1 Samuel 2:3 - Ti Biblia (1973)

³ Dicayo agsaon iti casta unay a sipapalanguad; dicayo coma palubosan a rumuar ti kinapasindayag iti ngiwatyo; ta ni Jehova isu ti Dios ti pannacaammo, ket gapu kencuana dagiti tigtignay nagantingda.

Ti Baro a Naimbag a Damag Biblia

³ Isardengyo ti panagpaspasindayagyo, ket isardengyon ti panagpalangguadyo. Ta ti Apo ket Dios a makaammo iti amin, ukomenna ti aramid ti tao.

1 Samuel 2:3 Iomraidhean Croise

1 Ar-ari 8:39

Sica denggem ngarud sadi langit a pagnaedam, ket mamacawanca, ket aramidem, ken isupapacmo iti tumunggal tao ti mayanatup iti amin a dalanna, a ti pusona sica pagaammom; (ta sica, sica laeng, ti macaammo cadagiti puso ti amin nga annac ti tao;)

Ti Libro ni Job 31:6

(Matimbangac coma iti apag-isu a timbengan, tapno ammoen coma ti Dios ti kinatarnawco);

Dagiti Salmo 147:5

Dackel ti Diostayo, ket napigsa iti pannacabalin; ti panagisisipna awan inggana.

Dagiti Salmo 17:10

Naibungonda iti tabada met laeng: gapu iti ngiwatda agsaoda a sipapalangguad.

Dagiti Salmo 31:18

Agumel cadi dagiti managulbod a bibig, nga agsaoda a sisasabrac cadagiti nalinteg, a sitatangsit ken siuuyaw.

Dagiti Salmo 44:21

Dinto met la salaysayen coma ti Dios daytoy? Ta isu ammona dagiti palimed ti puso.

Dagiti Salmo 75:5

Dicayo patingraen a nangato dagiti sarayo; dicayo agsao a sisisickil ti tengngedyo.

Dagiti Salmo 94:4

Agsalsalawasawda, agsaoda a sipapalangguad: amin dagiti agar-aramid iti kinadangkes agpaspasindayawda.

Dagiti Proverbio 16:2

Amin dagiti daldalan ti maysa a tao nadalusda cadagiti matana met laeng; ngem ni Jehova gantingenna dagiti espiritu.

Dagiti Proverbio 24:12

No cunam, Adtoy, dicami naammoam daytoy; saan aya nga isisipen ti mangganting cadagiti puspuso? Ket ti mangsalimetmet ita cararuam, dina aya ammo? Ket dinanto aya isupapac iti tunggal tao ti caanatop ti aramidna?

Dagiti Proverbio 8:13

Ti panagbuteng ken ni Jehova isu ti pananggura iti dakes: tangsit, cuspag, ken ti dakes a dalan, ken ti naulpit a ngiwat, guraec.

Isaias 26:7

Ti dalan ti nalinteg isu ti kinalinteg; sica a nalinteg iturongmo ti dalan ti nalinteg.

Isaias 37:23

Siasino ti kinaritmo ken tinabbaawam? ket asino ti pacaibusoran ti natbag a timmecmo, ken nangitangadam cadagita matam iti nangato? maibusor met laeng iti Santo ti Israel.

Jeremias 17:10

Siac, ni Jehova, sukisukec ti isip, suutec ti puso, tapno itedco met laeng iti tunggal tao ti cas mainugot cadagiti dalanna, ti cas maiyalubog iti bunga dagiti gapuananna.

Ezekiel 35:13

Ket pinadackelyo ti bagiyo met laeng a maibusor caniac babaen ti ngiwatyo, ket pinaaduyo dagiti sasaoyo a maicaniwas caniac: isu nangngegco.

Daniel 4:37

Ngarud siac, ni Nabucodonosor, dayawec ken itandudoc ken itan-occo ti ari ti langit, agsipud ta amin nga aramidna pudnoda, ket dagiti dalanna kinajusticia; ket isu mabalinna a pagpacumbabaen dagiti magna iti kinatangsit.

Daniel 5:27

Tekel; nacatican iti timbengan, ket nasaracanca a nagcurang.

Malakias 3:13

Dagiti sasaoyo nadagsenda a maibusor cania, cuna ni Jehova. Nupay casta cunayo, Ania ti insaomi a maicaniwas kenca?

Hebreo 4:12

Ta ti sao ti Dios nabiag ken napigsa, ket natadtadem ngem uray ania a campilan a dua ti tademna, ket dumanon nga agingga iti paglasinan ti cararua ken ti espiritu, wen, ken dagiti nagsusuupan ken pata ket nasiglat nga agilasin cadagiti panunot ken panagem ti puso.

Josue 22:22

Ti Maymaysa a Maingel, ti Dios, a ni Jehova, ti Maymaysa a Maingel, ti Dios, a ni Jehova, isu ammona; ket ti Israel ammoenna coma; no isu isusungit, wenno isu panaglabsing a maicaniwas ken Jehova (sica dinacami coma ispalen ita nga aldaw),

Paltiing 2:23

Ket patayecto dagiti annacna iti angol, ket amin nga Iglesia maammoandanto a siac mangsukimat cadagiti nalimed a panggep ken cadagiti puspuso; ket itedconto iti tunggal maysa cadacayo cas mayannatup cadagiti ar-aramidyo.

Uk-ukom 9:38

Ket ni Zebul kinunana kencuana, Ayanna ita ti ngiwatmo, a kinunam, Siasino ni Abimelec, tapno agservitayo kencuana? daytoy saan aya nga isu ti ili a linaismo? ita, agdawatac, rumuarca ket makibacalca kencuana.

1 Samuel 16:7

Ngem ni Jehova kinunana ken Samuel, Dica kitaen ti langana, wenno iti cangato ti kinatayagna: agsipud ta isu saanco nga awaten; ta ni Jehova saan a cumita a cas iti ikikita ti tao; ta ti tao kitaenna iti akinruar a panagparang, ngem ni Jehova kitaenna ti puso.