1 Juan 3:8 - Ti Biblia (1973)

⁸ Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

Ti Baro a Naimbag a Damag Biblia

⁸ Ngem kadua ti Diablo ti saan a sumardeng nga agbasol, ta nagbasolen ti Diablo manipud pay idi punganay. Daytoy ti gapuna nga immay ti Anak ti Dios tapno dadaelenna dagiti aramid ti Diablo.

1 Juan 3:8 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Numero 21:9

Ket ni Moises inaramidna ti maysa a sinan-uleg nga suer ket imbayogna iti maysa a monmon: ket naaramid a no maysa nga uleg kimmagat iti maysa a tao, no isu cumita idi sinan-uleg a suer, nagbiag.

San Mateo 12:28

Ngem no gapu iti Espiritu ti Dios paruarec dagiti sairo, pudno a dimtengen cadacayo ti pagarian ti Dios.

San Mateo 13:38

Ket ti talon isu ti lubong; ket dagiti nasayaat a bukel isuda dagiti annac ti pagarian, dagiti zizana isuda dagiti ti annac ti dakes;

San Mateo 4:3

Ket immay Kencuana ti mannulisog ket kinunana kencuana: No sica ti Anac ti Dios, ibilinmo a dagitoy bato agbalinda a tinapay.

San Marcos 1:24

A cuncunana: Ania ti bibiangmi kenca, Jesus Nazareno? Immayca mangpucaw cadacami? Ammoc no siasinoca, sica ti Santo ti Dios.

San Lucas 10:18

Ket kinunana cadacuada: nakitac ni Satanas a natnag nanipud langit a cas la sal-it.

San Juan 12:31

Ita ti pannacaocom daytoy a lubong: ita ti principe daytoy a lubong maibel-lengto iti ruar.

San Juan 16:11

Ken ti maipapan iti panangocom, gapu ta ti principe daytoy a lubong naocomen.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

Taga-Roma 16:20

Ket ti Dios ti cappia dunorennanto iti mabiit ni Satanas iti babaen dagiti sacsacayo. Ti parabur ni Apotayo a Jesu-Cristo adda coma cadacayo.

Taga-Efeso 2:2

A nagnaanyo idi naminsan cas iti ugali daytoy lubong, cas mayannurot iti panguloen ti pannacabalin ti angin, ti espiritu nga ita agaramid cadagiti annac ti kinasukir;

Taga-Colosas 2:15

Idi nga inabacna, dagiti kinaturay ken dagiti pannacabalin, imparangna iti napatac, ti panagballigina cadacuada iti cruzna.

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.

Hebreo 2:14

Iti casta, agsipud ta dagiti annac makiramanda iti lasag ken dara, casta met kencuana nakiraman cadacuada, tapno gapu iti patay pucawenna daydiay addaan pannacabalin ni patay, cayatco a sao-en, ti diablo;

Hebreo 9:26

Ta no saan coma a casta, nasapulna coma ti nagsagaba iti namin-adu nanipud idi pannacabangon toy lubong: ngem ita, naminpinsan laeng iti panungpalan adu a pannawen, isu naiparangarang a maipaay iti panangpucaw ti basol, gapu iti pannacaidaton ti bagina met laeng.

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

1 Juan 1:2

(Ket ti biag naiparangarang, ket nakitami, ket panecnecanmi, ket ipacaammomi cadacayo ti biag, daydiay biag nga agnanayon, nga adda idi iti Ama, ket naipakita cadacami):

1 Juan 3:10

Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.

1 Juan 3:5

Ket ammoyo nga isu naiparangarang tapno iccatenna dagiti basbasol, ket awan basol kencuana.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

San Judas 1:6

Ket dagiti angel a saanda a tinaginayon daydi nacaicasigudanda a casasaad, no di ket pinanawanda daydi umisu a pagyananda, incabilna ida cadagiti agnanayon a pannacabalud, iti yan ti sipnget, agingga iti panangocom ti naindaclan nga aldaw.

Paltiing 20:10

Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.