Matyu 8:8 - Jisas Klays Takaw Teplep Ne

^8-9 Agek Lom bɨ chɨm kadɨŋ gep bɨawl anɨb ak agak, Bɨawl, yad bɨ tep mel, kal yad ak ownɨmɨn tek ma lup agak. Pen yad nepin, bɨawl yad ak, ne yɨb awl mɨdeb, yad nop muk okok mɨdebin agak. Yad pen, yɨb awl mɨdebin, bɨ chɨm kadɨŋ gep okok kɨli yɨp muk okok mɨdebal agak. Olap nop Amnoŋ agen, ne amub agak. Olap nop Owan agen, ne owup agak. Bɨ wog gɨñeb yad anop Anɨb ak gɨnɨmɨn agen, ne anɨb ak gup agak. Anɨb ak, suŋ laŋ agɨl takaw anep agenɨmɨn, bɨ wog gɨñeb yad tap gup anop suŋ lɨnɨgab agak.

Matyu 8:8 Iomraidhean Croise

Matyu 3:11

Nɨbi tap si tap tɨmel gɨpɨm ak taynen anɨgɨpun agɨl kelɨgem nɨm, nɨbop ñɨg pakñebin agak. Bɨ olap pen kɨdek ownɨgab ak bɨawl yɨbɨl, yad bɨ yokɨp agak. Nop nɨgen yɨp nebeŋ gup, wog ne gɨnɨg tob tɨlup nop dad amnɨm tek ma lup agak. Ne apɨl, God Kawnan ne ak sek mab mɨŋɨlaŋ sek nɨbop pakñɨnɨgab agak.

Matyu 3:14

Amek, Jon pen Jisas takaw nop tɨpagɨlɨnɨg agak, Nad nep nɨm, yɨp ñɨg pakñɨbɨnap agak. Pen yad nep taydɨl ñɨg pakñɨnɨm agak?

Matyu 8:3

Anɨb agek Jisas nop dɨnɨgɨlɨg agak, Nep gen suŋ lɨnɨgab agak. Agek, won anɨb ak nep soy ladek anɨb ak suŋ lek, mɨdtep gak.

Matyu 8:7

Agek Jisas agak, Yad amɨl nop gen, suŋ lɨnɨgab agak.

Luk Ne Jisas Klays Takaw Teplep Ak Kɨl Tɨkak 15:19

Gɨ tɨmel gɨpin tek, yɨp ñɨ yad ma agɨnɨmɨn agɨnɨgayn agɨnɨgab agak. Yokɨp bɨ wog gɨñeb nad tek olap agle mɨdenɨm agɨnɨgayn agɨnɨgab agak.

Luk Ne Jisas Klays Takaw Teplep Ak Kɨl Tɨkak 15:21

ñɨne agɨnɨgab, Bapi. God wɨdɨn mɨdup nop adek ak gɨ tɨmel gɨl, wɨdɨn mɨdup nep adek ak gɨ tɨmel gɨl gɨpin tek, yɨp ñɨ yad ma agɨnɨmɨn agɨnɨgab agak.

Luk Ne Jisas Klays Takaw Teplep Ak Kɨl Tɨkak 5:8

Anɨgek nɨŋɨd, Saymon Pita bɨne ayɨp bot mɨgan yelak okok, kɨli gos kuŋay yɨbɨl nɨgɨlak. Pen Sepedi ñɨne Jemis ayɨp, Jon ayɨp, bot olap dɨl Saymon ayɨp wog jɨmñɨl gelɨgɨpal bɨ omɨŋal ak, abe gos kuŋay nɨgɨlek. Pen Saymon Jisas yek sɨŋak apyap pakɨl agak, Bɨawl. Yad bɨ tap si tap tɨmel gɨpin ak, nad ke sɨŋak amnoŋ agak. Agek Jisas agak, Ma pɨlɨkɨnɨmɨn agak. Mɨñɨl ñɨn awl tɨkɨl, bɨ kubsal dep ak kelɨgɨl, bɨ binɨb dɨl dad God yɨl owep ak yenɨgaban agak.

Jon Ne Jisas Klays Takaw Teplep Ak Kɨl Tɨkak 1:27

Yad opin bɨ kɨdek ownɨgab ak, bɨ anɨb ak agebin agak. Nop nɨgen yɨp nebeŋ gup, tob tɨlup nop ak nag wɨsɨkɨnɨm tek ma lup agak.