1 Juan 3:23 - Ti Biblia (1973)

²³ Ket daytoy ti bilinna: A mamatitayo coma iti nagan ti Anacna, a Jesu-Cristo, ket agayan-ayattayo cas imbilinna cadatayo.

Ti Baro a Naimbag a Damag Biblia

²³ Daytoy ti bilinna: Masapul a mamatitayo iti nagan ni Jesu-Cristo nga Anakna ken agiinnayattayo a kas imbilin ni Cristo.

1 Juan 3:23 Iomraidhean Croise

Dagiti Salmo 2:12

Agepenyo ti anac, tapno di-agpungtot, ket mapucawcayo iti dalan, ta ti pungtotna nganngani a sumged. Nagasat amin dagidiay a cumamang kencuana.

San Mateo 22:39

Ket ti maicaddua isu umasping kencuana: Ayatem ti padam a tao a cas iti bagim.

San Marcos 9:7

Ket immay ti maysa nga ulep a nangabongot cadacuada, ket naggapu iti ulep ti maysa a timec, a kinunana: Daytoy ti dungdungoec nga Anac: denggenyo.

San Juan 1:12

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 13:34

Maysa a bilin a baro ti itdec cadacayo, tapno agayanayatcayo iti maysa ken maysa; cas iti panagayatco cadacayo, casta met agayanayatcay coma iti maysa ken maysa.

San Juan 14:1

Saan coma nga agpulcoc ti pusoyo; mamaticayo iti Dios, mamaticayo met caniac.

San Juan 15:12

Daytoy ti bilinco: Nga agayanayatcayo iti maysa ken maysa, a cas ti panagayatco cadacayo.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 2:23

Ket bayat ti caaddana idiay Jerusalem iti rambac ti pascua adu dagiti namati iti naganna, idi kitkitaenda dagiti pagilasinan nga araramidenna.

San Juan 3:18

Ti mamati kencuana, saan a maocom; ngem ti di mamati kencuana, naocomen, agsipud ta saan a namati iti nagan ti Bugbugtong nga Anac ti Dios.

San Juan 6:29

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

Dagiti Aramid 16:31

Ket kinunada: Mamatica ken Apo Jesu-Cristo, ket maisalacancanto, sika ken ti balaymo.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

1 Taga-Tesalonica 4:9

Ngem no maipapan iti ayat nga incacabsatna, saanyo a masapul ti mangisurat cadacayo: ta dacayo met laeng nasursuroancayo iti Dios iti panagayat ti maysa ken maysa;

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

1 Pedro 1:22

Idinto a ginugoranna dagiti cararuayo iti kinatulnogyo iti pudno, a maipaay iti ayat a pudno dagiti cacabsat, agayan-ayatcayo iti nasged, a buyugen ti nadalus a puso:

1 Pedro 4:8

Ket nangnangrona ngem amin adda coma cadacayo met laeng ti nasged nga ayat ta ti ayat abbunganna dagiti adu unay a basbasol:

1 Juan 2:7

Ay-ayatec awan ti baro a bilin nga isuratco cadacayo, no saan a daydi bilin a daan a nangngegyo nanipud idi damo: daydi bilin a daan isu ti sao a nangngegyo.

1 Juan 3:11

Ta daytoy ti damag a nangngegyo nanipud idi punganay: Nga agayan-ayattayo coma:

1 Juan 4:15

Uray siasino a mangipaduyacyacto a ni Jesus isu ti Anac ti Dios, agtaeng kencuana ti Dios, ket isu agtaeng iti Dios.

1 Juan 4:21

Ket daytoy a bilin a naadda cadatayo nagtaud kencuana: Nga ti agayat iti Dios, ayatenna met coma ni cabsatna.

1 Juan 5:13

Dagitoy a banbanag insuratco cadacayo, tapno maammoanyo nga addaancayo ti biag nga agnanayon: cadacayo a mamati iti nagan ti Anac ti Dios.