1 Samuel 2:2 - Ti Biblia (1973)

² Awan ti nasantoan a cas ken Jehova ta awan iti lacsidmo, awan met ti uray ania a bato a cas iti Diosmi.

Ti Baro a Naimbag a Damag Biblia

² “Awan ti nasantoan a kas iti Apo; awan ti kas kenkuana; awan ti bato a kas iti Diostayo.

1 Samuel 2:2 Iomraidhean Croise

2 Samuel 22:3

Ti Dios, batoc, a kencuana agcamangacto; calasagco, ken sara ti pacaisalacanac, torrec a nangato, ken camangco; mangisalacanco, isalacannac iti ranggas.

2 Samuel 22:32

Ta siasino ti Dios, no saan laeng a ni Jehova? Ket siasino ti maysa a bato, no saan a ti Diostayo?

2 Samuel 7:22

Gapuna a sica nadayagca, O Jehova a Dios: agsipud ta awan ti sabali a cas kenca, awan ti siasinoman a Dios iti lacsidmo, a mayalubog iti isu-amin a nangnangegmi babaen cadagiti lapayagmi.

1 Ar-ari 8:23

Ket kinunana, O Jehova, a Dios ti Israel, awan ti Dios a cas kenca, uray iti langit iti ngato, uray iti daga iti baba; a salimetmetanna ti tulag ken ti naayat a kinaimbag cadagiti ad-adipenmo, a magna iti sangom iti amin a pusoda;

Dagiti Salmo 111:9

Imbaonna ti pannacasubbot iti ilina; imbilinna nga agnanayon ti intulagna: santo ket madaydayaw ti naganna.

Dagiti Salmo 18:2

Ni Jehova isu ti batoc, ken sarikedkedco, ken mangispal caniac; Diosco, batoc, isu a pagcamangacto; calasagco, ken sara ti pannacaisalacanco, nangato a baluarte.

Dagiti Salmo 18:31

Ta siasino ti Dios, no saan laeng a ni Jehova? Ket siasino ti maysa a bato, no saan laeng a ti Diostayo,

Dagiti Salmo 71:19

Ti met kinalintegmo, O Dios, nangato unay; sica a nangaramid cadagiti dadackel a banbanag, O Dios, siasino ti cas kenca?

Dagiti Salmo 71:3

Sica cadi ti bato a pagnaedan a maipaay caniac, a mabalinco a caraptan a cancanayon: imbilinmon a maisalacanac, ta sica ti batoc ken salindegco.

Dagiti Salmo 73:25

Siasino ti tagicuaec sadi langit no saan a sica? Ket awan ditoy rabaw ti daga ti aniaman a tarigagayac no saan a sica.

Dagiti Salmo 86:8

Awan ti cas kenca cadagiti didiosen, O Apo; awan met ti cas cadagiti ar-aramidmo.

Dagiti Salmo 89:6

Ta siasino cadagiti tangatang ti mayasping ken Jehova? Siasino cadagiti annac ti mannacabalin ti pumada ken Jehova,

Dagiti Salmo 89:8

O Jehova a Dios dagiti buybuyot, Siasino ti nabileg, a cas kenca, O Jehova? Ket ti kinamatalecmo aglicmut kenca.

Dagiti Salmo 99:3

Idaydayawda coma ta naindaclan ken nacakigkigtot a naganmo: isu santo.

Dagiti Salmo 99:5

Itan-ocyo ni Jehova a Diostayo, ket agdaydayawcayo iti sacaananna: isu Santo.

Dagiti Salmo 99:9

Itan-ocyo ni Jehova a Diostayo, ket agdaydayawcayo idiay nasantoan a turodna; ta ni Jehova a Diostayo santo.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Isaias 40:18

Asino ngarud iti pangipadisanyo iti Dios? wenno ania a caasping ti yaspingyo kencuana?

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

Isaias 44:8

Dicayo agbuteng, ket dicayo met umamac: diac aya impablaac kenca idi unana, ken impakita? ket dacayo dagiti sacsic? adda aya sabali a Dios a saan a siac? wen, awan ti Bato; awan ti ammoc.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 6:3

Ket nagiinnickisda ti maysa ken maysa a kinunada, Santo, Santo, Santo ni Jehova dagiti buybuyot: ti isu-amin a daga napno iti dayagna.

Jeremias 10:6

Awan ti siasinoman a cas kenca, O Jehova; sica dackelca, ket ti naganmo dackel ti pannacabalinna.

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Levitico 11:45

Ta siac ni Jehova a nangaon cadacayo iti daga nga Egipto, ta siac ti Diosyo: isu ti gapuna nga agsantocayto, ta siac santoac.

Levitico 19:2

Ibagam iti dagup ti gimong dagiti annac ti Israel, ket soem cadacuada, Dacayo agsantocayto; gapu ta siac a Jehova a Diosyo, santoac.

Taga-Roma 15:4

Ta dagup dagiti immun-una a naisuraten, naisuratdan tapno pacasursuroantayo, tapno gapu iti anus ken iti liwliwa dagiti Sursurat, maaddaantayo coma ti inanama.

Taga-Roma 4:8

Nagasat ti tao, a dinto pangipatayan ti Apo iti basol.

Deuteronomio 3:24

O Apo Jehova, rinugiam nga imparangarang iti adipenmo ta kinadackelmo ken ta imam a napigsa: ta asino a dios sadi langit wenno ditoy daga ti macabalin a mangaramid iti cas ti gapgapuanam ken cas cadagiti ar-aramidmo a mannacabalin?

Deuteronomio 32:20

Ket kinunana, Ilemmengconto ti rupac cadacuada, siac kitaecto no anianto ti banagda: ta isuda dakesda unay a caputotan, annac a saan a mapagtalcan.

Deuteronomio 32:39

Kitaenyo ita a siac, a siac met laeng daydiay, ket awan dios a caduac: siac pumatayac ken mangbiagac; sumugatac ken mangagasac; ket awan uray asinoman a macalasut iti imac.

Deuteronomio 32:4

Ti Bato, naananay ti aramidna; ta amin a dalanna kinalinteg: maysa a Dios ti kinamatalec ket awanan damca, isu awan pagcuranganna ken nalinteg.

Deuteronomio 4:35

Naiparangarang kenca daydi tapno ammmoem a ni Jehova isu ti Dios awanen sabali no di la is-isu.

Deuteronomio 4:39

Gapuna nga ammoem iti daytoy nga aldaw, ket imalditmo ita pusom, a ni Jehova isu ti Dios sadi langit idiay ngato ken iti rabaw ti daga ditoy baba; awanen ti sabali.

1 Pedro 1:16

Ta adda a naisurat: Agsantocayo ta siac santoac.