Luk Ne Jisas Klays Takaw Teplep Ak Kɨl Tɨkak 1:3 - Jisas Klays Takaw Teplep Ne

^3-4 Yad gos nepin, nad takaw nep agñɨbal ak nepan. Yad pen tap okok ned gak tek, pelpel takaw jɨj anɨb ak pɨyow nɨŋɨd nepin ak nɨm, abe ñu kɨl tɨkɨnɨgebin. Takaw jɨj nɨŋɨd yɨbɨl ak nɨgɨnɨmɨn agɨl, nep ñu kɨl tɨkɨnɨgebin.

Luk Ne Jisas Klays Takaw Teplep Ak Kɨl Tɨkak 1:3 Iomraidhean Croise

Luk Ne Jisas Klays Takaw Teplep Ak Kɨl Tɨkak 1:1

Bɨawl Tiyopilus. Nab chɨnop awl God ne tap okok keke gak tek, bɨ ogɨnap wɨdɨn nɨŋɨd, takaw anɨb ak dad okok okok am agñɨlak. Agñelak bɨ kuŋay nɨŋɨd, kesɨm nokom anɨb ak keke ñu kɨl tɨkɨlak.

Aposel 1:1

Mam Tiyopilus. Yad nep mɨj ned tɨkɨnek ak, Jisas tɨkjakɨl wog gɨl mɨd dad amɨl, wog tɨtay gak, takaw tɨtay binɨb okok kɨlop agñak ak, nep agɨnek. Ne God man ne alaŋ amnɨg, God Kawnan ne ak gos ñaknɨŋ, bɨne takaw nop dad ameb okok kɨlop agñɨ tep gak. Agñɨ tep gek, God nop dad man ne alaŋ amnak.

Aposel 11:4

Anɨb agelak, Pita pen tap okok mɨdupsek gak agɨl kɨlop agñɨlɨg agak,

Aposel 15:19

Jemis takaw anɨb ak agɨl agak, Takaw anɨb ak nɨŋɨd, gos yad anɨgɨl mɨdeb agak. Binɨb Juda mel okok, tap tɨmel kelɨgɨl God nop gos lɨnɨgebal ak, kɨlop tap asɨk mosɨk gep okok kuŋay mɨdeb agɨl ma agɨnɨgun agak.

Aposel 15:25

Nɨŋɨd nɨm, bɨ chɨn sek aglɨl agyokon, Pol ayɨp, Banabas ayɨp kab sek nɨnɨgabal agɨlak.

Aposel 15:28

God Kawnan ak chɨnop gos tep ñek, takaw anɨb awl kɨl tɨkobun agɨlak. Chɨn Juda gɨpun gɨpun tek gɨnɨmɨb agonɨgabun, koslam gɨnɨgabɨm ak nɨm, nɨbi takaw wulep won anɨb ak kɨdek gɨnɨmɨb agobun agɨlak.

Aposel 18:23

Amɨl, ñɨn kuŋay yɨbɨl mɨdɨl, kɨdek kɨlop kelɨgɨl amnak. Ne am Galesiya plopens okok sek, Piligiya plopens okok sek gɨ ajɨlɨg, binɨb Jisas yɨl yelak okok kɨlop agñɨtep gek, nɨgtep gɨlak.

Aposel 23:26

Yad Klodiyus Lisiyas agak. Yad nep gapman bɨawl Peliks mɨj kɨl tɨkebin agak. Nad mɨdtep gɨnɨmɨn agak.

Aposel 24:3

Gɨpan anɨb ak, chɨn tap anɨb ak mɨdupsek nɨŋɨd nep tep yɨbɨl apun agak.

Aposel 26:25

Agek Pol agak, Bɨawl Pestus. Yɨp kɨmɨg mok mɨlep gek ma agebin agak. Gos nɨgɨlɨg takaw nɨŋɨd yɨbɨl ak agebin agak.

1 Kolin 16:12

Pen mam Apolos nop takaw ak anɨgɨl mɨdeb. Yad nop nebneb gɨlɨg apin, Mam ogɨnap Kolin amebal tek, ayɨp amnɨmɨn apin ak pen, ne mɨñɨl ma yɨbɨl amnɨgayn agɨl gos nɨgup. Kɨdek pen ameb tek lek amnɨgab.

1 Kolin 7:40

Yad pen gos anɨgɨl nepin, ne yokɨp mɨdeb tek yonɨmuŋ ak, nop tep yɨbɨl gɨnɨmuŋ. Pen yad nokom mel, God Kawnan ne ak yɨp gos ñaknɨŋ agebin tek lup.

1 Timoti 4:6

Takaw agesɨpin anɨb ak mam ay okok kɨlop agñɨtep gɨl nɨm, Klays Jisas bɨ wog gɨñeb teplep ne yenɨgaban. Pen takaw nɨŋɨd yɨbɨl gos nopun ak sek, takaw tep agñɨbal ak sek dɨtep gɨl kɨdek gɨpan ak, nep gek, kɨles awl dɨnɨgaban.