1 Juan 2:21 - Ti Biblia (1973)

²¹ Saanac a nagsurat cadacayo gapu ta dicay ammo ti pudno, no di ket gapu ta ammoyo, ken gapu ta awan ti ulbod nga agtaud iti pudno.

Ti Baro a Naimbag a Damag Biblia

²¹ Agsuratak ngarud kadakayo, saan a gapu ta diyo ammo ti pudno, no di ket gapu ta ammoyon ti pudno ken ammoyo pay nga awan kinaulbod nga agtaud iti pudno.

1 Juan 2:21 Iomraidhean Croise

Dagiti Proverbio 1:5

Tapno ti masirib a tao dumngeg coma, ket dumegdeg iti pannacasursuro; ken tapno ti tao a mannacaawat magawatna coma dagiti naingundawayan a patpatigmaan:

San Juan 18:37

Kinuna ngarud ni Pilato kencuana: No casta ngarud, arica? Simmungbat ni Jesus; Cunam nga ariac, Nayanacac gapu itoy, ken gapu itoy immayac ditoy lubong, tapno panecnecac ti pudno, Isu-amin nga aggapu iti pudno, denggenna ti timecco.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

Santiago 1:19

Ammoyo daytoy, ay-ayatec a cacabsatco: ngem tunggal tao nasiglat coma a dumngeg, nabannayat iti panagsao, narigat nga agunget:

2 Pedro 1:12

Gapuna sisasaganaacto nga agnanayon a mangipalagip cadacayo cadagitoy a banbanag, uray no ammoyo ida ken addacay a sititibker iti pudno nga icutanyo ita.

1 Juan 3:19

Itoy ti pacaammoantayo a taonatay ti pudno, ket pagtalgedentayo dagiti pusotayo iti sangoananna:

San Judas 1:5

Tarigagayac ngarud nga ipalagip cadacayo, idinto nga ammoyon amin a ti Apo, idinto nga inaonna ti maysa nga Ili idiay daga ti Egipto, calpasanna pinucawna dagiti saan a namati.