1 Juan 2:25 - Ti Biblia (1973)

²⁵ Ket daytoy ti cari nga incarina cadatayo, ti biag nga agnanayon.

Ti Baro a Naimbag a Damag Biblia

²⁵ ket daytoy ti inkari ni Cristo kadatayo—ti biag nga agnanayon.

1 Juan 2:25 Iomraidhean Croise

Daniel 12:2

Ket adu cadagidiay a maturog iti tapoc ti daga mariingdanto, ti dadduma iti biag nga agnanayon, ket ti dadduma iti pannacaibabain ken awan ti patinggana nga umsi.

San Lucas 18:30

A dinanto awaten ti adadu unay iti agdama a tiempo, ken iti mapasungad a tiempo, ti biag nga agnanayon.

San Juan 10:28

Ket siac iccac ida ti biag nga agnanayon: ket didanto mapucaw uray caano, ket awanto ti mangrabsut cadacuada itoy imac.

San Juan 12:50

Ket ammoc a ti bilinna isu ti biag nga agnanayon: dagiti ngarud saoec, cas iti panangibaga caniac ni Ama, casta ti panagsaoc.

San Juan 3:15

Tapno amin a mamati kencuana maaddaan ti biag nga agnanayon.

San Juan 5:39

Dacayo sukimatenyo dagiti Sursurat, agsipud ta pagarupenyo nga adda cadacuada ti biagyo nga agnanayon; ket dagitoy isuda ti mangpanecnec ti maipapan caniac;

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

San Juan 6:40

Ta daytoy ti pagayatan ni Amac: Nga tunggal maysa a macakita iti Anac ket mamati kencuana, adda coma biagna nga agnanayon: ket isu pagungarecto iti camaudianan nga aldaw.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:54

Ti mangan iti lasagco, ken uminum iti darac, adda biagna nga agnanayon: ket isu pagungarecto iti camaudianan nga aldaw.

San Juan 6:68

Ket simmungbat kencuana ni Simon Pedro: Apo, asinonto ti papananmi? Sica addaanca cadagiti sao ti biag nga agnanayon.

Taga-Roma 2:7

Cadagiti agtalinaed iti panagaramid ti naimbag a sapsapulenda ti gloria, ti dayaw ken ti saan nga ipapatay; ti biag nga agnanayon:

Taga-Roma 5:21

Tapno, cas ti panagari ti basol ken patay, casta met coma nga agari ti parabur, gapu iti kinalinteg a maipaay iti biag nga agnanayon, gapu ken Jesu-Cristo nga Apotayo.

Taga-Roma 6:23

Ta dagiti supapac ti basol isu ni patay; ngem ti naparabur a sagut ti Dios isu ti biag nga agnanayon, ken Jesu-Cristo nga Apotayo.

Taga-Galacia 6:8

Ta ti agmula a maipaay iti lasagna, iti lasag apitennanto ti panagrupsa; ngem dayta agmula a maipaay iti Espiritu, iti Espiritu apitennanto ti biag nga agnanayon.

1 Timoteo 1:16

Nupay casta gapu itoy nacagun-odac ti asi, tapno ni Jesu-Cristo ipakitana coma caniac, a nangnangrona, ti amin nga aglablabes nga anusna, cas pagulidanan dagiti mamatinto kencuana a maipaay iti biag nga agnanayon.

1 Timoteo 6:12

Makirupacca iti nasayaat a pannakidangadang ti pammati; petpetam ti biag nga agnanayon isu a nacaawisam, ket impaduyacyacmo ti nasayaat a panagipudno, iti sangoanan dagiti adu a nacaimatang.

1 Timoteo 6:19

Nga agurnongda iti maipaay cadacuada ti maysa a nasayaat a pamunganayan a maisagana iti aldaw a mapasungad, tapno magun-udanda ti biag a pudno.

Tito 1:2

Babaen ti pananginanama iti biag nga agnanayon, nga ti Dios, a dina mabalin ti agulbod, incarina idi sacbay dagiti ginasgasut a tawen;

Tito 3:7

Tapno, idinto a mapalintegtayo gapu iti paraburna, maaramidtayo nga agtawid, mayalubog iti pananginanama ti biag nga agnanayon.

1 Juan 1:2

(Ket ti biag naiparangarang, ket nakitami, ket panecnecanmi, ket ipacaammomi cadacayo ti biag, daydiay biag nga agnanayon, nga adda idi iti Ama, ket naipakita cadacami):

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

San Judas 1:21

Agtaengcayo iti panagayat iti Dios, a namnamaenyo ti asi ni Apotayo a Jesu-Cristo, a maipaay iti biag nga agnanayon.