1 Juan 3:1 - Ti Biblia (1973)

¹ Kitaenyo no ania a kita ti ayat ti insagut cadatayo ti Ama, tapno managantay annac ti Dios, ket annacnatay ngarud. Gapu itoy ti lubong saannatay nga am-ammo, gapu ta isu saanna a naammoan.

Ti Baro a Naimbag a Damag Biblia

¹ Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 3:1 Iomraidhean Croise

2 Samuel 7:19

Ket daytoy bassit pay laeng a banag cadagita matam, O Apo Jehova; ngem saoem met iti maipapan iti balay ti adipenmo iti naunday a tiempo a mapasungad; ken daytoy pay a mayannurot iti cadawyan dagiti lallaki; O Apo Jehova!

Dagiti Salmo 31:19

O nagdackelen ti kinaimbagmo, nga impenpenmo nga agpaay cadagiti agbuteng kenca, nga inaramidmo cadagiti agcamang kenca, iti sangoanan dagiti annac dagiti tattao!

Jeremias 3:19

Ngem kinunac, Casano ti panangisaadco kenca iti nagtengngaan dagiti annac, ken iccanca ti maysa a macaay-ayo a daga, maysa a naimnas a tawid dagiti buybuyot dagiti nasnacion! ket kinunac, Dacayo awagandacto, Amac, ket saancayto a sumina iti isusurotyo caniac.

Oseas 1:10

Nupay casta ti bilang dagiti annac ti Israel caslanto iti darat ti baybay, a di-mabalin a sucaten ken bilangen; ket maaramidto iti lugar a naisao cadacuada, Saancayo nga ilic, maibaganto cadacuada, Dacayo ti annac ti Dios a sibibiag.

San Lucas 20:36

Ta didanto matayen: ta capadpada ida dagiti angel, ket annac ida ti Dios, ta annac ida ti panagungar.

San Juan 1:12

Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 11:52

Ket saan laeng a maipoon iti ili, no di ket tapno isu maurnongna met nga agmaymaysa dagiti annac ti Dios a naiwarawara idi.

San Juan 15:21

Ngem amin dagitoy aramidendanto cadacayo gapu iti naganco, ta dida ammo ti nangibaon caniac.

San Juan 16:3

Ket dagitoy aramidendanto, ta dida amammo ni Ama uray siac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

Taga-Roma 5:8

Ngem ti Dios ipatalgedna ti ayatna cadatayo, agsipud ta idinto a managbasoltayo pay laeng, ni Cristo natay gapu cadatayo.

Taga-Roma 8:19

Ta ti nasged a tarigagay ti sangaparsuaan ur-urayenna ti pannacaiparangarang dagiti annac ti Dios.

Taga-Roma 8:21

A ti met laeng sangaparsuaan maluc-atanto iti pannacaadipen ti panagrupsa, a maipaay iti nadayag a wayawaya dagiti annac ti Dios.

Taga-Roma 8:32

Daydi saan a nangipaidam iti Anacna met laeng, no di ket inyawatna gapu cadatayo amin, dina aya iparaburto cadatayo dagiti amin a banbanag a mairaman kencuana?

2 Taga-Corinto 6:18

Ket siacto ti Amayo, Ket dacayonto ti annacco a lallaki ken babbai; Cuna ti Apo a Mannacabalin amin.

Taga-Galacia 3:26

Ta annacnatay amin ti Dios gapu iti pammati ken Cristo Jesus.

Taga-Galacia 3:29

Ket no taonacayo ni Cristo, dacay ngarud ti caputotan ni Abraham, ken agtawid cas iti cari.

Deuteronomio 14:1

Dacayo ti annac ni Jehova a Diosyo: dicayto sugaten dagiti bagbagiyo, wenno kiskisan iti uray ania iti baet dagiti matayo maipuon iti natay.

Taga-Colosas 3:3

Ta nataycayon, ket ti biagyo naidulin a nairaman ken Cristo iti Dios.

1 Juan 3:10

Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.

1 Juan 3:2

Ay-ayatec, ita annacnatay ti Dios; ket saan pay a maiparangarang no aniatayto; ammotayo nga no isu maiparangarangto, umaspingtayto kencuana, ta isu makitatayto cas ti kinaisuna.

1 Juan 4:17

Daytoy ti pacatungpalan ti ayat cadatayo, tapno adda panagtalectayo iti aldaw ti pannacaocom; ta no casano ti kinaisuna, casta tayo met ditoy lubong.

Paltiing 21:7

Ti agbal-liginto, tawidennanto dagitoy a banbanag ket siacto ti Diosna, ket isunto ti anacco.