1 Juan 1:9 - Ti Biblia (1973)

⁹ No ipudnotayo dagiti basbasoltayo, isu ti mapagtalcan ken nalinteg a mamacawan cadagiti basbasoltayo, ken mangugas cadatayo iti amin a kinakillo.

Ti Baro a Naimbag a Damag Biblia

⁹ Ngem no ipudnotayo dagiti basbasoltayo, tungpalenna ti karina ket aramidenna ti maitutop. Pakawanenna dagiti basoltayo ket ugasannatayo iti amin a kinadakestayo.

1 Juan 1:9 Iomraidhean Croise

1 Ar-ari 8:30

Ken ipangagmo ti araraw ti adipenmo, ken ti ilim nga Israel, no isuda agcararagda a sumango ditoy a disso: wen, sica denggem sadi langit a pagnaedam; ket intono mangngegmo, pacawanem.

1 Ar-ari 8:47

Nupay casta no isuda met laeng panunotenda idiay daga a pacaipananda a kinayawan, ket agsublida, ket umararawda kenca idiay daga dagiti nangayaw cadacuada, a cunada, Dacami nagbasolcami, ket nagaramidcami a sidadangkes, dacami nagaramidcami ti kinadakes;

Nehemias 1:6

Umimdeng cadi ta lapayagmo ken dagita matam silulucatda coma tapno timudem ti cararag ti adipenmo, isu nga icararagco kenca itoy a tiempo, iti aldaw ken iti rabii, gapu cadagiti annac ti Israel nga adipenmo, iti bayat ti panangipudno cadagiti basbasol dagiti annac ti Israel, isui a nagbasolanmi a maicaniwas kenca. Wen, siac ken ti balay ni amac nagbasolcami.

Dagiti Salmo 19:12

Siasino ti macailasin cadagiti bucudna nga allilaw? Dalusannac cadagiti nalmeng a libtaw.

Dagiti Salmo 32:5

Binigbigco ti basolco kenca, ket ti kinadakesco diac inlinged: kinunac, ipudnocto dagiti salungasingco ken Jehova; ket sica pinacawanmo ti kinacas-ang ti basolco.

Exodo 34:7

Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.

Dagiti Proverbio 28:13

Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.

Isaias 45:21

Ipablaacyo, ken isu ti iparangyo; wen, agpipinnatigmaanda coma; asino ti nangipakita iti daytoy nanipud idi ugma? asino ti nangipablaac itoy idi nabayagen a pannawen? saan a siac aya, ni Jehova? ket awan ti sabali a Dios no di la sisiac, maysa a nalinteg a Dios ken maysa a Mangisalacan: awanen ti sabali no di la sisiac.

Jeremias 3:13

Bigbigem laeng ti kinadakesmo, a simmalungasingca a maibusor ken Jehova a Diosmo, ken pinaadum dagiti daldalanmo cadagiti gangannaet iti siroc ti tunggal narucbos a cayo, ket dica tinungpal ti timecco, cuna ni Jehova.

Jeremias 33:8

Ket dalusacto ida cadagiti amin a kinadakesda a nagbasolanda caniac, ket pacawanecto amin dagiti kinadakesda a nagbasolanda, ken naglabsinganda a maicaniwas caniac.

Dungdung-aw 3:23

Mapabaroda a binigat; dackel ti kinamatalecmo.

Ezekiel 36:25

Ket iwarsicto ti nalitnaw a danum cadacayo, ket nadaluscayto; manipud iti amin a kinarugityo, ken manipud cadagiti amin a didiosenyo, dalusancayto.

Ezekiel 37:23

Saandanto metten a tulawan ti bagbagida met laeng cadagiti didiosenda, wenno cadagiti macarurrurud a banbanagda, wenno iti aniaman cadagiti kinasukirda; no di ket ispalecto ida cadagiti amin a pagtaenganda, a nagbasolanda, ket ugasacto ida: tapno isudanto ti ilic, ket siacto ti Diosda.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Mateo 3:6

Ket nabautizaranda kencuana idiay carayan Jordan nga ipudpudnoda dagiti basbasolda.

San Marcos 1:5

Ket timmabunoda idi kencuana dagiti amin a taga Judea ken dagiti amin a taga Jerusalem, ket nabautizaranda kencuana idiay carayan Jordan, nga ipudpudnoda dagiti basbasolda.

San Lucas 22:57

Ngem inlibacna a kinunana: Babai isu diac amammo.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

Dagiti Aramid 19:18

Ket adu met cadagidi namati ti immay nga impudpudnoda ken imbagbagada dagiti aramidda.

Taga-Roma 3:26

Tapno ti kinalintegna maiparangarang iti agdama a tiempo; tapno maipakita a nalinteg, ken mangpalinteg iti adda pammatina ken Jesus.

1 Taga-Corinto 1:9

Ti Dios mapagtalcan, gapu kencuana naawiscayo iti pannakicaddua ken Jesu-Cristo nga Apotayo.

1 Taga-Corinto 6:11

Ket cacastada idi dagiti dadduma cadacayo: ngem nadalusancayo, ngem napagsantocayo, ngem mapalintegcayo babaen iti nagan ni Apo Jesu-Cristo, ken iti Espiritu ti Diostayo.

Taga-Efeso 5:26

Tapno pagsantaenna, idinto nga inugasanna iti panangbuggo ti danum gapu iti sao.

Deuteronomio 7:9

Iti casta ammoem a ni Jehova a Diosmo, isu ti Dios; ti pagcammatalcan a Dios, a salimetmetanna ti tulag ken panangngaasi cadagiti agayat kencuana, ken agtungpal cadagiti tulagna, agpapan rinibribu a capcaputotan,

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 10:23

Salimetmetantayo coma a sititibker ti panangipaduyacyac ti inanamatayo tapno di agisin (ta mapagtalcan daydiay nagcari):

Hebreo 11:11

Gapu iti pammati, ni Sara met laeng inawatna ti pannacabalin a mangisicog iti maysa nga anac, nupay nalabasen ti tawenna; gapu ta isu imbilangna a matalec daydi nangicari.

Hebreo 6:10

Ta saan a nakil-lo ti Dios, tapno lipatenna ti aramidyo, ken ti ayat nga impakitayo iti naganna, gapu iti panangtulongyo cadagiti sasanto cadagiti pacasapsapulanda, ken iti panangtultulongyo pay ita cadacuada.

1 Juan 1:7

Ngem no magnatayo iti lawag, cas isu adda iti lawag, adda pannakicadcadduatayo iti maysa ken maysa, ket ti dara ni Jesus nga Anacna ugasannatayo iti amin a basol.

Paltiing 15:3

Ket cancantaenda daydi canta ni Moises, nga adipen ti Dios, ken ti canta ti Cordero, a cuncunada: Dadackel ken nacascasdaawda dagiti ar-aramidmo, O Apo Dios, a Mannacabalin-amin; nalinteg ken napudno dagiti daldalanmo, Sica Ari cadagiti panpannawen.