesda tunggal maysa ti campilanna; ken castamet ni David imbarikesna ti campilanna: ket simmang-atda a simmurot ken David ti aguppat a gasut a lallaki: Ket dua a gasut ti nagbantay iti gargaret.

1 Samuel 30:6

Ket ni David napaldaang iti napalalo; ta ti umili insaona ti pananguborda kencuana, agsipud ta ti cararua ti amin nga umili napaliday, tunggal lalaki a gapu cadagiti annacna a lallaki ken babbai: ngem ni David pinapigsana ti bagina ken Jehova a Diosna.

1 Samuel 9:16

Intono bigat iti daytoy met laeng nga horas ibaonconto kenca ti maysa a lalaki a naggapu iti daga ti Benjamin, ket sica pulotamto daydiay tapno isu ti pangulo iti ilic nga Israel; ket isu isalacannanto ti ilic iti ima dagiti Filisteos: ta siac kinitac ti ilic, agsipud ta ti asugda immay caniac.