1 Juan 3:4 - Ti Biblia (1973)

⁴ Isu-amin a macaaramid iti basol, aramidenna met ti maisallungasing iti linteg; ta ti basol isu ti panagsalungasing iti linteg.

Ti Baro a Naimbag a Damag Biblia

⁴ Ngem ti siasinoman nga agbasol, salungasingenna ti linteg ti Dios, agsipud ta ti basol ket panagsalungasing iti linteg.

1 Juan 3:4 Iomraidhean Croise

1 Ar-ari 8:47

Nupay casta no isuda met laeng panunotenda idiay daga a pacaipananda a kinayawan, ket agsublida, ket umararawda kenca idiay daga dagiti nangayaw cadacuada, a cunada, Dacami nagbasolcami, ket nagaramidcami a sidadangkes, dacami nagaramidcami ti kinadakes;

1 Cronicas 10:13

Iti casta ni Saul natay gapu iti panaglabsingna a naaramidna a maicaniwas ken Jehova, gapu iti sao ni Jehova, a dina sinalimetmetan; ken gapu met iti panagsapulna iti patigmaan iti maysa a baglan, tapno umuman babaen kencuana,

2 Cronicas 24:20

Ket ti Espiritu ti Dios immay ken Zacarias nga anac a lalaki ni Joiada a padi; ket isu nagtacder iti ngatoen dagiti tattao, ket kinunana cadacuada, Castoy ti cuna ti Dios, Apayapay salungasingenyo dagiti bilbilin ni Jehova, iti casta dicayo mabalin ti rumang-ay? agsipud ta binay-anyo ni Jehova, isu binaybay-annacayo met.

Isaias 53:8

Gapu iti pannacaparigat ken pannacaocom isu napagtalaw; ket no maipapan iti caputotanna, asino cadacuada ti nangutob nga isu nakeltay iti daga dagiti sibibiag gapu iti panaglabsing ti ilic nga isu ti rebbengna a masaplit?

Daniel 9:11

Wen, amin nga Israel sinalungasingna ti lintegmo, a simmiasida met laeng, tapno dida coma tungpalen ti timecmo: gapu itoy naibucbuc cadacami ti panangilunod, ken ti sapata a naisurat iti linteg ni Moises nga adipen ti Dios; gapu ta nagbasolcami a maicaniwas kencuana.

Numero 15:31

Gapu ta isu dina intaltalec ti sao ni Jehova, ket sinalungasingna ti bilinna; dayta a tao matalipupusto a maipusay, ti kinadakesna maipabaclayto kencuana.

San Mateo 5:19

Gapuna uray siasino a mangsalungasingto iti maysa cadagitoy bilin a cababassitan, ken mangisuro ti casta cadagiti tattao, managanto ti bassit unay idiay pagarian ti langit; ngem uray siasino nga mangaramid ken mangisuronto cadacuada, isu managanto ti dackel iti pagarian ti langit.

Dagiti Aramid 23:3

Idin kinunana ni Pablo kencuana: Ti Dios cabilennacanto, pader a pinapudaw! Ta agtugawca a mangocom caniac cas mayannurot iti linteg, ket ibilinmo a cabilendac a maisalungasing iti linteg?

Taga-Roma 3:20

Agsipud ta, awanto ti lasag a maibilang a nalinteg iti sango ti Dios gapu cadagiti ar-aramid ti linteg: ta gapu iti linteg maipacaammo ti basol.

Taga-Roma 4:15

Ta ti linteg pataudenna ti pungtot: ngem no awan ti linteg, awan met ti pannacasalungasing,

2 Taga-Corinto 12:21

Di-laket ta inton dumtengac manen, ti Diosco pababaennac iti sangoyo, ket addanto pagladingitac cadagiti adu cadagiti nagbasol idi, ket saanda a nagbabawi iti kinarimon ken pannakicamalala ken kinaderrep nga inaramidda.

Santiago 5:15

Ket ti cararag ti pammati isalacannanto ti masakit, ket ti Apo paungarennanto; ket no nacaaramid cadagiti basbasol, mapacawanto kencuana.

1 Juan 5:17

Isu-amin a kinakil-lo basol; ket adda basol a saan a maipaay iti ipapatay.

1 Samuel 15:24

Ket ni Saul kinunana ken Samuel, Siac nacabasolac, ta linabsingco ti bilin ni Jehova, ken dagiti sasaom, agsipud ta nagbutengac cadagiti tattao, ken nagtulnogac iti timecda.