1 Juan 2:1 - Ti Biblia (1973)

¹ Annacco a dongdongoec, isuratco cadacayo dagitoy a banbanag tapno dicay coma agbasol. Ket no addanto siasinoman a macabasol, addaantayo ti Manangibabaet iti Ama, nga isu ni Jesu-Cristo a nalinteg:

Ti Baro a Naimbag a Damag Biblia

¹ Annakko, isuratko daytoy kadakayo tapno dikayo agbasol. Ngem no adda makabasol, adda mangibabaet kadatayo iti Ama—ni Jesu-Cristo a nalinteg.

1 Juan 2:1 Iomraidhean Croise

Dagiti Salmo 4:4

Siaamesca, ket saanca nga agbasol: maki-umanca a sipapasnec ita pusom met laeng iti pagiddaam, ket agulimecca. (Selah)

Ezekiel 3:21

Ngem no patigmaanamto ti tao a nasingpet, tapno ti nasingpet di agbasol, ket iti casta saan nga agbasol, agbiagto a di bumurong, ta napatigmaanan, ket sica maispalmo ti cararuam.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Juan 10:15

A cas ti Ama amammonac, casta met siac amammoc ti Ama: ket itedco ti biagco maipoon cadagiti carneroc.

San Juan 13:33

Ubbing, bassit pay a tiempo a makipagianac cadacayo. Sapulendacto; ket cas kinunac cadagiti Judio: No adino ti papanac, dicay mabalin ti umay; cunac met cadacay ita.

San Juan 14:16

Ket agdawdawatacto ken Ama, ket iccannacayto ti Manangliwliwa a sabali, tapno adda cadacayo nga agnanayon.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 21:5

Ni Jesus ngarud cunana cadacuada; Annacco, adda cadacayo ti aniaman a macan? simmungbatda kencuana: Awan.

San Juan 5:14

Idi cuan masaracan ni Jesus idiay Templo, ket kinunana kencuana: Adtoy, a napaimbagcan: dica agbasolen, di la ket ta mapasamac kenca ti dacdakes.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

San Juan 8:11

Ket isu kinunana: Apo, awan. Ket ni Jesus kinunana: Uray siac saanca a dusaen: incan ket manipud ita dica agbasolen.

Dagiti Aramid 7:52

Asino cadagidi mammadto ti saan nga indadanes dagidi ammayo? ket pinatayda dagidi nangipacpacauna a nangipacaammo ti iyaay ti Nalinteg, isu ita a liniputan ken pinatayyo;

Taga-Roma 5:10

Ta no idinto a cabusortayo, naicappiatayo iti Dios gapu iti ipapatay ti Anacna, nangnangrona pay ita, ta naicappiatayon, maisalacantayto maipuon iti biagna;

Taga-Roma 6:15

Ania ngarud? Agbasoltayo, gapu ta awantayo iti babaen ti linteg no di iti babaen ti parabur? Ni caanoman.

Taga-Roma 8:34

Siasino ti mangipatay iti dusa? Ni Cristo Jesus a natay; nangnangrona, ta isu napagungar cadagiti natay; isu nga adda iti makanawan ti Dios; a mangibabaet met cadatayo.

1 Taga-Corinto 15:34

Agriingcayo a maipaay iti kinalinteg, ket saancayo nga agbasol, ta dagiti dadduma saanda nga ammo ti Dios: cunac daytoy tapno pagbainanyo.

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Taga-Galacia 4:19

O dongdongoec a maladagac, pasicalencayo manen, agingga iti mabukel ni Cristo cadacayo.

Taga-Efeso 2:18

Ta gapu kencuana dacami ken dacayo addaantayo ti gundaway ti iyaasideg iti Ama, babaen ti maymaysa nga Espiritu.

Taga-Efeso 4:26

No agpungtotcayo, dicay agbasol; saan coma a lumnec ti init a sipupungtotcay pay laeng:

1 Timoteo 2:5

Ta maymaysa ti Dios, ken maymaysa ti Manangibabaet iti Dios cadagiti tao, ni tao a Cristo Jesus,

1 Timoteo 3:14

Dagitoy a banbanag isuratco kenca, a siinanamaac iti iyaayco kenca iti mabiit:

Hebreo 9:24

Ta saan a simrec ni Cristo iti maysa a Santo a disso nga inaramid ti ima, nga isu ti catulad ti napudno, no di ket idiay langit met laeng, tapno agparang ita iti sangoanan ti Dios gapu cadatayo:

Santiago 1:27

Ti panagdaydayaw a nadalus ken awan tulawna iti imatang ti Diostayo ken Ama, isu daytoy: Sarungcaran dagiti awan ti ammada ken dagiti balo a babbai iti ladingitda, ken agannad nga awan tulaw ti lubong.

Santiago 3:9

Isu ti pangdayawtayo iti Apo ken Ama, ket isu ti pangilunodtayo cadagiti tattao isuda a naaramid a caasping ti Dios:

1 Pedro 2:22

Isu saan a nagaramid iti basol, ket awan ti nasaracan nga al-lilaw iti ngiwatna.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

1 Juan 3:18

Annacco a dongdongngoen, saantay coma a pagayat ti sao ket saan met ti dila, no di ket ti aramid ken ti napudno.

1 Juan 3:5

Ket ammoyo nga isu naiparangarang tapno iccatenna dagiti basbasol, ket awan basol kencuana.

1 Juan 3:7

Annacco a dongdongngoen, dicay ituloc nga iyao-awannacayo ti uray siasino; ti agaramid iti kinalinteg, nalinteg, a cas met isu nalinteg.

1 Juan 4:4

Dacayo tattaonacayo ti Dios, annacco a dongdongngoen, ket inabacyo ida; ta dacdackel daydiay adda cadacayo, ngem ti adda iti lubong.

1 Juan 5:17

Isu-amin a kinakil-lo basol; ket adda basol a saan a maipaay iti ipapatay.

1 Juan 5:21

Annacco a dongdongngoen, igagayo dagiti bagbagiyo cadagiti didiosen.

3 Juan 1:4

Awan ti dacdackel a pagrag-oac ngem iti pannacangngegco a dagiti annacco magmagnada iti kinapudno,