1 Juan 3:10 - Ti Biblia (1973)

¹⁰ Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.

Ti Baro a Naimbag a Damag Biblia

¹⁰ Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.

1 Juan 3:10 Iomraidhean Croise

2 Samuel 13:22

Ket ni Absalom saan a nagsao iti naimbag wenno dakes ken ni Amnon; ta ni Absalom ginurana ni Amnon, agsipud ta pinilitna ni cabsatna a Tamar.

San Mateo 13:38

Ket ti talon isu ti lubong; ket dagiti nasayaat a bukel isuda dagiti annac ti pagarian, dagiti zizana isuda dagiti ti annac ti dakes;

San Lucas 6:35

Ngem ayatenyo dagiti cabusoryo; ket agaramidcay ti naimbag, ket agpabulodcayo a di mangnamnama a pulos ket dackelto ti gonggonayo, ket annacnacayonto ti Cangatoan: ta isu manangngaasi uray pay cadagiti managinlilipat ken managdacdakes.

San Juan 1:12

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 11:52

Ket saan laeng a maipoon iti ili, no di ket tapno isu maurnongna met nga agmaymaysa dagiti annac ti Dios a naiwarawara idi.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

San Juan 8:47

Ti agtaud iti Dios, denggenna dagiti sao ti Dios: gapu iti daytoy, dacayo dicay agdengngeg ta saancayo a nagtaud iti Dios.

Dagiti Aramid 13:10

Ket kinunana: O napno ti amin nga ulbod ken amin a kinadakes, anac ti sairo, cabusor ti amin a kinalinteg, dicanto umingga a mangilkilo cadagiti nalinteg a dalan ti Apo?

Taga-Roma 13:8

Awan coma ti mautangyo iti uray siasino, no di laeng ti panagayan-ayat ti maysa ken maysa: ta ti agayat iti padana a tao, natungpalna ti linteg.

Taga-Efeso 5:1

Tuladenyo ngarud ti Dios, cas annac a madongdongngo;

Taga-Colosas 3:14

Ket cangronaan cadagitoy a banbanag, agcawescayo ti ayat, isu ti singgalut ti pannacaananay.

1 Timoteo 1:5

Ngem ti pacaipaayan ti bilin isu ti ayat nga agtaud iti maysa a puso a nadalus, ken iti maysa a naimbag a nakem ken ti pammati a di balinbalinen:

1 Juan 2:29

No ammoyo nga isu nalinteg, ammoenyo met nga isu-amin nga agaramid iti kinalinteg, naipasngayda kencuana.

1 Juan 3:1

Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

1 Juan 3:2

Ay-ayatec, ita annacnatay ti Dios; ket saan pay a maiparangarang no aniatayto; ammotayo nga no isu maiparangarangto, umaspingtayto kencuana, ta isu makitatayto cas ti kinaisuna.

1 Juan 4:21

Ket daytoy a bilin a naadda cadatayo nagtaud kencuana: Nga ti agayat iti Dios, ayatenna met coma ni cabsatna.

1 Juan 4:6

Datayo tattaonatayo ti Dios: ti macaammo iti Dios, denggennatayo; ti saan a tao ti Dios, saannatay a denggen: gapu itoy maammoantayo ti espiritu ti pudno ken ti espiritu ti ulbod.

1 Juan 4:8

Ti saan nga agayat, saanna nga ammo ti Dios, ta ti Dios isu ti ayat.

1 Juan 5:19

Ammotayo a datayo tattaonatayo ti Dios, ket ti isu-amin a lubong adda iti babaen ti dakes.

1 Juan 5:2

Daytoy ti pacaammoantayo nga ayatentayo dagiti annac ti Dios, no ayatentayo ti Dios, ket salimetmetantayo dagiti bilbilinna.

3 Juan 1:11

Ay-ayatec, dica tuladen ti dakes, no di ket ti naimbag. Ti agaramid iti nasayaat, tao ti Dios, ti agaramid iti dakes, saanna a nakita ti Dios.