Jemis 5:6 - Jisas Klays Takaw Teplep Ne

⁶ Nɨbi binɨb suŋtep mɨdebal okok kɨlop tɨg asɨkɨl ag gɨl, paklem kubal. Kɨli pen nɨbop ma ag gɨpal.

Jemis 5:6 Iomraidhean Croise

Matyu 21:38

Amjakek, bɨ wayn wog kod yenɨgabal okok nop nɨŋɨd, kɨli ke agɨnɨgabal, Bɨ wog nap nɨb ñɨne ak apeb awl agɨnɨgabal agak. Nap tep ak dɨnɨgeb tek, nop paklon kumek, kɨdek tap wog okol mɨdupsek dɨnɨgabun agɨnɨgabal agak.

Matyu 27:20

Bɨ God nop sɨbogep bɨawl okok sek, Juda bɨawl okok sek kɨli pen, binɨb okok kɨlop agɨlak, Gapman bɨawl Paylat nop agɨnɨmɨb, Balabas nop wɨsɨb agyokɨl, Jisas nop mab bak alaŋ chɨpɨl pak tɨbɨk lem kumaŋ agɨnɨmɨb agɨlak.

Matyu 5:39

Yad pen nɨbop agebin, Bɨ olap nep gɨ tɨmel gonɨmuŋ, nop pen gɨ tɨmel ma gɨnɨmɨn agak. Bɨ olap mɨkem yɨpɨd pɨs nep ak pak sɨl gonɨmuŋ, adɨke pɨs kɨd ak abe pakɨnɨmuŋ tek lup agak.

Aposel 22:14

Yɨp agak, God based apɨs sɨkop agnɨgelɨgɨpal ak, ne nep aglup agak. Tap ne gɨnɨg agup okok nɨgɨnɨgaban agak. Nad pen Bɨ teplep yɨbɨl gup anop nɨgɨnɨgaban agak. Meg mɨgan ne ke agup won ak abe nɨgɨnɨgaban agak.

Aposel 7:52

Nased sɨkop kɨli bɨ God gos ñek agñeb okok kɨlop mɨdupsek gɨ tɨmel gɨlak agak. Bɨ ogɨnap kɨli God bɨ teplep mɨdeb ne ak ownɨgab agɨlak okok, nased sɨkop kɨli bɨ anɨb okok kɨlop mɨdupsek paklɨlak agak. Nɨbi pen, bɨ teplep anɨb ak apek, mɨmug nɨŋɨd ñapek agak.

Aposel 8:32

Pen buk Baybol Aysaya kɨl tɨkak anɨb ak agak, Chag sipsip pakɨnɨg, yokɨp poŋɨd amɨl pakɨpal agɨl tɨkak. Pen chag sipsip ñɨluk wɨj kɨlop okok tɨkɨlaknɨŋ, wal ma apal agɨl tɨkak. Anɨb ak tek, bɨ anɨb anop abe gel, takaw pen ma agɨnɨgab agɨl tɨkak.

Hiblu 10:38

Binɨb suŋtep yad okok, yɨp gos lɨnɨŋɨd nɨm, pelpel yenɨgabal agɨl tɨkak. Pen kɨli adɨkɨd yɨp kelɨgɨl kɨdek ma genɨgel, kɨlop nɨgen yɨp tep ma gɨnɨgab agɨl tɨkak.

Jemis 2:6

Nɨbi pen binɨb yɨmgeptek okok yɨb kɨlop taw achɨp achɨp gɨpɨm. Nɨgɨm. Binɨb an yɨl nɨbop gɨ tɨmel gel koslam mɨdem, nɨbop damɨl bɨ takaw tɨg asɨkep ak yɨl dad abal? Binɨb tap kuŋay mɨdeb okok nep.

Jemis 4:2

Tap dɨnɨg nepɨm okok, kɨles gɨl gos nepɨm ak pen ma dɨpɨm. Anɨb ak tek binɨb kɨlop paklem kubal. Tap tep okok dɨnɨgun agɨl gos nepɨm ak pen, dɨnɨmɨb tek ma lup. Anɨb ak tek kabɨyam juwɨl penpen agɨl ag gɨpɨm. God nop agnɨŋɨd dɨpɨkep ak pen, nop ma agnepɨm.

1 Pita 4:18

Buk Baybol ak tɨkɨl agak, God binɨb suŋtep ne okok, koslam yɨbɨl gɨl, gɨ dad amel amel kɨlop tɨg asɨk dɨnɨgab agɨl tɨkak. Ak nɨm, binɨb God nop kud ñɨl kɨdek ma gɨl, tap si tap tɨmel gɨpal okok, kɨli tɨtay dɨl tek yenɨgabal agɨl tɨkak?