1 Juan 3:5 - Ti Biblia (1973)

⁵ Ket ammoyo nga isu naiparangarang tapno iccatenna dagiti basbasol, ket awan basol kencuana.

Ti Baro a Naimbag a Damag Biblia

⁵ Ammoyo nga immay ni Cristo tapno ikkatenna dagiti basbasol; ket awan ti basolna.

1 Juan 3:5 Iomraidhean Croise

Oseas 14:2

Icuyogyo dagiti sasao, ket agpulangcayo ken ni Jehova; cunaenyo kencuana, Iccatem amin a kinadakes, ket awatennacami a sicacaasi; iti casta idatagminto cas vacvaca a daton dagiti bibigmi.

San Mateo 1:21

Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

San Lucas 23:41

Ket data, kinapudnoanna, a rebbengta nga awaten ti maitutop cadagiti araramidta; ngem daytoy awan ti dakes nga inaramidna.

San Lucas 23:47

Ket idi nakita ti centurion ti naaramid, indaydayawna ti Dios, a kinunana; Kinapudnona a daytoy a tao nalinteg.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 1:31

Ket isu diac amammo idi: ngem tapno maiparangarang iti Israel gapuna immayac mangbautizar iti danum.

San Juan 14:30

Diac makipagsaonton ti adu cadacayo: ta umay ti principe ti lubong; ket awan ti cucuana caniac;

San Juan 8:46

Asino cadacayo ti mangbabalaw caniac iti basol? No saoec ti pudno, ania ti gapuna a didac patien?

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

1 Timoteo 3:16

Ket awan duadua, dackel ti palimed ti kinasanto: Daydi naiparang iti lasag, Napanecnecan iti espiritu, Nakita dagiti angel, Naicascasaba cadagiti nacion, Napapati ditoy lubong, Naipangato sadi gloria.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 1:3

Idinto nga isu ti raniag ti dayagna, ken ti napaypayso a ladawan ti kinadiosna, ket idinto a salimetmetanna dagiti isu-amin a banbanag iti sao ti pannacabalinna, idi naaramidnan ti pannacagugor dagiti basbasoltayo, nagtugaw iti macanawan ti Ari sadi ngato;

Hebreo 4:15

Ta awan cadatayo ti maysa a cangatoan a padi a di macabalin a mangricna cadagiti kinalap-ittayo, no di ti maysa a nasulisog iti isu-amin, a cas cadatayo ngem saan a nagbasol.

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;

Hebreo 9:26

Ta no saan coma a casta, nasapulna coma ti nagsagaba iti namin-adu nanipud idi pannacabangon toy lubong: ngem ita, naminpinsan laeng iti panungpalan adu a pannawen, isu naiparangarang a maipaay iti panangpucaw ti basol, gapu iti pannacaidaton ti bagina met laeng.

Hebreo 9:28

Casta met ni Cristo, idinto a naidaton iti naminsan, tapno awitenna dagiti basbasol dagiti adu, ti maicadua agparangto saan a gapu iti basol, no di ket maipaay iti pannacaisalacan dagiti agur-uray kencuana.

1 Pedro 1:18

Nga ammoyo a nasubbotcayo iti barengbareng a panagbiagyo, nga impatawid cadacayo dagidi ammayo, saan a naaramat dagiti agrupsa, a cas iti pirac ken balitoc;

1 Pedro 1:20

Isu a naammoan sacbay ti pannacabangon toy lubong, ngem naiparangarang iti camaudiananna maipaay, cadacayo,

1 Pedro 2:22

Isu saan a nagaramid iti basol, ket awan ti nasaracan nga al-lilaw iti ngiwatna.

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 1:2

(Ket ti biag naiparangarang, ket nakitami, ket panecnecanmi, ket ipacaammomi cadacayo ti biag, daydiay biag nga agnanayon, nga adda idi iti Ama, ket naipakita cadacami):

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.

1 Juan 2:1

Annacco a dongdongoec, isuratco cadacayo dagitoy a banbanag tapno dicay coma agbasol. Ket no addanto siasinoman a macabasol, addaantayo ti Manangibabaet iti Ama, nga isu ni Jesu-Cristo a nalinteg:

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

1 Juan 2:29

No ammoyo nga isu nalinteg, ammoenyo met nga isu-amin nga agaramid iti kinalinteg, naipasngayda kencuana.

1 Juan 3:8

Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;