1 Samuel 13:3 - Ti Biblia (1973)

³ Ket ni Jonatan kinabilna ti agbantay a buyot dagiti Filisteos, ken addada idi idiay Geba; ket dagiti Filisteos sumalogdanto caniac agingga Saul pinagumina ti tangguyob iti amin a daga, a kinunana, Denggen coma dagiti Hebreo.

Ti Baro a Naimbag a Damag Biblia

³ Pinatay ni Jonatan ti kapitan dagiti Filisteo idiay Gabaa ket nadamag amin a Filisteo. Kalpasanna, nangibaon ni Saul kadagiti tattao a mangayab kadagiti Hebreo a makigubat babaen iti panagpagunida kadagiti trumpeta iti entero a pagilian.

1 Samuel 13:3 Iomraidhean Croise

2 Samuel 2:28

Iti casta ni Joab pinagunina ti tangguyobna, ket amin dagiti tattao nagsardengda, ket dida kinamaten ti Israel, dida nakibacalen.

2 Samuel 20:1

Ket napasamac nga adda idi sadiay ti maysa a tao a nadangkes a ti naganna Seba, nga anac a lalaki ni Bicri, a maysa a Benjamita: ket pinagunina ti tangguyob, a kinunana, Datayo awan ti biangtayo ken David, uray tawid awanantayo iti anac ni Isai. O Israel tunggal lalaki agturong iti toldana.

2 Samuel 23:14

Ket ni David addan idi iti sarikedked, ket ti agbantay a buyot dagiti Filisteos addadan idi idiay Belen.

Isaias 10:29

Nagballasiwda iti banawang; nagaramidda iti pagdagusanda idiay Geba; ti Rama nagpigerger; ti Gabaa ni Saul timmaray.

Zacarias 14:10

Amin ti daga maaramidto a cas iti Araba, manipud iti Gabaa aginggana iti Rimon iti abagatan ti Jerusalem; ket isu maingatonto, ken agtaengto iti dissona, manipud iti ruangan ni Benjamin agingga iti disso ti umuna a ruangan, agingga iti ruangan ti suli, ken manipud iti torre ni Hananeel agingga cadagiti pagpespesan ti uvas ti ari.

Josue 18:24

Ken Kefar-haammoni, ken Ofni, ken Gaba: sangapulo ket dua nga il-ili agraman purpurocda:

Josue 21:17

Ket naggapu iti caputotan ni Benjamin, ti Gabaon agraman cabangibangna, ti Geba agraman cabangibangna,

Uk-ukom 3:27

Ket naaramid, nga idi nacasangpet pinagunina ti tangguyobna idiay caturodan ti Efraim; ket dagiti annac ti Israel nakipagsalogda kencuana manipud iti caturodan, ket isu adda idi iti unada.

Uk-ukom 6:34

Ket ti Espiritu ni Jehova immay ken Gedeon; ket pinagunina ti tangguyob; ket ti Abiezer nakiummong kencuana.

1 Samuel 10:5

Calpasan daydiay sica dumtengcanto iti turod ti Dios, isu nga yan ti agaywan a buyot dagiti Filisteos: ket maaramidto, nga intono macagtengca idiay iti ili, a sica masaracamto ti maysa a bunggoy dagiti mammadto nga agsalsalog manipud iti nangato a disso agraman maysa a salterio, ken maysa nga adufe, ken maysa a flauta, ken maysa nga arpa, iti sangoda; ket isuda agpadpadtodanto:

1 Samuel 13:16

Ket ni Saul ken ni Jonatan nga anacna a lalaki, ken dagiti tattao nga adda idi cadacuada, nagtaengda idiay Gabaa ti Benjamin: ngem dagiti Filisteos nagpacarsoda idiay Micmas.