1 Juan 2:16 - Ti Biblia (1973)

¹⁶ Ta isu-amin nga adda ditoy lubong, ti derrep ti lasag, ken ti derrep dagiti mata, ken ti kinapalangguad ti panagbiag, saanda nga aggapu iti Ama, no di iti lubong.

Ti Baro a Naimbag a Damag Biblia

¹⁶ Ta agtaud iti lubong ti amin nga adda ditoy lubong, a kas iti kinaderrep ti derrep, kinaderrep ti mata ken kinapalangguad. Saanda nga agtaud iti Ama.

1 Juan 2:16 Iomraidhean Croise

Genesis 3:6

Ket idi ti babai nakitana nga ti cayo nasayaat a canen, ken macaayayo a buyaen ken cayo a macagargari a mamagsirib, pimmuros iti bungana ket nangan, casta met iniccanna ni asawana ket isu nakipagcaan met.

Genesis 6:2

Nga idi dagiti lallaki nga annac ti Dios nakitada ti kinapintas dagiti babbai nga annac dagiti tattao pimmilida cadacuada, dagiti kinayatda, nga asawaenda.

Ti Libro ni Job 31:1

Nakitulagac cadagiti matac; casano ngarud ti panangkitac coma iti maysa a virgen?

Dagiti Salmo 73:6

Gapuna a ti kinatangsit isu ti cas cawar a naipulipul iti tengngedda; ti panagrabsut mangbungon cadacuada a cas cawes.

Dagiti Salmo 78:18

Ken sinuutda ti Dios iti pusoda gapu iti panagkiddawda iti taraon a cas maitutop iti tarigagayda.

Dagiti Salmo 78:30

Dida pay naisina iti daydi a tinarigagayanda, adda pay laeng cadagiti ngiwngiwatda daydi canenda,

Dagiti Proverbio 27:20

Da Tanem ken Dadael saanda a mapnec uray caanoman; ket dagiti matmata ti tao saanda a mapnec.

Dagiti Proverbio 6:25

Dica garteman ti sayaatna ita pusom; dica met ituloc nga alaennaca cadagiti calub ti matana.

Daniel 4:30

Nagsao ti ari ket kinunana, Saan aya a daytoy ti dackel a Babilonia a binangonco a maipaay iti palacio a naarian, babaen ti bileg ti pannacabalinco a maipaay iti dayag toy kinatan-occo?

Numero 11:34

Ket ti nagan daydiay a disso nagaladan idi iti Kibroth-hattaavah: gapu ta idiay ti nangitamnanda cadagiti tattao a naggartem.

Numero 11:4

Ket ti caaduan nga adda idi cadacuada naggartemda unay iti napalalo: ket dagiti annac ti Israel casta met a nagsangitda manen, ket kinunada, Asino ti mangtedto cadacami iti lasag a sidaen?

San Mateo 4:8

Di diablo impanna manen iti maysa a bantay a natayag unay, ket impakitana kencuana dagiti isu-amin a pagpagarian ti lubong ken ti dayagda.

San Mateo 5:28

Ngem siac cunac cadacayo, nga uray siasino a mangmatmat iti maysa a babai tapno gartemanna, nakiabigen kencuana iti pusona.

San Lucas 4:5

Ket ti diablo impanna iti maysa a natayag a bantay ket impakitana kencuana iti apagdaricmat amin dagiti pagpagarian ti lubong.

Taga-Roma 13:14

No di ket, icauwesyo ni Apo Jesu-Cristo ket dicayo agsagana a maipaay iti linalasag tapno matungpal ti derrepna.

1 Taga-Corinto 10:6

Ket dagidi a banbanag isuda dagiti ulidan cadatayo, tapno ditay aguman dagiti banbanag a dakes, a cas ti panagagumda.

Taga-Galacia 5:17

Ta ti lasag agumanna ti maibusor iti Espiritu, ket ti Espiritu maibusor iti lasag; ta dagitoy agkinnabusor iti maysa ken maysa; iti casta dicay mabalin nga aramiden dagiti banbanag a cayatyo coma.

Taga-Galacia 5:24

Ket dagiti adda ken Cristo, inlansada iti cruz ti lasag agraman dagiti naalas a ricnada ken dagiti dakes a tarigagayda.

Taga-Efeso 2:3

Nga iti tengnga dagitoy, datay met amin idi naminsan nagbiagtay cadagiti derderrep ti lasagtayo, a tungpalentay dagiti tarigagay ti lasag ken dagiti panpanunot; ket iti nacayanacan, annacnatayo idi ti pungtot, a cas cadagiti sabsabali:—

Tito 2:12

Nga isursuronatayo a no pagtalawantayo ti saan a kinasingpet ken dagiti tartarigagay a nailubungan, agbiagtay coma a sipaparbeng ken sililinteg ken sisisingpet, itoy lubong nga agdama;

Tito 3:3

Ta nacunengtayo met idi naminsan, nasukir, naal-lilaw, a nagtulnogtayo cadagiti nadumaduma a kinagaramugam ken ragragsac; a nagbiagtay iti kinadakes ken apal, a mannakigura a naggiginnuratayo.

Santiago 3:15

Saan nga isu daytoy ti sirib nga aggapu sadi ngato; no di ket ti sirib a nailubungan, dinederrep, sinasairo.

Santiago 4:16

Ngem ita, agpasindayagcayo babaen ti kinatangsityo: isu-amin a castoy a panagpasindayag isu ti dakes.

Josue 7:21

Idi nakitac iti tengnga ti samsam ti nasayaat a dalungdong a taga Babilonia, ken dua a gasut a siclo a pirac, ken maysa a bengngal a balitoc a limapulo a siclo ti gantingna, idin inagumac ida, ket innalac ida: ket adtoy, a nailemmengda iti daga iti tengnga ti toldac, ket ti pirac iti babana.

1 Pedro 1:14

Cas annac ti kinatulnog: dicay anamungan dagidi dakes a tarigagayyo, idi addacay pay iti kinanengneng:

1 Pedro 2:11

Ayayatec, dawatec cadacayo, dacayo a cas gangannaet ken agpagpagna, nga idianyo coma dagiti derderrep a linalasag, isuda a manggubat iti cararua:

2 Pedro 2:10

Ngem nangnangrona dagiti magmagna a mayannurot iti lasag, iti dakes a tarigagay ti kinarimon, ket umsienda ti turay. Isuda dagiti natured, nacaro, a dida agpigerger nga agbasawang cadagiti nadaeg nga agturay:

2 Pedro 2:18

Ta balicsenda dagiti napalangguad a sasao ti panagpasindayaw, sulbogenda babaen cadagiti tartarigagay a linalasag nga aramatenda ti derrep, dagiti nganngani macalapsut, cadagiti agbibiag iti pannacaallilaw: