1 Juan 5:16 - Ti Biblia (1973)

¹⁶ No ti maysa a tao makitana ni cabsatna nga agbasbasol iti maysa a basol a saan a maipaay iti ipapatay, rebbengna nga idawdawat, ket ti Dios iccannanto ti biag; cayatna a sao-en, dagiti agbasol a saan a maipaay iti ipapatay. Adda basol a maipaay iti ipapatay saan a daytoy ti cunac nga idawdawatto.

Ti Baro a Naimbag a Damag Biblia

^16-17 No makita ti siasinoman kadakayo ti kabsatna nga agbasol iti saan nga agtungpal iti patay, masapul nga ikararaganna iti Dios a mangted kenkuana iti biag. Agpaay daytoy kadagiti dadduma pay a nagbasol iti saan nga agtungpal iti patay. Basol ti amin a kita ti kinadakes. Ngem adda basol nga agtungpal iti patay, ket adda met basol a di agtungpal iti patay.

1 Juan 5:16 Iomraidhean Croise

Genesis 20:17

Ket ni Abraham nagcararag iti Dios: ket ti Dios pinaimbagna ni Abimelech ken ti asawana, ken dagiti ad-adipenna a babbai, ket naganacda.

Genesis 20:7

Ita, ngarud, isublim ti babai ken asawana; ta daytoy ti maysa a mammadto, ket icarcararagannacanto, ket agbiagcanto: ket no dicanto isubli, ammoem a mataycanto a di bumurong, sica ken amin a tattaom.

Dagiti Salmo 106:23

Gapuna isu kinunana a pucawenna coma ida, no ni Moises a pinilina saan coma a nagtacder iti saclangna idiay pagbettacanna, tapno icalilisna ti pungtotna, di la ket ta pucawenna ida.

Exodo 34:9

Ket kinunana, No ita natumpungacon ti parabur iti imatangmo, O Apo, dawatec kenca, magna coma ti Apo iti baetmi; ta isu ili a natangken ti panagtelteltelna; ket pacawanem ti kinadakesmi ken ti basolmi, ket alaennacami a tawidmo.

Jeremias 11:14

Gapuna saanmo nga idawatan daytoy nga ili, dica met umasug wenno agcararag a maipaay cadacuada; ta saanconto a timuden ida intono umawagda caniac, a gapu iti pacarigatanda.

Jeremias 14:11

Ket ni Jehova kinunana caniac, Dica icararagan daytoy nga umili nga agpaay iti pagimbaganda.

Jeremias 7:16

Ngarud saanmo nga icararagan daytoy nga umili, ket dica met agpuccaw wenno agcararag gapu cadacuada, ket dica met ibabaet ida caniac, ta saancanto a denggen.

Ezekiel 22:30

Ket nagsapulac iti maysa a tao iti nagtengngaanda, a mangibangon coma iti bacud, ken agtacder iti gutbaw iti sangoanac a mangisakit iti daga, tapno isu diac coma dadaelen; ngem awan ti nasaracac.

Numero 12:13

Ket ni Moises inawaganna ni Jehova, a kinunana, Agasam cadi dawatec kenca, O Dios.

Numero 15:30

Ngem ti tao nga adda aramidna iti napalangguad nga ima, tubo man wenno gangannaet, isu met laeng agbassawang ken Jehova; ket dayta a cararua maipusayto iti ilina.

San Lucas 12:10

Ket isu-amin nga agsao iti maicaniwas iti Anac ti tao, mapacawanto; ngem ti agtabbaaw iti Espiritu Santo, saanto a mapacawan.

San Juan 17:9

Idawatac ida: diac idawatan ti lubong, no di ket dagiti intedmo caniac, ta cucuam ida.

2 Timoteo 4:14

Ni Alejandro a mammanday iti cobre, adu ti dakes nga inaramidna caniac: ti Apo supapacannanto cas mayalubog cadagiti araramidna:

1 Juan 5:17

Isu-amin a kinakil-lo basol; ket adda basol a saan a maipaay iti ipapatay.

1 Samuel 12:19

Ket amin nga umili kinunana ken Samuel, Agcararagca iti maipaay cadagiti ad-adipenmo ken Jehova a Diosmo, tapno dicami matay; ta innayonmi cadagiti basbasolmi daytoy a dakes, ti panagdawatmi iti maipaay cadacami a maysa nga ari.

1 Samuel 2:25

No ti maysa a tao agbasol a maicaniwas iti sabali, ti Dios ocomennanto daydiay: ngem no ti maysa a tao agbasol iti maicaniwas ken Jehova, asino ti mangidawdawatto kencuana? Nupay casta isuda dida impangpangag ti timec ni amada, agsipud ta ni Jehova pinanggepna ida a papatayen.