Taytus 1:3 - Jisas Klays Takaw Teplep Ne

³ ñɨn ne ke aglup ak apek, bɨ ogɨnap takaw ne agñel, takaw anɨb ak mɨseŋ lak. Pen God bɨ kasɨn gep chɨn ak, yɨp dɨl kɨles gɨl agek, takaw ne ak dad amɨl agñɨbin.

Taytus 1:3 Iomraidhean Croise

Mak Ne Jisas Klays Takaw Teplep Ak Kɨl Tɨkak 1:15

Agñɨlɨg agak, God binɨb dɨl kɨlop kod yenɨgab ak, ñɨn anɨb ak pel kod yelɨgɨpɨm ak, wulep mɨdeb agak. Tap si tap tɨmel gɨpɨm ak taynen anɨgɨpun agɨl kelɨgɨl, God takaw teplep ne ak gos nɨgtep gɨnɨmɨb agak.

Mak Ne Jisas Klays Takaw Teplep Ak Kɨl Tɨkak 13:10

Pen takaw teplep yad ak agñel, man okok mɨdupsek ned amnɨmuŋ agak.

Mak Ne Jisas Klays Takaw Teplep Ak Kɨl Tɨkak 16:15

Anɨb agɨl kɨlop agak, Takaw teplep yad ak dad man okok mɨdupsek amɨl, binɨb okok mɨdupsek agñɨnɨmɨb agak.

Luk Ne Jisas Klays Takaw Teplep Ak Kɨl Tɨkak 1:47

Kawnan yad abe God nop mɨñmɨñ gup, ne bɨ kasɨn gep yad agak.

Aposel 10:36

Pen God chɨnop Yislel binɨb dɨnɨg, takaw teplep agak ak nepɨm agak. Takaw anɨb ak anɨgɨl agñɨlak, God ne chɨn ayɨp kɨmɨgel mɨdon agɨl, Jisas Klays nop agyokek owak agɨlak agak. Jisas ne Bɨawl ak, chɨnop mɨdupsek kod mɨdeb agɨlak agak.

Aposel 17:26

Ne based nokom nop nep gɨlek, bɨ anɨb ak ne pen tɨk dad amɨl apɨl gek nɨm, binɨb keke okok mɨdupsek mɨdobun agak. Binɨb anɨb okok man keke mɨdupsek mɨdebal agak. God ne nokom gek nɨm, binɨb ogɨnap man olap mɨdɨl, mɨd dad amɨl, kɨdek ne ke agak ñɨn ak apek, binɨb okok nɨb ogɨnap apɨl tep anɨb ak dɨpal agak.

Pol Lom Binɨb Kɨlop Mɨj Tɨkak 16:25

Pen God yɨb nop ak dad aplanɨgun. God ne kɨles mɨdeb ak, nɨbop gɨnɨmuŋ tek lek nop kɨles gɨl gos lɨnɨgɨnɨgabɨm. Takaw anɨb ak, yad Jisas Klays takaw teplep agñɨnɨm agɨl, takaw anɨb ak agñɨbin. Takaw teplep anɨb ak bɨlel nɨb we gɨl yolɨgup ak pen, mɨñɨl mɨseŋ lup. God ne bɨ pel mɨdep ak. Mɨñɨl ne kɨles gɨl agek, bɨ God gos ñek agñeb okok kɨli takaw anɨb ak tɨkɨlak ak agel, mɨseŋ lup. Pen takaw we gɨl yolɨgup anɨb ak mɨseŋ lɨl, binɨb kɨlop gek, takaw ak nɨgtep gɨpal. God nokom kɨles gɨl agɨl agek, binɨb man okok mɨdupsek nop gos lɨnɨŋɨd, agup tek kɨdek gɨnɨgel. God nɨm ak, ne nokom bɨ gos tɨpagɨl nɨgep ak. Jisas Klays chɨnop gek, God yɨb nop ak pel pelnep dad aplanɨgun. Yaw.

Pol Lom Binɨb Kɨlop Mɨj Tɨkak 5:6

Pen chɨn ke nep gɨtep gep tek ma yek won ak, chɨn binɨb tɨmel yonok okok Klays chɨnop nen kumak. Klays kumak ak, God ne ke ñɨn anɨb ak aglak.

1 Kolin 9:17

Wog anɨb ak yad gɨnɨm agɨl genɨgayn, tap teplep yɨp pen ñek dɨnɨgayn. Pen ak mel. Bɨawl wog ne gɨpin anɨb ak, ne gɨnɨmɨn agek nep gɨpin.

Galesiya 4:4

Pen God ne ke aglak ñɨn ak apek, Ñɨne nop agek, apɨl bin olap nop nab ayaŋ amek, nop tɨkak. Tɨkek, ne Mosis takaw adek ak nɨg mɨdɨl, mɨd dad amek,

Epesus 1:10

God gos ne anɨb ak anɨgɨl mɨdeb, tap okok mɨdupsek gek, am am mɨd dad amɨl ñɨn aglak ak apjakek, tap anɨb okok dɨl Klays nop muk okok lɨnɨgab. Tap adekab alaŋ okok sek, lum awl okok sek, mɨdupsek dap nan gɨl Klays nop muk okok lek, kod yenɨgab.

Epesus 2:17

Ne takaw teplep ak dad apɨl binɨb okok mɨdupsek kɨlop agak, Mɨñɨl nɨbi jɨmñɨl mɨdɨl mɨdtep gɨnɨmɨb tek lup agak. Nɨbi binɨb Juda mel God nop pal okok yelɨgɨpɨm okok anɨb agñɨl, Juda binɨb kɨli wulep okok yelɨgɨpal okok agñɨl gak.

Pilipay 1:13

Yɨp anɨgelak nɨm, bɨ chɨm kadɨŋ gep kɨli Lom gapman bɨnonɨm kal ne kod mɨdebal okok sek, binɨb yokɨp okok sek, kɨli mɨdupsek nepal, yad Klays wog ne ak gen nɨŋɨd yɨp nag lɨpal.

Kolosi 1:23

Pen nɨbi kal meg awl nab ayaŋ puŋɨlel kɨles mɨdeb tek, Klays nop gos lɨnɨŋɨd, jak mɨdɨl, kɨles gɨl yenɨmɨb. Takaw teplep ak ned nepek. Pen mɨñɨl nɨbi takaw teplep anɨb ak nɨŋɨd, tap teplep dɨnɨgabun agɨl, gos nɨŋɨd kod mɨdebɨm. Gos pal lɨl ma ju dɨnɨmɨb, Klays nop gos kɨles gɨl nɨgɨnɨmɨb. Yad Pol, bɨ wog gɨñeb ak mɨdɨl takaw teplep anɨb ak agñebin. Pen takaw anɨb ak binɨb man okok mɨdupsek kɨlop agñobun.

Kolosi 1:6

Pen takaw teplep anɨb ak, man okok mɨdupsek kɨd kɨd ameb. Amnaknɨŋ, binɨb kuŋay nɨŋɨd kɨdek gɨl, gɨtep yɨbɨl gel ameb. Pen nɨbi abe, gɨtep gep anɨb ak nab nɨbi okok mɨdeb. Ned takaw teplep ak nepek ñɨn ak tɨkɨl, God nɨbop yɨmug nɨŋɨd gɨtep gek nɨŋɨd nɨgtep gɨpek. Takaw teplep anɨb ak nɨbop gek amek amek mɨñɨl apek, gɨtep gep anɨb ak nab nɨbi okok mɨdeb.

1 Tesalonayka 2:4

Takaw chɨn ke ak agon binɨb okok kɨlop tep gaŋ agɨl ma agñɨbun. God ne ke chɨnop yɨgɨlɨl nɨgup, wog chɨnop nɨgek nop tep gɨnɨmuŋ. God tɨtay dɨl mɨdobun ak ke nɨgup tek, chɨnop wog aglek takaw teplep ak agñɨbun.

1 Timoti 1:1

Yad Pol. God bɨ kasɨn gep chɨn ak ayɨp, Klays Jisas nop kod mɨdobun ak ayɨp, kɨli apɨlmɨŋal yɨp agel, yad bɨ Klays Jisas takaw nop dad ameb ak mɨdebin.

1 Timoti 1:11

Takaw nɨŋɨd yɨbɨl anɨb ak, takaw teplep ak, God yɨp agek yad kɨlop agñɨbin. Takaw teplep nɨm ak chɨnop agek anɨgɨl nopun, God bɨawl mɨlek sek ak, binɨb kɨli yɨb nop dad aplanɨbal.

1 Timoti 2:3

God ayɨp takaw agobun anɨb ak, tap tep yɨbɨl, God nop tep yɨbɨl gup. God bɨ kasɨn gep chɨn ak,

1 Timoti 4:10

God ne bɨ pel mɨdep, bɨ kasɨn gep mɨdeb. Ne binɨb okok mɨdupsek tɨg asɨk din agɨl nɨgaknɨŋ, binɨb nop gos lɨnopun okok, chɨnop tɨg asɨk dup. Chɨn nop gos lɨnopun okok, ne chɨnop gek mɨdtep gɨnɨgabun gos ak nɨŋɨd kod mɨdobun. Anɨb ak nɨm God anɨgup tek nɨŋɨd, mɨnek mɨnek kɨles tɨmel yɨbɨl gɨl nep gon amub.

2 Timoti 4:17

Yɨp kot gɨlak anɨb ak pen, Bɨawl ne yɨp kod mɨdɨl kɨles ñak. Ñaknɨŋ, yad binɨb Juda mel kuŋay yɨbɨl ap yelak okok, kɨlop takaw teplep mɨdupsek agñɨjunek nɨgɨlak. Pen Bɨawl ne yɨp dɨl kod mɨdɨlɨg takaw yad agɨl, takaw kɨlop taw jɨsɨpuk gɨnek. Gen, kɨli yɨp ma agyokel, chen layon ladek ak yɨp ma su ñɨŋɨlak.

Taytus 2:10

tap kɨlop si ma dɨnɨgel. Anɨgɨl anɨgɨl gɨtep gɨnɨgel ak nɨm, bɨawl kɨli okok, kɨli bɨ wog gɨñeb chɨn okok gɨtep yɨbɨl gɨl apun tek nep gɨpal agɨl nɨgɨnɨgabal. Anɨb ak nɨŋɨd, kɨli God bɨ kasɨn gep chɨn ak takaw tep ne agñɨbun ak nɨŋɨd, takaw teplep yɨbɨl ak nɨŋɨd yɨbɨl mɨdeb agɨnɨgabal.

Taytus 2:13

Pen kɨdek gɨl, mɨd dad amɨl, tap teplep nɨŋɨd mɨñmɨñ gɨnɨgabun ak, chɨn kod mɨdobun. Tap teplep anɨb ak nɨm awl, Jisas Klays ne mɨlek awl sek kɨles awl sek dɨl, mɨseŋ sɨŋak ownɨgab. Ne God bɨawl yɨbɨl mɨdeb, bɨ kasɨn gep chɨn ak mɨdeb.

Lepelesin 14:16

Agek, bɨ wɨsɨp nab sɨŋak besɨg yek ak, tu gogeb ne ak dɨl, tap mɨdup lum awl okok mɨdupsek tɨkak.