1 Juan 4:7 - Ti Biblia (1973)

⁷ Ayayatec, agdidinnungngotayo, ta ti ayat nagtaud iti Dios, ket tunggal maysa nga agayat nabukel iti Dios ket ammona ti Dios.

Ti Baro a Naimbag a Damag Biblia

⁷ Ay-ayatek a gagayyem, agiinnayattayo, agsipud ta ti ayat agtaud iti Dios. Anak ti Dios ti siasinoman nga agayat, ket am-ammona ti Dios.

1 Juan 4:7 Iomraidhean Croise

San Juan 13:34

Maysa a bilin a baro ti itdec cadacayo, tapno agayanayatcayo iti maysa ken maysa; cas iti panagayatco cadacayo, casta met agayanayatcay coma iti maysa ken maysa.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

1 Taga-Corinto 8:3

Ngem no ti maysa ayatenna ti Dios, daytoy a tao naammoan ti Dios,

2 Taga-Corinto 4:6

Ta ti Dios kinunana: Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

Taga-Galacia 4:9

Ngem ita a naammoanyo ti Dios, wenno nasaysayaat a pannao dacay ti ammoen ti Dios, apayapay nga agsublicayo cadagidiay nacapuy ken nanomo a pagsursuroan a tarigagayanyo manen a pacaadipenan?

Taga-Galacia 5:22

Ngem ti bunga ti Espiritu ayat, rag-o, talna, mabayag a panagitured, kinaanus, kinalaing, kinamanagtalec,

Deuteronomio 30:6

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

2 Timoteo 1:7

Ta saannatay nga iniccan ti Dios ti espiritu ti kinatacrut, no di ti kinatibker, ken ti ayat, ken ti naimbag a nakem.

1 Pedro 1:22

Idinto a ginugoranna dagiti cararuayo iti kinatulnogyo iti pudno, a maipaay iti ayat a pudno dagiti cacabsat, agayan-ayatcayo iti nasged, a buyugen ti nadalus a puso:

1 Juan 2:10

Ti agayat iti cabsatna, agtalinaed iti lawag, ket awan kencuana ti aniaman a pacaiculboan.

1 Juan 2:29

No ammoyo nga isu nalinteg, ammoenyo met nga isu-amin nga agaramid iti kinalinteg, naipasngayda kencuana.

1 Juan 2:3

Ket gapu itoy, maammoantayo nga isu am-ammotayo, no salimetmetantayo dagiti bilbilinna.

1 Juan 2:4

Ti agcuna nga: Isu ammoc, ket dina met tungpalen dagiti bilbilinna, isu ti naulbod ket awan ti pudno kencuana:

1 Juan 2:7

Ay-ayatec awan ti baro a bilin nga isuratco cadacayo, no saan a daydi bilin a daan a nangngegyo nanipud idi damo: daydi bilin a daan isu ti sao a nangngegyo.

1 Juan 3:9

Siasinoman a mabukel iti Dios, saan nga agbasol; ta ti bukelna a nadiosan agtaeng kencuana, ket isu saanna a mabalin ti agbasol agsipud ta nabukel iti Dios.

1 Juan 4:11

Ay-ayaten, no casta unay ti pinagayat ti Dios cadatayo, rebbengtay met ti agayanayat.

1 Juan 4:12

Awan ti tao a nacakita iti Dios uray caano; no agayanayattayo, ti Dios agtaeng cadatayo, ket ti ayatna nagdanunan cadatayo:

1 Juan 4:16

Ket dacami naammoanmi ket pinatimi ti ayat ti Dios nga adda cadatayo. Ti Dios isu ti ayat; ket ti agtalinaed iti ayat, agtaeng iti Dios ket ti Dios agtaeng kencuana.

1 Juan 4:20

No adda agcuna: Siac ayatec ti Dios, ket guraenna ni cabsatna, isu ti maysa a naulbod ta ti saan nga agayat iti cabsatna, isu a nakitana, saanna a mabalin nga ayaten ti Dios, isu a dina nakita.

1 Juan 4:8

Ti saan nga agayat, saanna nga ammo ti Dios, ta ti Dios isu ti ayat.

1 Juan 5:1

Siasinoman a mamati a ni Jesus isu ti Cristo, nabukel iti Dios; ket siasinoman nga agayat iti nangbukel, ayatenna met ti nabukel kencuana.

2 Juan 1:5

Ket ita dawatec kenca, ina, saan a cas la isuratco kenca ti maysa a bilin a baro, no di daydi met laeng adda cadatayo nanipud idi damo, nga agayanayattayo coma.