Matyu 4:12 - Jisas Klays Takaw Teplep Ne

¹² Pen Jisas takaw anɨb ak nɨgak, Jon Bɨ Ñɨg Pakñeb ak nop nag lɨlak. Nɨŋɨd, adɨkɨd Galili plopens amnak.

Matyu 4:12 Iomraidhean Croise

Matyu 11:2

Pen Jon Bɨ Ñɨg Pakñeb ak ne nag lɨ mɨdɨl, Klays tɨtay gak takaw ak nɨŋɨd, bɨne ogɨnap agyokak. Agyokek, Jisas yek ak amɨl,

Matyu 14:3

Pen Jon nop ned nag lɨl, paklɨlak takaw ak, anɨgɨl mɨdeb. Helod ne tɨkjakɨl, nɨmam Pilip bin ne Helodiyas nop ak pɨlɨg dak. Pɨlɨg dek nɨm, Jon agak, Nad bin ak dɨpan, ak teplep ma mɨdeb agak. Anɨb agek, Helod ne agek, bɨne okok kɨli Jon nop dɨl nag tun gɨl, dam nag lɨlak. Helod ne Jon nop pɨsnep paklen kumaŋ agɨl gos nɨgak ak pen, binɨb okok Jon nop bɨ God gos ñek agñeb chɨn agɨlak tek, Helod ne pɨlɨkɨl Jon nop ma paklak.

Mak Ne Jisas Klays Takaw Teplep Ak Kɨl Tɨkak 1:14

Pen gapman bɨnonɨm Helod ne Jon nop nag lak ñɨn anɨb ak, Jisas ne Galili plopens amɨl, God takaw teplep ak binɨb okok kɨlop agñak.

Mak Ne Jisas Klays Takaw Teplep Ak Kɨl Tɨkak 6:17

Taynen anɨb agak? Ned Helod nɨmam Pilip bin ne Helodiyas nop si dak. Dek, Jon ne Helod nop agak, Nad namam olap bin ak dɨpan, ak teplep ma mɨdeb agak. Agek, bin Helodiyas Jon nop mɨlɨk nɨŋɨd agek, Helod bɨne ogɨnap agyokek, am Jon nop dad apɨl, nag lɨlak. Bin Helodiyas, Jon nop paklin agɨl gos nɨgak ak pen, ñagɨlɨnɨmuŋ tek ma yek.

Luk Ne Jisas Klays Takaw Teplep Ak Kɨl Tɨkak 23:5

Anɨb agek, kɨli pen takaw kɨles tɨmel gɨl agɨlak. Anɨb agɨlak, Ne agup, Nɨbi bɨ gapman takaw agup ak tɨbɨlɨkɨl agɨnɨmɨb agup agɨlak. Judiya binɨb mɨdupsek kɨlop anɨb agñub agɨlak. Galili plopens tɨkɨl agñɨ dap dap mɨñɨl awl owup agɨlak.

Luk Ne Jisas Klays Takaw Teplep Ak Kɨl Tɨkak 3:20

Agek Helod nɨŋɨd, tap tɨmel gup olap sek gɨl, Jon nop dam nag lak.

Luk Ne Jisas Klays Takaw Teplep Ak Kɨl Tɨkak 4:14

Pen God Kawnan ne ak Jisas nop kɨles ñak nɨŋɨd, adɨkɨd am Galili plopens mɨdɨl, tap ogɨnap gek nɨŋɨd, binɨb okok takaw anɨb ak yɨg dad, Galili plopens nab okok mɨdupsek amnɨlak.

Luk Ne Jisas Klays Takaw Teplep Ak Kɨl Tɨkak 4:31

Jisas tɨkjakɨl amɨl, ne Galili plopens taun Kapeneyam ayaŋ amnak. Juda añɨŋ lep ñɨn awl ak apek, apnan gɨpal kal ak amɨl, tɨkjakɨl kɨlop takaw agñak.

Jon Ne Jisas Klays Takaw Teplep Ak Kɨl Tɨkak 1:43

Mɨnek Jisas Galili plopens amnɨg, am Pilip nop pɨyow nɨŋɨd agak, Nad yɨp kɨdek gan agak.

Jon Ne Jisas Klays Takaw Teplep Ak Kɨl Tɨkak 2:11

Pen Jisas tap mageptek anɨb ak jɨj gɨl gak, taun Kena, Galili plopens gak. Anɨgek, ne bɨawl yɨbɨl kɨles yɨbɨl yek ak mɨseŋ nɨgep tek lek, bɨne okok nop gos lɨnɨgɨlak.

Jon Ne Jisas Klays Takaw Teplep Ak Kɨl Tɨkak 3:24

Ñɨn nab anɨb sɨŋak Jon anɨgolɨgup. Kɨdek nɨm Helod Jon nop dɨl nag lak.

Jon Ne Jisas Klays Takaw Teplep Ak Kɨl Tɨkak 4:43

Jisas ñɨn omɨŋal binɨb Samaliya nɨb ak ayɨp mɨdɨl, mɨnek ak kɨlop kelɨgɨl, Galili plopens amnak.

Jon Ne Jisas Klays Takaw Teplep Ak Kɨl Tɨkak 4:54

Pen Jisas ned Galili plopens mɨdɨl, tap mageptek ned olap gak ak, kɨdek pen am Judiya plopens mɨdɨl, kelɨgɨl Galili plopens adɨkɨd apɨl, tap mageptek kɨdek olap gak.