Luk Ne Jisas Klays Takaw Teplep Ak Kɨl Tɨkak 4:6 - Jisas Klays Takaw Teplep Ne

^6-7 agak, Man teplep okol nɨgan agak. Bɨawl keke kod mɨdebal agak. Yad pen, man anɨb okok mɨdupsek kodɨpin agak. Bɨ olap nop agɨnɨg agɨnɨgayn agak. Anɨb ak nad kɨgom yɨmɨl yɨp agnɨŋɨd kɨdek genɨgaban, man anɨb okol mɨdupsek nep agen, yɨb yenɨgab ak kodɨnɨgaban agak.

Luk Ne Jisas Klays Takaw Teplep Ak Kɨl Tɨkak 4:6 Iomraidhean Croise

Jon Ne Jisas Klays Takaw Teplep Ak Kɨl Tɨkak 12:31

Mɨñɨl God, ne binɨb lum awl okok kɨlop tɨg asɨk bɨlokɨnɨgab agak. Mɨñɨl pen God, ne bɨawl binɨb lum awl okok kɨlop kod mɨdeb ak, nop dɨyokɨnɨgab agak.

Jon Ne Jisas Klays Takaw Teplep Ak Kɨl Tɨkak 14:30

Bɨawl binɨb lum awl okok kɨlop kodup ak, yɨp kodup tek ma lup agak. Pen mɨñɨl apeb ak nɨm, takaw kuŋay ma agɨnɨgebin agak.

Jon Ne Jisas Klays Takaw Teplep Ak Kɨl Tɨkak 8:44

Nɨbi nap nɨbi Satan ñapay mɨdebɨm ak nɨm, ne gos nɨgup adek anep gun agɨl nɨŋɨd kɨles gɨpɨm agak. Ne pel binɨb okok kɨlop ñag pak lolɨgup agak. Takaw nɨŋɨd yɨbɨl agep tek ma lup anɨb ak tek, gos nɨŋɨd yɨbɨl ogɨnap nɨŋɨd mɨdtep ma gup agak. Takaw yepɨs yɨbɨl agek agek nɨm, takaw anɨb ak takaw ne yɨbɨl lup agak. Ne bɨ yepɨs agep mɨdeb, takaw yepɨs agep mɨdupsek jɨj ak agak.

2 Kolin 11:14

Pen anɨgebal ak, judɨl gos pal ma lɨnɨmɨb. Chɨn nopun, Satan abe sɨlok lɨl anɨb ak ke mɨdɨl, ensel mɨlek sek tek sɨlok lɨl mɨdeb.

Epesus 2:2

Ñɨn anɨb ak, tap tɨmel lum awl yɨl ak gos nɨŋɨd kɨdek gelɨgɨpɨm. Pen kɨcheki bɨawl ak ne adekab tap okok kod mɨdeb ak, ne tap tɨmel golɨgup ak gelɨgɨpɨm. Kɨcheki anɨb ak, mɨñɨl ne binɨb God takaw tɨbɨlɨkɨpal okok kɨlop bak lɨl mɨdeb.

1 Pita 1:24

Buk Baybol ak tɨkɨl anɨb agak, Binɨb okok mɨdupsek kɨli bopɨl tek mɨdɨl, tap teplep kɨli ak yɨb awl kɨli ak mɨdupsek, nag sum tek mɨdeb agɨl tɨkak. Bopɨl ak kasek mɨlep gɨl, nag sum okok lug yowup agɨl tɨkak.

1 Jon 5:19

Chɨn nopun, binɨb lum awl yɨl okok mɨdupsek Satan yɨl mɨdebal ak pen, chɨn God yɨl mɨdɨl ñapay ne mɨdobun.

Lepelesin 13:2

Tap ladek anɨb ak, pusi ladek awl yɨbɨl olap, lepat apal tek ak pen, tob ne okok chen beya tob kɨles tek lak, meg mɨgan ne ak chen layon meg mɨgan tek lak. Pen kɨpi awl ak, ne tap ladek anɨb anop bak lɨl mɨdɨl agek, tep nop ak dɨl, bɨawl mɨdɨl, binɨb kuŋay yɨbɨl nep kɨlop kodɨlɨg gek amnak.

Lepelesin 13:7

Pen God ne tap ladek nop ñɨnen kelɨgek, binɨb God yɨl yelak okok ayɨp penpen gɨl kɨlop ñag juyokak. Ñag juyokɨl, binɨb okok mɨdupsek kɨlop kod yek. Binɨb jɨj keke mɨdebal tek, wak keke lup tek, takaw yɨbɨl keke apal tek, man keke mɨdebal tek kɨlop kod yek.