1 Juan 3:12 - Ti Biblia (1973)

¹² Saan a cas ken ni Cain nga iturayan ti dakes ket pinatayna ni cabsatna. Ket ania ti gapu a pinatayna? Agsipud ta dagidi ar-aramidna dakesda, ket dagiti ar-aramid ni cabsatna nalintegda.

Ti Baro a Naimbag a Damag Biblia

¹² Saantayo nga agbalin a kas ken ni Cain a pinaiturayan iti Managdakdakes ket pinatayna ni Abel a kabsatna. Apay a pinatayna? Gapu ta dakes dagiti aramid ni Cain, ket nalinteg dagiti aramid ti kabsatna.

1 Juan 3:12 Iomraidhean Croise

Genesis 4:25

Ket dinennaan manen ni Adan ni asawana; ket inyanacna ti maysa a lalaki, ket pinanagananna iti Set: Ta, kinunana, ti Dios iniccannac iti sabali a putot a sucat ni Abel; ta daytoy pinatay ni Cain.

2 Samuel 13:22

Ket ni Absalom saan a nagsao iti naimbag wenno dakes ken ni Amnon; ta ni Absalom ginurana ni Amnon, agsipud ta pinilitna ni cabsatna a Tamar.

Dagiti Salmo 37:12

Ti nadangkes sigsigpenna ti maibusor iti nalinteg, ket ingaretngetna dagiti ngipenna kencuana.

Dagiti Salmo 38:20

Dagidiay met a subadanda iti dakes ti imbag sibubusorda caniac, gapu ta surotec ti banag a naimbag.

Dagiti Proverbio 27:4

Ti rungsot nadawel, ket ti pungtot mangiremrem; ngem siasino ti macabalin nga agtacder iti saclang ti kinaimon?

Dagiti Proverbio 29:10

Dagiti mawaw iti dara cagurada ti napnoan-imbag; ngem no maipapan cadagiti nalinteg, sapulenda ti biagna.

Dagiti Proverbio 29:27

Ti managdacdakes a tao maysa a macarimon cadagiti nalinteg; ket ti sililinteg iti dalan maysa a macarimon cadagiti nadangkes.

San Mateo 13:19

No uray siasino a macangngeg ti sao a maipapan iti pagarian ket dina maawatan, umay ti dakes, ket parutenna ti naimula iti pusona: daytoy ti naimula iti dinna ti dalan.

San Mateo 13:38

Ket ti talon isu ti lubong; ket dagiti nasayaat a bukel isuda dagiti annac ti pagarian, dagiti zizana isuda dagiti ti annac ti dakes;

San Mateo 23:35

Tapno umay cadacayo ti amin a dara dagiti nalinteg a naiparucpoc itoy daga, manipud idi dara ni Abel a nalinteg agingga iti dara ni Zacarias nga anac ni Baraquias, isu a pinapatayyo iti nagbaetan ti santuario ken ti altar.

San Mateo 27:23

Ket kinunana cadacuada: Apayapay? Ania aya ti dakes nga inaramidna? Ngem isuda inyic-ickisda a lumalo ti ungetda: Mailansa coma iti cruz.

San Mateo 5:37

Castoy ngarud ti panagsaoyo: Wen, wen; Saan, saan; ta ti suroc dagitoy, nagtaud iti dakes.

San Lucas 11:51

Nanipud idi dara ni Abel agingga iti dara ni Zacarias, a natay iti nagbaetan ti altar ken ti santuario: wen, cunac cadacayo, a maisingirto itoy a caputotan.

San Juan 10:32

Simmungbat cadacuada ni Jesus: Adu dagiti naimbag nga aramid a naggapu ken Amac nga impakitac cadacayo: ania cadagita nga aramid ti pangbatoanyo caniac?

San Juan 8:40

Ngem ita agawaandac a papatayen, toy tao a nagsao cadacayo iti pudno, a nangegco iti Dios; daytoy saan nga inaramid ni Abraham.

San Juan 8:41

Dacayo aramidenyo dagiti ar-aramid ni amayo. Kinunada kencuana: Dacami saancam a nayanac iti pannakicamalala; adda maymaysa nga amami, nga isu ti Dios.

Dagiti Aramid 7:52

Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;

1 Taga-Tesalonica 2:14

Ta dacayo, cacabsat, nagbalincayo a tumultulad cadagiti Iglesia ti Dios, ken Cristo Jesus, idiay Judea; a nagsagabacayo met cadagiti cacasdi a banbanag cadagiti cailianyo met laeng, a cas cadacuada cadagiti Judio;

Hebreo 11:4

Gapu iti pammati ni Abel indiayana iti Dios ti maysa a daton a nasaysayaat ngem ni Cain; ket gapu iti daytoy naited kencuana ti pannacapanecnec nga isu nalinteg idi a sinacsian ti Dios ti maipapan cadagiti datdatonna; ket gapu itoy nupay natayen, agsao pay laeng.

Hebreo 12:24

Ken ni Jesus, a mangibabaet iti baro a tulag, ken iti dara nga iwaris, nga agsao cadagiti nasaysayaat a banbanag ngem daydi ken Abel.

1 Pedro 4:4

Ket cadagitoy a banbanag masmasdaawda gapu ta dicay makitimpuyogen cadacuada iti panaglablabes iti kinadakes, ket ab-abienda cayo:

1 Juan 3:8

Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

San Judas 1:11

Asida pay ta nagnada iti dalan ni Cain, ket nagdarasudusda iti nacallilawan ni Balaam, gapu iti maysa a gonggona, ket nadadaelda iti panagsupring ni Core.

Paltiing 17:6

Ket nakitac daydi babai a nabartec iti dara dagiti sasanto ken iti dara dagiti sacsi ni Jesus. Ket idi a nakitac, nagsiddaawac iti dackel a pannacasdaaw.