1 Juan 3:22 - Ti Biblia (1973)

²² Ket isu-amin a dawatentayo, awatentayo kencuana; ta salimetmetantayo dagiti bilbilinna, ket aramidentayo dagiti banbanag a macaayayo cadagiti matana.

Ti Baro a Naimbag a Damag Biblia

²² Ikkannatayo iti aniaman a dawatentayo, agsipud ta tungpalentayo dagiti bilbilinna ken aramidentayo ti pakaragsakanna.

1 Juan 3:22 Iomraidhean Croise

Ti Libro ni Job 22:26

Iti casta agragsaccanton iti Mannacabalin, ket itangadmonto ta rupam iti Dios.

Dagiti Salmo 10:17

Jehova, nangngegmo ti calicagum dagiti naemma: saganaemto dagiti pusoda, iyemdengmonto ta lapayagmo a dumngeg;

Dagiti Salmo 34:4

Binirbirocco ni Jehova, ket isu sinungbatannac, ket inispalnac cadagiti amin a panagbutbutengco.

Dagiti Salmo 50:15

Ket awagannac iti aldaw ti pacadanagan: ispalencanto, ket sica idaydayawnacto.

Dagiti Proverbio 15:29

Ni Jehova adayu cadagiti nadangkes; ngem ipangagna ti cararag dagiti nalinteg.

Dagiti Proverbio 28:9

Ti di mangyallingag iti lapayagna iti panangdengngegna iti linteg, uray pay ti cararagna macarimon.

Isaias 1:15

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Jeremias 33:3

Awagannac ken sungbatancanto, ket ipakitacto kenca dagiti dadackel a banbanag, ken naricut, isuda a saanmo nga ammo.

San Mateo 17:5

Idi agsasao pay laeng, adtoy, ti maysa nga ulep a naraniag a lininunganna ida; ket adtoy ti maysa a timec iti ulep a kinunana: Daytoy isu ti Anacco a dungdungoec, isu a pacaayaywac: isu ti denggenyo.

San Mateo 21:22

Ket amin a dawatenyonto iti panagcararag, no sipapaticayo, awatenyonto.

San Marcos 11:24

Gapuna cunac cadacayo: Uray aniaman a dawatenyo no agcararagcayo patienyo nga awatenyon ket maaramidto.

San Juan 14:13

Ket ti aniaman a dawatenyonto iti naganco, dayta ti aramidecto, tapno ni Ama maidaydayaw iti Anac.

San Juan 15:10

No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

San Juan 15:7

No agnaedcayo caniac, ket dagiti saoc agtaengda cadacayo, dawatenyo ti aniaman a cayatyo ket maaramidto cadacayo.

San Juan 6:29

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

San Juan 8:29

Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

San Juan 9:31

Ammotayo a ti Dios dina ipangag dagiti managbasol; ngem no adda managdayaw iti Dios ket aramidenna ti pagayatanna, isu ti denggenna.

Dagiti Aramid 17:30

Dagiti ngarud tiempo ti kinacuneng, pinalabas ti Dios ida ngem ita ibilinna cadagiti amin a tao, cadagiti isu-amin a disso, nga agbabawida:

Dagiti Aramid 20:21

A pinanecnecac cadagiti Judio ken cadagiti met Griego ti panagbabawi iti Dios, ken ti pammati ken Apotayo a Jesu-Cristo.

Taga-Filipos 4:18

Ngem adda amin caniac ken aduanac: mapnecac, iti calpasan ti panangawatco ken Epafrodito cadagiti impawityo, nasam-it nga ayamuum, daton a napateg, a pagay-ayatan unay ti Dios.

Taga-Colosas 1:10

A magnacayo a maicari iti Apo, a maipaay iti amin a pacaayaywan, nga agbungacayo iti isu-amin nga aramid a naimbag, ket rumangay cayo iti pannacaammo iti Dios;

Hebreo 13:21

Aramidennacayo coma a naananay cadagiti isu-amin a banbanag, tapno aramidenyo coma ti pagayatanna, nga aramidenna coma cadatayo ti macaay-ayo iti imatangna, gapu ken Jesu-Cristo. Isu a madaydayaw coma iti agnanayon nga awan inggana. Amen.

Santiago 1:5

Ngem no siasinoman cadacayo agcurang iti kinasirib, agdawat coma iti Dios, isu a mangted a sicacaasi cadagiti isu-amin, ket saan a mangpabain ket maitedto kencuana.

Santiago 4:3

Agdawatcayo ket dicay umawat, ta saan a nasayaat ti panggepyo nga agdawat, ta raritenyo cadagiti ragragsacyo.

Santiago 5:16

Ipudnoyo ngarud dagiti basbasolyo iti maysa ken maysa, ket icararagyo maysa ken maysa, tapno mapasalun-atcayo. Adu ti mabalin ti nasged a cararag ti nalinteg.

1 Juan 2:3

Ket gapu itoy, maammoantayo nga isu am-ammotayo, no salimetmetantayo dagiti bilbilinna.

1 Juan 5:14

Ket daytoy ti adda cadatayo a panagtalec kencuana, a no adda aniaman a dawatentayo a mayannurot iti pagayatanna, isu denggennatayo: