1 Juan 4:6 - Ti Biblia (1973)

⁶ Datayo tattaonatayo ti Dios: ti macaammo iti Dios, denggennatayo; ti saan a tao ti Dios, saannatay a denggen: gapu itoy maammoantayo ti espiritu ti pudno ken ti espiritu ti ulbod.

Ti Baro a Naimbag a Damag Biblia

⁶ Ngem datayo, kukuanatayo ti Dios. Dumngeg kadatayo ti tao a makaammo iti Dios. Saan a dumngeg kadatayo ti saan a kukua ti Dios. Daytoy ngarud ti pakaammoantayo iti paggiddiatan ti espiritu ti kinapudno ken ti espiritu ti kinaulbod.

1 Juan 4:6 Iomraidhean Croise

2 Cronicas 18:21

Ket isu simmungbat, Siac rumuaracto, ket agbalinacto a maysa a naulbod nga espiritu iti ngiwat ti amin dagiti mammadtona. Ket isu kinunana, Siac allilawem, ket isu pagballigiem met: rumuarca, ket aramidem ti casta.

Isaias 29:10

Ta ni Jehova imbucbocna cadacayo ti espiritu ti nargaan a turog, ken pinagkidemna dagiti matmatayo, dagiti mammadto; ken dagiti panguloenyo, dagiti macakita iti masacbayan, inabbonganna.

Isaias 8:20

Iti linteg ken pammanecnec! no dida agsao a cas mayannurot itoy a sao, saan a pagduaduaan nga awan ti bigat a maipaay cadacuada.

Oseas 4:12

Ti ilic makiumanda iti cayo, ket ti sarucodda sumungbat cadacuada; ta ti espiritu ti pannakicamalala pinabiddutna ida, ket nagbalangcantisda, a pimmanaw iti biang ti Diosda.

Mikias 2:11

No ti tao a magmagna iti espiritu ti ulbod agtiri, a cunana, Siac agipadlesacto kenca maipapan iti arac ken naingel nga inumen; isunto met laeng ti mammadto iti daytoy nga ili.

Mikias 3:8

Ngem no maipapan caniac, napnoac iti pannacabalin babaen ti Espiritu ni Jehova, ken panangocom, ken bileg, a mangipalawag ken Jacob iti salungasingna, ken iti Israel iti basolna.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 10:16

Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

San Juan 10:27

Dagiti carneroc denggenda ti timecco, ket ammoc ida ket surutendac;

San Juan 10:3

Isu ilucatan ti agay-aywan iti ruangan, ket dagiti carnero denggenda ti timecna: ket ayabanna dagiti carnerona cadagiti nagnaganda, ket iruarna ida.

San Juan 13:20

Pudno, pudno, cunac cadacayo, ti umawat iti ibaonconto, siac ti awatenna; ket ti umawat caniac, awatenna ti nangibaon caniac.

San Juan 14:17

Nga isu ti Espiritu ti pudno, isu a ti lubong saanna a mabalin nga awaten, ta dina makita ket dina mailasin, dacayo ammoyo, ta makipagtaeng cadacayo, ken addanto iti unegyo.

San Juan 15:26

Ngem inton umay ti Manangliuliwa, nga ibaonconto cadacayo manipud ken Ama, ti Espiritu ti kinapudno, nga aggapu ken Ama, panecnecannanto ti maipapan caniac:

San Juan 16:13

Ngem inton umay daydiay, ti Espiritu ti kinapudno, idalannacayto iti amin a kinapudno: ta saanto nga agsao nga isisu, no di ket saoennanto ti aniaman a mangngegnanto, ket ipacaammonanto cadacayo dagiti banbanag a mapasamacto.

San Juan 18:37

Kinuna ngarud ni Pilato kencuana: No casta ngarud, arica? Simmungbat ni Jesus; Cunam nga ariac, Nayanacac gapu itoy, ken gapu itoy immayac ditoy lubong, tapno panecnecac ti pudno, Isu-amin nga aggapu iti pudno, denggenna ti timecco.

San Juan 20:21

Ni Jesus ngarud kinunana manen cadacuada: Talna coma cadacayo: cas iti pinangibaon caniac ni Ama, casta met ti panangibaonco cadacayo.

San Juan 8:19

Kinunada ngarud, kencuana: Adino ti yan ti Amam? Simmungbat ni Jesus: Uray siac, uray ni Amac dicay ammo; no ammodac coma, ammoyo met coma ni Amac.

San Juan 8:23

Ket kinunana cadacuada: Dacayo taga babacayo, siac taga ngatoac; taga ditoy a lubongcayo; siac saanac a taga ditoy a lubong.

Taga-Roma 1:1

Ni Pablo, maysa nga adipen ni Jesu-Cristo, naayaban nga agapostol, nailasin a maipaay iti evangelio ti Dios,

Taga-Roma 11:8

Cas iti naisurat: Iniccan ida ti Dios ti espiritu ti talimpungaw, matmata a dida macakita, ken pagdengngeg a dida macangngeg agingga ita nga aldaw.

1 Taga-Corinto 14:37

No ti maysa panunutenna nga isu mammadto, wenno mapaltiingan ammoenna coma a dagitoy a banbanag nga isuratco cadacayo bilbilin ida ti Apo.

2 Taga-Corinto 10:7

Kitkitaenyo laeng dagiti banag a naruar. No adda siasinoman nga agtalec iti bagina met laeng, nga isu ti tao ni Cristo, imutectecanna met coma daytoy nga is-isu a cas isu tao ni Cristo, castacami met.

2 Taga-Tesalonica 1:8

A balsenna dagiti saan a mangammo iti Dios, ken di agtulnog iti evangelio ni Apotayo a Jesus:

1 Timoteo 4:1

Ngem ti Espiritu nalawag ti panagcunana a cadagiti maududi nga aldaw, dagiti dadduma suminadanto iti pammati, nga ipangagda dagiti espiritu a mangsulisog, ken dagiti sursuro dagiti demonio.

2 Pedro 3:2

Tapno malagipyo coma dagidi sasao nga imbalicas idi dagidi sasanto a mammadto; ken daydi bilin ti Apo ken Manangisalacan babaen cadagiti apostolyo:

1 Juan 4:1

Ayayatec, dicay patien dagiti amin nga espiritu, no di ket suutenyo dagiti espiritu, no nagtaudda iti Dios; ta adu dagiti saan a pudno a mammadto a rimmuar ditoy lubong.

1 Juan 4:4

Dacayo tattaonacayo ti Dios, annacco a dongdongngoen, ket inabacyo ida; ta dacdackel daydiay adda cadacayo, ngem ti adda iti lubong.

1 Juan 4:8

Ti saan nga agayat, saanna nga ammo ti Dios, ta ti Dios isu ti ayat.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

San Judas 1:17

Ngem dacayo, cacabsat, lagipenyo dagidi sasao nga insaoda idi damo dagiti apostol ni Apo tayo a Jesu-Cristo: