1 Juan 2:18 - Ti Biblia (1973)

¹⁸ Annacco a dongdongngoen, isu ti camaudiananen nga horas; ket cas iti nangngegyo nga umay ni Anti-cristo, uray ita timmacderdan dagiti adu nga anti-cristo; ket daytoy ti pacaammoantayo nga isu ti camaudiananen nga horas.

Ti Baro a Naimbag a Damag Biblia

¹⁸ Annakko, asidegen ti panungpalan! Nangngegyo nga umayen ti Anti-Cristo. Ita, nagparangen ti adu a kabusor ni Cristo, ket daytoy ti pakaammoantayo nga asidegen ti panungpalan.

1 Juan 2:18 Iomraidhean Croise

San Mateo 24:11

Ket adunto dagiti saan a pudno a mammadto tumacderdanto ket ulbodendanto dagiti adu.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

San Mateo 24:5

Ta adunto dagiti umay iti naganco, nga agcuncuna: Siac ti Cristo; ket adunto dagiti ulbodenda.

San Marcos 13:6

Adu dagiti umayto iti naganco a cuncunada: Siac ni Cristo; ket adu dagiti ulbudendanto.

San Juan 21:5

Ni Jesus ngarud cunana cadacuada; Annacco, adda cadacayo ti aniaman a macan? simmungbatda kencuana: Awan.

Taga-Roma 13:11

Ket daytoy, idinto nga ammotayo ti pannawen nga isu ti horas a panagriingtayon iti turog: ta ita, ti pannacaisalacantayo as-asidegen ngem idi damo a namatitayo.

Taga-Roma 13:12

Ti rabii lumabasen, ket umasideg ti bigat: iwagsactayo ngarud dagiti ar-aramid ti sipnget, ket icapettayo ti igam ti lawag.

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;

1 Pedro 1:20

Isu a naammoan sacbay ti pannacabangon toy lubong, ngem naiparangarang iti camaudiananna maipaay, cadacayo,

1 Pedro 1:5

A gapu iti pannacabalin ti Dios maaywanancayo, gapu iti pammati, a maipaay iti pannacaisalacan, a sisasagana tapno maiparangarang iti camaudianan nga aldaw.

1 Pedro 4:7

Ngem ti tungpal dagiti isu-amin a banag asidegen; agparbengcay ngarud ken agsalucagcayo iti cararag:

2 Pedro 2:1

Ngem adda pay idi dagiti saan a pudno a mammadto iti tengnga dagiti umili, a cas met ti caaddanto dagiti saan a pudno a mannursuro iti tengngayo, isuda a mangiserrecto a sililimed cadagiti nakillo ken macadadael a pammati, ket paglicudandanto uray ti Apo a nanubbot cadacuada, ket icuyogda met laeng cadacuada ti napardas a pannacapucawda.

2 Pedro 3:3

Nga ammoyo daytoy nga umuna: cadagiti camaudianan nga al-aldaw umaydanto dagiti managuyuyaw agraman pananguy-uyong, a magnada cas mayannurot cadagiti derrepda met laeng,

1 Juan 2:22

Asino ti naulbod, no di daydiay mangilibac a ni Jesus isu ti Cristo? Daytoy isu ti anti-cristo, daydiay mangilibac iti Ama ken iti Anac.

1 Juan 4:1

Ayayatec, dicay patien dagiti amin nga espiritu, no di ket suutenyo dagiti espiritu, no nagtaudda iti Dios; ta adu dagiti saan a pudno a mammadto a rimmuar ditoy lubong.

1 Juan 4:3

Ket amin nga espiritu a di mangipudno ken Jesus, saan a cucua ti Dios; ket daytoy ti espiritu ni Anticristo, a nangngegyo nga umay; ket ita addan ditoy lubong.

2 Juan 1:7

Ta adu dagiti mangalallilaw a limtuad ditoy lubong, a dida umanamong a ni Jesu-Cristo immay a naglasag. Dayta ti mangalallilaw ken isu ni anti-cristo.

San Judas 1:18

Nga kinunada cadacayo: Iti camaudianan nga tiempo addanto mangrabrabngis a sumursurot cadagiti nadangkes a tarigagayda.