1 Juan 3:16 - Ti Biblia (1973)

¹⁶ Itoy ti pacaammoantayo iti ayat agsipud ta isu intedna ti biagna a maipaay cadatayo; ket datayo rebbengtay nga ited dagiti biagtayo a maipaay cadagiti cacabsat.

Ti Baro a Naimbag a Damag Biblia

¹⁶ Ti pakaammoantayo no ania ti ayat isu daytoy: Impaay ni Cristo ti biagna kadatayo. Rebbengtayo met ngarud nga ipaay ti biagtayo kadagiti kakabsat!

1 Juan 3:16 Iomraidhean Croise

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Juan 10:11

Siac ti naimbag a pastor: ti naimbag a pastor itedna ti biagna gapu cadagiti carnerona.

San Juan 10:15

A cas ti Ama amammonac, casta met siac amammoc ti Ama: ket itedco ti biagco maipoon cadagiti carneroc.

San Juan 13:34

Maysa a bilin a baro ti itdec cadacayo, tapno agayanayatcayo iti maysa ken maysa; cas iti panagayatco cadacayo, casta met agayanayatcay coma iti maysa ken maysa.

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

Dagiti Aramid 20:28

Kitaenyo ti bagiyo ken ti amin nga ipastoran a nangicabilan ti Espiritu Santo cadacayo a cas managaywan, tapno ipaarabyo ti Iglesia ti Dios, isu a ginatangna iti darana.

Taga-Roma 16:4

Isuda a nangipeggad cadagiti tengngedda gapu itoy biagco: ket saan laeng a siac ti agyaman cadacuada, no di ket isu-amin pay dagiti Iglesias cadagiti Gentil:

Taga-Roma 5:8

Ngem ti Dios ipatalgedna ti ayatna cadatayo, agsipud ta idinto a managbasoltayo pay laeng, ni Cristo natay gapu cadatayo.

2 Taga-Corinto 4:12

Iti casta, ti patay agaramid cadacami, ngem ti biag, cadacayo.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

Taga-Efeso 5:25

Lallaki, ayatenyo dagiti assawayo, a cas met iti panagayat ni Cristo iti Iglesia, ket inyawatna ti bagina gapu kencuana;

Taga-Filipos 2:17

Ngem uray no maidatonacto iti rabaw ti daton ken panagservi ti pammatiyo, agrag-oac ken makipagrag-oac cadacay amin:

Taga-Filipos 2:30

Ta gapu iti panagservi ken Cristo, nganngani natay, nga impeggadna ti biagna, tapno talalianna ti pagcuranganyo iti panagservi caniac.

1 Taga-Tesalonica 2:8

Casta met, ti panagdongngomi cadacayo, ket siayatcami a mangipaay cadacayo, saan laeng a ti evangelio ti Dios, no di ket dagiti pay cararuami, ta nagbalincayo a patgenmi unay.

Tito 2:13

Nga ur-urayen daydiay inanama a nagasat, ken ti panagparang a sidadayag ti dackel a Dios ken Manangisalacan cadatayo a ni Jesu-Cristo;

1 Pedro 1:18

Nga ammoyo a nasubbotcayo iti barengbareng a panagbiagyo, nga impatawid cadacayo dagidi ammayo, saan a naaramat dagiti agrupsa, a cas iti pirac ken balitoc;

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 2:6

Ti agcuna nga agtalinaed kencuana, rebbengna met ti magna a cas iti pannagnana idi.

1 Juan 2:9

Ti agcuna nga adda iti lawag ket guraenna ni cabsatna, adda pay laeng iti kinasipnget agingga ita.

Paltiing 1:5

Ken aggapu ken Jesu-Cristo, ti matalec a mamanecnec, ti inauna nga anac cadagiti natay, ken ti agturay cadagiti ar-ari ditoy daga: Iti daydiay mangdungdungngo cadatayo, ken nangluc-at cadatayo cadagiti basbasoltayo iti darana met laeng;

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.