Aposel 8:5 - Jisas Klays Takaw Teplep Ne

⁵ Bɨ Pilip pen, am Samaliya plopens yek. Mɨdɨl, binɨb okok kɨlop agak, Bɨ God nop aglup ak, ne owup agak.

Aposel 8:5 Iomraidhean Croise

Aposel 1:8

Pen nɨgɨm. God Kawnan ne ak apɨl nɨbop kod mɨdaknɨŋ, kɨles ak dɨnɨgabɨm agak. Dɨl, nɨbi am Jelusalem binɨb okok, Judiya plopens binɨb okok, Samaliya plopens binɨb okok, binɨb man okok mɨdupsek, yad tɨtay gɨpin ak kɨlop agñɨnɨgabɨm agak.

Aposel 21:8

Mɨnek ak kɨlop kelɨgɨl, am taun Sisaliya amjakɨl, Pilip kal ne ak amnɨnok. Ne bɨ God takaw teplep agñeb olap. Nop nɨm, ned Jelusalem yek, bɨ anep kugul oŋɨd aglɨlak ak bɨ kɨli olap.

Aposel 5:42

Amɨl, mɨnek mɨnek kal okok amɨl, God agnɨgep kal awl kab wali kus gɨl yek ak mɨgan ayaŋ amɨl, takaw teplep ak agñɨlak. Agñɨlɨg, Jisas ne nokom nɨm, Bɨ God nop aglup ak agelɨgɨpal.

Aposel 6:5

Anɨb agelak, mɨdupsek nɨgel kɨlop tep gek, bɨ anep kugul ak aglɨlak. Bɨ anɨb okok nɨm, Stipen bɨ Jisas nop gos lɨnɨŋɨd God Kawnan ne ayɨp nep yek ak, Pilip ak, Plokolus ak, Nikanol ak, Timon ak, Palmenas ak, Nikolas ak. Bɨ Nikolas anɨb ak, ne taun Adiyok nɨb ak bɨ Juda mel ak pen, Juda binɨb gɨpal tek adek ak kɨdek gak.

Aposel 8:1

Stipen nop pakel kumak anɨb ak, bɨ Sol tep kumub agak. Stipen kumek, bɨ God nop nɨŋɨd kɨdek golɨgup ogɨnap, chɨb gek chaŋ lɨlɨg dam kamɨlak. Ñɨn anɨb ak, Juda kay kɨli binɨb Jisas nop gos lɨnɨŋɨd Jelusalem yelɨgɨpal okok, kɨlop gɨ tɨmel gɨnɨg gɨlak. Sol ne kal mɨgan kɨli amɨlɨg, binɨb okok kɨlop monmon pak lɨpɨg dam nag lolɨgup. Anɨgek, ogɨnap pɨlɨk, Samaliya plopens amɨl, ogɨnap pɨlɨk Judiya plopens tɨgoŋ okok amnɨlak. Bɨ Jisas takaw nop dad ameb anep umɨgan ak, kɨli pen Jelusalem yelak.

Aposel 8:26

Pen Bɨawl ensel ne olap apɨl, Pilip nop agak, Tɨkjakɨl, Jelusalem nɨb taun Gasa abal kanɨb pal ak amnɨmɨn agak. Kanɨb anɨb ak, man nep binɨb ma yelak nab okok yek.

Aposel 8:30

Agek, kasek Pilip agak tek amɨl nɨgak, bɨawl Yitiyopiya nɨb anɨb ak, bɨ God gos ñek agñeb Aysaya mɨj kɨl tɨkak ak, nɨgɨlɨg amek. Pilip nɨŋɨd anɨb agak, Mɨj nɨgɨlɨg ameban ak, takaw jɨj ak nɨgeban akaŋ mel agak?

Aposel 8:40

Pen God Kawnan ak Pilip nop dam taun Asdod lek, Pilip binɨb man anɨb okok yelak okok kɨlop Jisas takaw teplep ak agñɨlɨg, gɨ dam dam taun Sisaliya amjakak.

Aposel 8:6

Agñɨlɨg, tap mageptek okok gak. Takaw ne tɨtay agak ak, tɨmud pak nɨgtep yɨbɨl gɨlak.

Aposel 9:20

Mɨdɨl, Juda apnan gɨpal kal okok amel, Jisas takaw ak binɨb okok kɨlop agñɨl agak, Jisas, ne God Ñɨne yɨpɨd gɨl yɨbɨl agak.

1 Kolin 1:23

Chɨn pen Klays mab bak alaŋ chɨpɨl pak tɨbɨk lel kumak takaw ak agñɨbun. Agñon, Juda binɨb okok nɨŋɨd, takaw yɨlɨk gup ak chɨn nɨŋɨd apyap pakɨnɨgun agɨl gos nepal. Pen binɨb Juda mel okok nɨŋɨd, takaw sawl ak ma nɨgɨnɨgun agɨl gos nepal.

1 Kolin 2:2

Yad anɨgɨl gos nɨgɨnek, nɨb ayɨp mɨdɨl, tap olap ke gos ma nɨgin. Jisas Klays, ne mab bak alaŋ kumak nokom nɨm gos nɨgin agɨl nɨgɨnek.

1 Kolin 3:11

Nɨb nepɨm, God ne Jisas Klays nop dɨl, kal meg awl nab ayaŋ pɨsnep puŋɨlak. Nop pɨsnep puŋɨlek, binɨb olap tɨgju yokɨl, kɨdeyɨl olap puŋɨlɨnɨmuŋ tek ma lup.